< August 2006 |
Main | October 2006 >
Tangoa atu tēnei puka iti e 45 ngā whārangi mai i te Whare Wānanga o Cambridge, kei reira te tangata nei a Jack C. Richards, e kōrero ana mō te communicative language teaching (CLT) hei ariā whakaakoranga mō te whakaako i ngā reo kē. Kua tātarihia, kua arotakengia ngā whakamārama, ngā hītori, ngā ritenga me ngā tukanga o te whakaako i ngā reo o ēnei rā. Ahakoa i takea mai te puka iti nei i t te kaupapa ESOL, e pā ana ngā kōrero ki te whakaako i ngā reo puta noa kē.
http://www.cambridge.com.mx/site/EXTRAS/jack-CD.pdf
30-09-2006
Tirohia tēnei paetukutuku mai i te rōpū o Pandemonium Percussion o Ōtautahi. Tangoa ngā pepa tauira PDF mō te hanga i ngā puoro māmā mai i ngā mea puta noa, me te whakatangi i ngā tangi ūngeri a te hunga taketake o te ao. Rapua ētahi o ngā whakangahautanga, ka tiro hoki ki te rauemi World Tour of Percussion Music mō ngā tau 7–10, e wātea ana hoki hei hoko mai māu.
http://www.pandemoniumpercussion.homestead.com/main.html
27-09-2006
Tirohia tēnei paetukutuku ki te tūhura i ngā hītori, i ngā mahinga toi, me ngā tukanga mahinga toi o Ingarangi, mai i te rau tau 16, tae noa ki ēnei rā. He aratakinga kei tēnei pae, ā, he mātakitaki rānei mai i ngā take pēnei i te: circus, te kanikani, mahi whakaari, ngā mahinga puoro, ngā mahinga momo hoki, ngā whakangahautanga puoro, ngā mahinga puoru, te whakaata haere, ngā whakaari karetao, me ngā mahi rock me te pop.
http://www.peopleplayuk.org.uk/
26-09-2006
Ārahingia o ākonga ki tēnei paetukutuku a te New York Philharmonic mō ngā tamariki. E whakarato ana i ngā pārongo mō ngā momo whakatangitangi, ngā kaitito, te tito waiata, me ētahi tauwhitiwhiti, tūmahi rānei e pā ana ki ngā mahinga puoro.
http://www.nyphilkids.org/main.phtml
26-09-2006
E whakaratohia ana e te GeoNet Project o Aotearoa ngā tū āhua mātakitaki ā-rangi, me te kohi raraunga kia tere ai ngā mahi rangahau, ngā mahi whakautu tere hoki mō ngā mōrearea, pērā i te rū, i te maunga pū, i te horo ā-whenua, me te ngaru taiāwhio. E whakarato ana tēnei kāmera ipurangi i ngā whakaahua mō te maunga pū i te moutere o Whakaari.
http://www.geonet.org.nz/images/whiteis.jpg
14-09-2006
Tirohia tēnei whārangi papakāinga mō ngā pōtitanga o te poari kura mō te tau 2007. E miramirahia ana e tēnei paetukutuku ngā pārongo, rauemi, ngā whakaaro, me ngā kawenga pūrongo puta noa i te wā e haere ana ngā mahi pōti, ā, ka mutu ngā mahi nei a te wā ka pāohotia a te 4 Paenga-whāwhā 2007.
http://www.trustee-election.co.nz/
14-09-2006
Pānuihia te pūrongo mohoa o Te Tāhuhu o te Mātauranga e pā ana ki te mātauranga māori, mai i te rāngai kōhungahunga, ki te rāngai wānanga. E whai pānga ana ki ngā kaupapa e hāngai ana ki ngā mahi māori, ngā pārongo tatauranga, me ngā mahinga tātari hoki. Ka taea te tango i te pepa nei hei tauira PDF, me whakapā rānei ki a Avril Gaastra, īmēra: avril.gaastra@minedu.govt.nz, i Te Tāhuhu o te Mātauranga, ki te tono kape māu.
