18 Pepuere 2000, Karakia Whakapai Kaupapa, Te Whanganui ā-Tara
Te take ake o tēnei kaupapa he whakapai haere i ngā mahi me te wāhi mahi i runga i te whakaaro ki te Ao Atua.
Hui mai ana ngā tira o Te Tāhuhu o te Mātauranga, te Kura Kaupapa Māori o Tāmaki nui ā-Rua, ngā kaimahi me ngā kaitautoko o Te Kete Ipurangi. Nō te whitu karaka o te ata i tīmata ai ngā whakapai i a Te Aorere Riddell. Takahi haerehia ana ngā rūma me ngā tari o te wāhi mahi ka mutu ake ai ki te papa tuarua, ki te wāhi noho ai ngā rorohiko o Te Kete Ipurangi.
Nā Pere Maitai i kōrero mō Te Tāhuhu o te Mātauranga me te wero anō kia tika ai tēnei kaupapa ki te reo Māori. Tū mai ana hoki a Hōhepa Campbell hei māngai mō tana kura mō Te Kura Kaupapa Māori o Tāmaki Nui ā-Rua, ā, me ngā kura katoa o te motu. Ko te kaiwhakakapi i ngā kōrero ko David Copeland nō te rōpū o Te Kete Ipurangi. Ko tāna he mihi ki a Te Aorere Ridell mō tana whakahaere i te kaupapa o te rā, he mihi ake hoki ki te whakaminenga, ā, ki ērā hoki i tutuki ake ai te kaupapa o te rā, kātahi ka huri ai ia ki ōna tūmanako, otirā, ki te wā e heke mai ana.
Ka mutu te hui nei i te kai.