< April 2006 |
Main | June 2006 >
Pāwhiria a konei ki te tūhura i ngā karahipi e wātea ana ki ngā kaiako i ngā mahi pūtaiao, me ngā mahi hangarau. E tuku tono ana te New Zealand Institute of Food Science and Technology (NZIFST), kia tae mai ngā pukatono mai i te hunga e hiahia ana ki te mahi mō te kotahi tau i roto i tēnei tū momo tūāpapa.
http://www.tki.org.nz/r/technology/pdf/rsnz_fellowship_offer.pdf
31-05-2006
Tūhurahia tēnei paetukutuku o Ingarangi, e whakanui ana, e tautoko ana hoki i ngā whakamahinga o ngā mahi ICT i roto i te marautanga Hangarau. Kei tēnei pae ngā rauemi tautoko me ngā tirohanga whānui e tautoko ana, he whakarato hoki i ngā whakaaro mō ngā momo huarahi mō te whakamahi i te Ipurangi, ki te hoahoa, me ngā hangarautanga mō ngā mahi whakaako, akoako hoki.
http://curriculum.becta.org.uk/docserver.php?temid=83
31-05-2006
Tirohia te wāhanga hoahoa, hangarau o Bitesize, e whakarato ana i tētahi huarahi mō ngā ākonga o ngā kura tuarua ki te whakahou ake i a rātau mōhiotanga mō ngā take pēnei i te pūnaha, me te whakahaere, ngā rauemi ārai, ngā mea ā-hiko, ngā whakaahua, ngā hangarautanga pūweru, me te hangarautanga kai. He paku whakamātautau anō kei konei me tētahi rārangi arotake.
http://www.bbc.co.uk/schools/gcsebitesize/design/
31-05-2006
Tūhurahia tēnei kohinga o ngā rauemi e tautoko ana i ngā mahi whakaakoako mō ngā reo rua kē i runga i te paetukutuku Kōtimana mō ngā mahi Whakaako, Akoako hoki. Kei tēnei kohinga ngā pepa mō ngā ākonga e pā ana ki ngā momo mahi mō te hunga he pūkenga reo kē a rātau, tae atu ki ngā momo whakaari Wīwī, Tiamana, me ngā momo whakaarotanga e pā ana ki ngā momo whakaakoranga, me ngā āhuatanga akoranga hoki.
http://www.ltscotland.org.uk/mfle/index.asp
31-05-2006
Pānuihia tēnei pepa e whakarite ana me pēhea, atu i ngā tau e rima e heke mai ana, e tutuki ai e Te Tāhuhu o te Mātauranga ngā whāinga tūturu, me ōna whāinga paetawhiti mō te Kāwana o Aotearoa. Kei konei hoki te pūrongo Departmental Forecast Report mō te 1 o Hongongoi 2006 ki te 30 o Pipiri 2007.
http://www.minedu.govt.nz/index.cfm?layout=document&documentid=11148&am
p;am
p;data=l
29-05-2006
Tirohia ēnei paerewa mahi hou e iwa e pā ana ki ngā taputapu akoako kua tāpirihia ki te whenu tauanga i runga i te nzmaths.
http://www.nzmaths.co.nz/Number/Operatingwithno.aspx
25-05-2006
Tirohia ngā mahi a ētahi Āpiha Whakawhanake Rauemi Tuhituhi Kōrero i te taha o ngā kaiārahi kura mō ngā ākonga tau 1–8, e āwhina ana i a rātau ki te tātari haere i ngā raraunga tuhituhi kōrero, me ngā tirohanga hou o ngā whāinga me ngā mahere mō ngā mahi tuhituhi kōrero. E whakarato ana ngā tirohanga whānui i ngā kitenga o ngā hiahia a ngā ākonga, ā, me pēhea hoki e tūhurahia, e whakamahia rānei kia whai hua ngā rautaki ki te whakakaha i ngā tuhituhinga kōrero a ngā ākonga.
http://www.tki.org.nz/r/literacy_numeracy/ldo/
25-05-2006
Tirohia tēnei Kaupapa Pūoho mai i a TKI, e mau nei ngā pārongo me ngā hononga Ipurangi e pā ana ki te rā whānau o te Kuini o Ingarangi, arā kua 80 tōna pakeke, te Kīngitanga o Ingarangi, me te tūranga o Aotearoa e pā ana ki ngā ture o te Kīngitanga, me te whare pāremata hoki.
http://www.tki.org.nz/r/hot_topics/monarchy_e.php
24-05-2006
Pānuihia tēnei kōrero mai i a Ann Bancroft rāua ko Liv Arnesen mō tā rāua haerenga, i ngā tau 2000/2001, ā, i noho ko rāua ngā wāhine tuatahi ki te whakawhiti i te ao o Antarctica. E tuari pārongo ana ngā wāhine nei mō ngā kararehe, ngā whakatipu, me ngā kararehe hoki o taua rohe ake, te āhuarangi, me ngā tikanga matawhenua, me ngā matapaenga o te haerenga nei.
