Te Whakamōhio mō TKI - te rapu i te ara haere
He aha kei TKI? – Te Whakatere – Me pēhea taku whakamahi i a TKI?
Te Kete Ipurangi - The Online Learning Centre - he tomokanga reo rua tēnei ki ngā rauemi mātauranga i runga i te ipurangi mō ngā māhita o Aotearoa, me te hapori mātauranga hoki. He kaupapa nō te Tāhuhu o te Mātauranga. Ka taea tō tohu ki te tiro i te whakaata i roto i te reo Pākehā, reo Māori rānei.
Ka kite koe i ngā pae whakaata me ngā rauemi kua tirohia, kua tuhia hoki e ngā māhita o Aotearoa, e aro ana ki ngā hiahia o te tangata. Kuhu mai, ka mātakitaki. Mō ngā kōrero hītori o TKI, pānuihia te Mō ngā whārangi.
Hei āwhina i a koe ki te rapu haere i roto i tēnei whakaata, pānuihia a raro nei. Ko ētahi atu take āwhina e rārangihia ana i te taha katau o te papa whakatere.
He aha kei TKI?
Ko ngā rawa marautanga mō te whakaako me te akoako, kua tohu ā-kupuhia, kua whakarārangihia i runga i a TKI. Ko ngā whārangi whakatere matua e kōrerohia ana i raro nei.
Kāinga, koia nei te whārangi matua e hono ana ki ngā wāhanga katoa o te pae whakaata, ā, e hoatu ana i ngā pūrongo kōrero mohoa. E miramira ana hoki i ngā hapori o TKI, Kaupapa Hōu me ngā Kaupapa Pūoho. Kei roto hoki, he rārangi hononga ki ngā aronga i runga i a TKI. Kōrero atu anō, mō Kāinga.
Te Rapu, koia nei te tohu take ki te rapu pū rawa i runga i a TKI. Ka taea tō rapu i ngā rauemi me ngā pae whakaata, i runga i a TKI, ā-kaupapa, ā-momo rauemi, ā-taumata hoki, ma te whakamahi i ngā kupu tohu take me ngā kāwai hononga ki te marautanga o Aotearoa. Kōrero atu anō, mō Te Rapu.
Ngā Hapori, koia nei te huarahi pai ki te kimi i runga i a TKI, mēnā e hiahia ana koe ki te tirotiro, he aha ngā mea i roto i te wāhanga kaupapa. Kei i a TKI, he kete mō ia o ngā wāhanga ako e whitu, te Mātauranga Māori, me ētahi kaupapa nō te Tāhuhu o te Mātauranga. Tohua he hapori, hei kapo i ngā kōrero pūrongo, i ngā kaupapa hōu, ki te kimi hoki i ngā rawa marautanga. Kōrero atu anō, mō ngā Hapori.
Ngā Kura, e whakaatu ana tēnei i tētahi rārangi mō ngā kura katoa o Aotearoa, ngā Īmēra, ngā pae whakaata, me ngā wāhi noho, whai atu hoki ko ngā nama waea, me ngā waea tono. Ka taea tō rapu i ngā kura nei, ā-ingoa, ā-momo, ā-rohe hoki.
Tauwhitiwhiti, hei konei ka taea tō tono mai mō te Nūreta o TKI, waihotia mai he pātai, he karere rānei i runga i te papa karere mō ētahi atu manuhiri hei pānui, hei whakahoki kōrero mai, he tirohanga hōu ki tētahi pae whakaata, he whai whakaarotanga mō tētahi hononga atu ki a TKI.
Kōrero Pūrongo, kei konei ngā kōrero pūrongo mātauranga me ngā aronga kei runga i a TKI, e whakaatu ana i ētahi hononga ki ngā pūrongo mātauranga o Aotearoa me ngā pūtakenga huri noa i te ao.
Mō, e whakaatu ana mō TKI, ngā tāngata e pā ana ki tēnei, ngā whainga hua, ā, he pēhea te whakamātau i ngā rauemi ipurangi, me te whakamāmā ake ki te tiki atu.
Āwhina, e whakaatu ana i ngā kōrero me ngā whakaakoranga hoki mō te whakamahi i a TKI.
Te Whakatere - te rapu i te ara haere
Kei ngā whārangi katoa ngā kono whakatere o TKI. Pēhia te kono hei haere ki tētahi atu wāhanga. E whakamōhio ana te papa pānui kei hea koe.
Tirohia te taha katau o ngā whārangi mō ngā hononga ki ngā kohinga pū o ngā rawa e pā ana ki tēnei wāhanga.
Me pēhea taku whakamahi i a TKI?
Mēnā e tiro pū ana koe mō tētahi take kē, me whakanao atu koe i ngā mahi a TKI, mā te whakamahi i te whārangi rapu. Ma te whakamahi i te rapu TKI, ka kitea e koe ngā rawa marautanga, kua whakarārangihia, kua aromatawaitia e te tīmā pūkenga o TKI.
Ko ngā kōrero o roto o TKI, ka raua ki roto i ngā hapori o ngā wāhanga ako e whitu, te Whakarite me te Whakahaere i ngā kura o Aotearoa, me ngā kaupapa o te Tāhuhu o te Mātauranga. Ko te tiro hapori, he ōrite ki te tiro haere i ngā kāpata rauemi o te kura. Ko ngā rawa e pā ana ki te wāhanga e arohia ana e koe, kua kohia ki te wāhi kotahi. Ki te kore koe e mōhio, he aha tāu e pīrangi ana, he mea tirotiro noa iho i runga i te whata, ki te tiro he aha kei kōnā. I raro mai o te tao nui i te taha katau o te hapori, he hononga (marautanga me te aromatawai, te ariā whakaakoranga me te tautoko pūkenga) hei āwhina i a koe ki te tiro i pēhea te whakaingoa i ngā whata.