Te Whiriwhiri Paewhakaata
He mea whakaputa ia paewhakaata ka hono mai ki Te Kete Ipurangi, mā (t)ētehi o ngā ara arotake e whakamāramahia ake nei i raro ake nei. Engari ko ngā paewhakaata e tohua ana i roto i ngā rauemi nā Te Tāhuhu o te Mātauranga i kirimana mai, nā te Tāhuhu anō kē te tikanga arotake i ēnā.
Ngā taumata arotake paewhakaata
- He mea arotake e Te Kete Ipurangi ia paewhakaata i runga i ngā tohutohu arotake. Waihoki, ka arotake tahitia anō hoki ki te whakaaro Māori. Ko ngā mea e whakaaea ana ka whakarāpopotohia ka whakarārangihia e māmā ai te rapu ake mā te whārangi Rapua rānei o TKI, mā te tiro hapori haere rānei i Te Kete Ipurangi.
- Ka wehewehea mai hei āta arotake motuhake kē ngā paewhakaata whai pānga kē nei ki te Anga Marautanga o Aotearoa, ā, nō reira anō hoki ka meinga ai ia he whai hua kē hoki. He mea arotake ia pae whakaata nei e te rōpū kaiako i kirimanahia e Te Tāhuhu o te Mātauranga kia pēnā, ā, mā rātou anō hoki e tohu ake ngā pānga ki te Marautanga, me te tuku whakaaro mō te whakamahi atu i ngā rauemi ki roto i ngā hōtaka whakaako, akoako hoki.
- Mā te whārangi arotake paewhakaata o TKI e whakawhitiwhiti kōrero ai ngā kaiako mō ngā paewhakaata i pai ai ki a rātou mō roto i ngā rūma akomanga, me te whakahiki anō i ō rātou ake pūkenga.
He ahakoa anō ka rite tonu te hokihoki atu ki ngā paewhakaata nei, ki Te Kete Ipurangi me Te Tāhuhu o te Mātauranga, ehara kē i te mea ka tika ka hāngai ka wā tika, ka tika tonu atu rānei ngā kōrero katoa kē o ēnei paewhakaata.