http://www.yourexpedition.com/bae_archive/pages/fp_geargiz.html
24-05-2006
Ekea te pahi mariko mō te paerewa marautanga o Te Kotahitanga o te Ao, ka tiro hoki ki te wāhanga e pā ana ki te pōharatanga. Kei roto nei ngā paerewa mō ngā kai, te hauora, ngā kāinga, te mātauranga, te mahi, me ngā haumarutanga ōhanga. He whakamāramatanga, he tūmahi mō te akomanga, he whakaaro mō tētahi ratonga hapori, me ōna hononga ipurangi e hāngai ana.
http://www.un.org/Pubs/CyberSchoolBus/poverty2000/index.asp
24-05-2006
Tūhurahia tēnei pae mai i te BBC ki te rapu i ngā kōrero mō te orokohanga mai, me te pahūtanga o ngā whetū, me ngā momo whetū hoki.
http://www.bbc.co.uk/science/space/stars/
24-05-2006
Me whai wāhi atu koe ki ngā hōtaka mō te pouaka whakaata pūtaiao puta noa i te ao, mō te kore utu. Ka taea hoki tō whakamahi i tēnei pae mō ngā mahi pūtaiao, ki te tūtakitaki atu ki ētahi kaimātai pūtaiao o Aotearoa, me te tiro he aha a rātau mahi. Kei tēnei pae hoki ngā momo putanga ataata e miramira ana i ngā kaupapa ā-rohe i hangaia e ngā ākonga o ngā hapori me ngā kura puta noa i te motu, tae atu hoki ki ngā putanga ataata mai i a NASA me ērā atu o ngā ūmanga whakamātai o te ao.
http://www.hotscience.co.nz/
24-05-2006
Tirohia ngā rerekētanga ka whakamahia mō ngā tahua whakahaere mai i te tau 2007 mō ngā kura auraki katoa.
http://www.minedu.govt.nz/index.cfm?layout=document&documentid=11257&am
p;am
p;data=l
23-05-2006
Me whai wāhi atu koe ki tō kape o te 'CANZ Resource CD' – nā te Computer Access NZ Trust (CANZ) i tā, ā, koia nei te putanga tuawaru o ngā mahinga nei. Kei runga i tēnei kōpaepae ngā pūkenga rorohiko neke atu i te 168 rerekē; ā, koinei te kohinga pēnei tino whānui o ngā pūkenga rorohiko mātauranga, mai i ngā mea iti, ngā mea māmā, tae noa ki ngā mea uaua katoa. He pai hoki hei puna mō ngā putanga mohoa o ngā mahinga hōtaka whakawhitiwhiti kōrero, pūkenga mahi hoki. Me tiro koe ki ngā putanga mohoa o ngā pūkenga rorohiko hou. Kotahi te kape o te kōpae mō ngā kura katoa, ā, ka tohaina me te putanga o Tukutuku Kōrero mō te marama o Haratua.
http://www.tki.org.nz/r/ict/pedagogy/learningpower/new_e.php
22-05-2006
Pānuihia ngā kōrero pārongo mō ngā mahi ārahi ā-kaiako mō ngā ratonga kōhungahunga, e whakamārama ana i ngā haora 20, e noho kore utu ai ngā mahinga mātauranga kōhungahunga mō ia wiki. E wātea ana tēnei tū āhua ki ngā tamariki e toru, e whā rānei te pakeke, ka whakaurungia tēnei tū momo kaupapa a te 1 o Hongongoi mō te tau 2007.
http://www.minedu.govt.nz/goto/11253
18-05-2006
Rapua ngā kōrero e pā ana ki te hono atu ki tēnei hōtaka mō te karahipi whakahoahoa kaiako. E whakaata ana tēnei hōtaka i te kaha o Te Tāhuhu o te Mātauranga ki te whai i te kounga o ngā mahi whakaako; te whakapakari haere i ngā pūkenga a ngā kaiako; me te whakakaha haere i ngā rautaki ako ā-hiko i roto i ngā kura. E whakamōhio ana, e whakawhiwhihia ana ngā kaiako o Aotearoa, e nana nei ki te whai i te ara pai ki te whakapakari haere i ngā akoranga a ngā ākonga mō ngā mahi ICT. Ka puta ake ngā tū āhua whakauru, te rā kati, me te tukanga tono i waenga i te tau 2006 i roto i te Tukutuku Kōrero o Aotearoa, ā, e wātea ana hoki ngā puka tono i runga i tēnei whārangi.
http://www.minedu.govt.nz/index.cfm?layout=document&documentid=11192&am
p;data=l
04-05-2006
E tuku tono ana Te Tāhuhu o te Mātauranga i ngā tono mai i ngā kāhui kura mō ngā tahua tautoko i ngā hōtaka whakahiki pūkenga mō ngā mahi ICT e hāngai ana ki te whakapakari i te kounga o ngā mahi whakaako, me ngā whāinga tutukitanga mō ngā ākonga katoa, tae atu hoki ki te whakapakari haere i ngā tukanga pūkenga o ngā hapori.
