Te tiki i te whānuitanga o ngā mahi mai i ngā hapori.
Kei i a TKI ngā hapori mō ia o ngā wāhanga ākoranga tōtika, whai atu hoki ko te Mātauranga Māori, me ātahi kaupapa nō te Tāhuhu o te Mātauranga. Kei ia hapori he whārangi pūrongo, me ngā hononga hoki ki ngā kohinga rawa whakaako, akoako hoki, e pā ana ki te marautanga.
Te Taenga atu
Tohua he kete mai i te whārangi 
, haere tōtika rānei ki tētahi hapori mai i te rārangi whakataka, kei te taha katau o te whārangi ūpoko. Ka taea tō haere ki ngā hapori ma te whakamahi i te kono, kei runga ake i ngā whārangi katoa o TKI.
He aha kei te hapori?
Ko te nuinga o ngā hapori, he whārangi pūrongo te whārangi tuatahi. Kua whakahiatohia, kua whakamohoahia ia te wā, e te ētīta ipurangi, māna e miramira i ngā rawa hōu, i ngā rawa e arotia whānuitia ana.
Ka taea tō īmēra i te ētīta o te hapori, ki te hoatu whai whakaarotanga mō ētahi taonga, karere rānei (pēhia te whakaahua o te ētīta, ki te tono īmēra). He tino pai tēnei āhuatanga hei tohatoha whakaaro me ētahi atu tāngata e whai aro ana.
Kei ētahi o ngā hapori nei he 'hapori tuaruatanga', nā te rahi o ngā āhuatanga e pā ana ki te hapori nei. Hei tauira, ko te hapori Tikanga ā-Iwi, ko tōnā tuaruatanga ko te Aro Tikanga ā-Iwi.
Mēnā he manuhiri riterite tonu koe, ki te hapori, ka taea tō tāpui, tō hono atu rānei ki tō rārangi pīrangi. Whakahōungia tō whakaata ia te wā, kia kitea te āhua mohoa o te whārangi nei.
Ngā Rawa Marautanga
Whāia te tao i te taha katau o te rārangi o te whārangi pūrongo, ki te kimi i ngā rawa marautanga me ngā whakaata e pā ana ki tō kaupapa.
Ki te tohua e koe te hononga marautanga, aromatawai, i te hononga ariā whakaakoranga, te tautoko ngaio rānei, kua tuwhera mai he pouaka pato. Ko ngā hononga o tēnei pouaka e hari i a koe, ki ngā kohinga o ngā rawa marautanga e pā ana ki te hapori e tiro nei koe.
Whakapāngia he hononga ki te tohu he aha tāu e pīrangi ana. Ka taea tō neke, te whakanui/iti, te tiro whakarunga, whakararo rānei i te pouaka patō.
Hapori Tauwhitiwhiti
Ka whai ana koe i te hononga ki te Tauwhitiwhiti, kua tuwhera mai he pouaka patō. Tohua tētahi o ngā whiringa kei roto i te i te pouaka ki te whakahoki kōrero, ki te tono i tētahi tirohanga hōu mō tētahi whakaata i kitea e koe i runga i a TKI, ki te hono atu rānei ki tētahi rōpū kōrero.
Kohinga Pū
Ko ngā kohinga pū o roto o ia hapori e miramira ana i ngā rawa i kōmihanahia e te Tāhuhu o te Mātauranga. Kei roto hoki ngā paerewa, ngā rawa tautoko marautanga, ngā tauira akoako me ngā kōrero e pā ana.