http://www.minedu.govt.nz/index.cfm?layout=document&documentid=11210&am
p;am
p;data=l
14-09-2006
Pānuihia tēnei whakawhitinga pānui i runga i tēnei whārangi e whakarāpopoto ana i ngā take matua mai i ngā whakahokinga kōrero a ngā kaiako, ngā whakawhitinga kōrero i puta ake, me ngā tohutohu kua mahia e pā ana ki ngā whakautu ki te Achievement Standards Consistency Review.
http://www.minedu.govt.nz/index.cfm?layout=document
&documentid=11481&a
mp;data=l
13-09-2006
Whakahaungia o ākonga ki te tūhura i te raru nui o te paihamu o Aotearoa, me te whakahaere i ngā tauira whakarite koioratanga. He mahere paerewa e wātea ana, e whakatakoto ana i ngā tutukitanga, i ngā tautōhito akoako, i ngā tūmahi whakaako, aromatawai hoki.
http://www.biotechlearn.org.nz/what_is_biotech/
environment/focus_stories/b
iological_control_of_possums
13-09-2006
Tūhurahia tēnei hōtaka pouaka whakaata e rārangi ana i ngā kaihanganga rangatahi o Aotearoa, me ngā kaihoahoa matatau me ngā tāngata rongonui e noho ana hei kaiako. E whai ake ana te aratohu akomanga e hāngai ana ki ngā taumata 4 me te 5 o te marautanga hangarau.
http://tvnz.co.nz/view/page/687734
13-09-2006
Poipoia ngā pūkenga wete raru a ō ākonga mā te whakarite i ētahi tuma hangarautanga hei whakaoti mā rātau. Whakahaungia rātau ki te whakawhiti kōrero me ngā ākonga, me ngā kaiako, me tētahi kaihanganga i runga ipurangi kia pai ai tā rātau hoahoa, me te panoni i a rātau hanganga.
http://www.dupagechildrensmuseum.org/kdn/
13-09-2006
E whakaatu ana tēnei pūrongo i ngā ōritenga o ngā rūri whakauru mō ngā kaiako e uru atu ana ki te hōtaka o te National ICT Professional Development Clusters, mō ngā tau 1999–2006. I whakaotia e ngā kaiako mai i ia wāhanga tētahi pukapātai mō a rātau pūkenga ICT, tō rātau angitūtanga, me te angitū o ngā momo ICT i roto i te akomanga, ētahi tūmahi ICT, me te whakamahi i ngā mahi ICT i roto i ngā mahi mahere, whakareri mahi, me ngā mahi whakahaere hoki. Kua puta ngā kōrero nei i roto i tētahi purongo.
http://www.minedu.govt.nz/index.cfm?ID=11497
12-09-2006
I ēnei rā kua noho kē te Oamaru Blue Penguin Colony hei wāhi atawhai i tēnei mea o te kororā, arā, te kororā iti katoa o te ao. E whakarato ana hoki tēnei paetukutuku i tētahi kāmera rama whero kei te kōhanga tonu o ngā kororā nei.
http://www.penguins.co.nz/aweb1.htm
12-09-2006
E whakarārangi ana tēnei paetukutuku i ngā whakamahinga haumaru o ngā kāmera ipurangi mō ngā mahi a ngā ākonga, ā, e whakamārama ana hoki i ngā hua o te whakamahi i ēnei tū āhua. Kua rārangitia ngā aratohu haumaru me ngā whakamāramatanga mō te whakamahi i te kāmera nei.
http://schools.becta.org.uk/index.php?section=is&
catcode=ss_77354f22&a
mp;pagenum=1
12-09-2006
Ākongahia ngā kōrero mō ngā whanonga o te wuruhi mā te mātakitaki i tēnei kōnae ataata, me te uiuitanga i te taha o te tangata e tohunga ana ki te wuruhi. Kei tēnei paetukutuku hoki ngā pārongo me ngā rauemi e pā ana ki ngā wuruhi, he aratohu mō te kaiako, he tuhinga kōrero o te hōtaka pouaka whakaata e pā ana ki te wuruhi, ā, ko David Attenborough te kaikauhau o runga.