http://www.minedu.govt.nz/index.cfm?layout=document&documentid=7383&
; CFID=7576034&CFTOKEN=56740384
04-05-2006
Tūhurahia tēnei paetukutuku mō tētahi kaupapa ā-ao i hangaia ki te tuakiri i ngā ākonga pupū pūkenga. Ko te whāinga matua o World Class Arena he whakarato i a rātau whakamātautau, engari he tuma kei konei mō ngā mahi pāngarau, me te wete raru, tae atu hoki ki ngā āhuatanga whakahoki kōrero mai. Me whakamahia koa te Shockwave hei whakamahi i ngā tuma nei.
http://www.worldclassarena.org/v5/default.htm
04-05-2006
Tirohia ngā pūrongo tumuaki mō ngā hāpati ā-tau kei runga i a LeadSpace (kei te tauira PDF). Kua whakaatungia ēnei ki ngā tumuaki mai i ngā kura tuatahi, kura ā-rohe, me ngā kura tuarua hoki.
http://www.leadspace.govt.nz/leadership/sabbatical.php
04-05-2006
Tirohia te 'Hangaia ki te Māti' me 'He Pānga Taurangi', ngā paerewa hou e rua o ngā mahi mō te wāhanga Rauemi Reo Māori o NZ Maths.
http://www.nzmaths.co.nz/maori/Taurangi.aspx
03-05-2006
Tirohia tēnei paetukutuku nō Airana e whakarato ana i ngā rauemi me ngā tūmahi tauwhitiwhiti mō ngā kaiako me ngā ākonga. Kei te wāhanga Junior Cycle English e toru anō ngā raupapa: ko te Ruri, ngā Akoranga pāpāhō, me te Whakapakari i to reo Ingarihi. Pāwhiria te rārangi taka o te wāhanga Senior Cycle English ki te tiro i ngā kōrero tohutohu mō ngā mahi Ingarihi.
http://www.skoool.ie/junior.asp?id=1228
03-05-2006
Kua tae mai rā te marama puoro o Aotearoa! Me noho mohoa koe ki ngā tū momo waiata katoa mā te tirotiro ki tēnei paetukutuku mai i tētahi ūmanga tari kāwana. Rapua ētahi atu kōrero mō ngā ara mātauranga e mahia ana e te Kōmihana nei, pērā i te kaupapa Music Mentoring in Schools.
http://www.nzmusic.org.nz/
02-05-2006
Tūhurahia tēnei pae ki te rapu i ngā kōrero e pā ana ki tēnei kaituhi o Aotearoa me ōnā mahi, arā, a Douglas Lilburn. Kei tēnei kohinga ngā mea pērā i ngā pārongo, ngā whakaahua, ētahi putanga oro, ā, e pā ana ki tētahi raupapa i runga reo irirangi, tekau ngā wāhanga o te raupapa nei, ā, i hangaia e Concert FM o Irirangi Aotearoa.
http://www.douglaslilburn.com/
02-05-2006
Tirohia tēnei maramara panga hou i runga i te whārangi papakāinga o NZ Maths, me ngā hononga e pā ana ki ngā taputapu akoako i roto i te Pātakamamati. Me rehita rā anō koe i tō kura i mua i tō urunga ki ngā rauemi nei.
http://www.nzmaths.co.nz/LearningObjects/
02-05-2006
Tirohia tēnei pae ki te rapu i ngā kōrero e pā ana ki te KidsCongress, he hui ā-ao, he hui kua whai taonga mō ōna mahi hangarau, he hui akoako hoki mō te hunga ākonga 9–12 te pakeke. Ko te whakahau o tēnei hui iti, he whakamahi i te reanga mamati ki ngā mahi pārekareka, ngā awheawhe wete raru mā te whakamahi i ngā āhuatanga ICT. Ko te kura tuatahi 'kaitūruki' – i kitea ōna whakaaro whanake, me tōna rikarika ki ngā mahi hangarau hou – kua tohua ki te āwhina ki te whakahaere i te kaupapa nei. Nā te mea e whakahaerengia ana tēnei paetukutuku e ngā tamariki, ko ngā mahi ka kitea, nā rātau ake, ā, kei a rātau ake taumata akoako.
http://www.kidscongress.org.nz/kidscongress/
01-05-2006
Papakāinga | Ngā Pūrongo | Mō TKI | Hapori | Rapua | Ngā Kura | Tauwhitiwhiti | Tomokanga | Āwhina
© Te Tāhuhu o te Mātauranga, Te Whanganui-ā-Tara, Aotearoa. Tikanga me ngā Whakaritenga | Whakapā mai ki a mātau
He whakawātea poto mai i ngā ture whakaae o te Aratohu Ipurangi o te Kāwana o Aotearoa
He pai ake te tiro i tēnei paewhakaata mēnā kai i a koe te Netscape 6, te Mozilla, te Internet Explorer 5 rānei.
Nā te mea kua āta wānangatia ngā whārangi e hono ana ki TKI mō ngā kōrero kaore i tika, ka noho tonu te mana ki te tangata e whakamahi ana i ngā pūrere rapu i runga i ēnei paetukutuku.