http://www.pbs.org/wgbh/nova/wolves/
12-09-2006
Whakamahia tēnei mātāpunenga kararehe ki te rapu pārongo mō ngā tū āhua koiora o ngā momo kararehe, me ngā momo rōpū kararehe hoki. Ko ngā pārongo e wātea ana ko ngā rārangitanga, ngā anga, me te anga tinana hoki.
http://www.si.edu/resource/faq/nmnh/zoology.htm
11-09-2006
Āta tirohia tēnei pae e hāngai ana ki ngā ākonga kura tuatahi mō ngā pārongo me ngā tūmahi e pā ana ki te moana.
http://www.fi.edu/fellows/fellow8/dec98/main.html
11-09-2006
Rapua ngā rārangi tao kai, ngā tūmahi, me ngā pānui ā-ipurangi e whakamārama ana i ngā āhuatanga pūtaiao mō ngā kai, me te tao kai hoki. He rawe tēnei paetukutuku mō ngā ākonga mahi hangarau, mahi ohanga kāinga hoki.
http://www.exploratorium.edu/cooking/index.html
11-09-2006
Tirohia tēnei paetukutuku mō te tātari hinengaro, ka mahi hoki i ngā tūmahi mō te aromatawai i ngā hatepe mōhio ora, me te hatepe mōhio muna.
https://implicit.harvard.edu/implicit/research/
11-09-2006
Tirohia tēnei paetukutuku ture maha mō ngā momo pārongo, me ngā kaupapa pēnei i te koiora, te matawhenua, te papawhenua, me ngā pārongo wāhi matawhenua, me te wai hoki. E wātea ana te whāngaitanga RSS mō ngā pūrongo mohoa, me ngā pātai auau hoki.
http://www.usgs.gov/
11-09-2006
Whakamahia ēnei Aratohu mō te Kaiako, kei runga nei i te ipurangi i nāianei hei tautoko ake i ngā taitara e waru hou kua tāpiritia ki tēnei kohinga rauemi, arā, te Ready to Read , mō ngā hunga tīmatanga, me te hunga matatau hoki.
http://www.tki.org.nz/r/literacy_numeracy/professional/teachers_notes/ready
_to_read/rr_level_search_e.php
06-09-2006
Pānuihia tēnei whakawhitinga pānui i runga i tēnei whārangi e whakarāpopoto ana i ngā take matua mai i ngā whakahokinga kōrero mai i ngā kaiako, ngā whakawhitinga kōrero i puta ake me ngā tohutohu kua mahia e pā ana ki ngā whakautu ki te Achievement Standards Consistency Review.
http://www.minedu.govt.nz/index.cfm?layout=document&documentid=11481&am
p;data=l
01-09-2006
Āta whakatakotoria o akomanga kia uru atu rātau ki ngā mahinga Digital Conversations e whakahaerehia ana i roto i tēnei hōtaka hui ataata. Ko ngā kaupapa e kōrerohia ana i runga i a WordSpace ko ngā mahi kawe pūrongo i te taha i a Sandór Lau rāua ko Lane Nichols, me Damien Nichols rāua ko Frances Samuel e kōrero ana mō ngā tuhinga auaha. Ka taea hoki te tiro ki ngā huinga ataata kua mahia kētia i runga i te ipurangi. Mō ētahi atu pārongo īmēra atu ki a elizabeth.craker@cwa.co.nz
http://www.digitalconversations.org.nz/
01-09-2006
Papakāinga | Ngā Pūrongo | Mō TKI | Hapori | Rapua | Ngā Kura | Tauwhitiwhiti | Tomokanga | Āwhina
© Te Tāhuhu o te Mātauranga, Te Whanganui-ā-Tara, Aotearoa. Tikanga me ngā Whakaritenga | Whakapā mai ki a mātau
He whakawātea poto mai i ngā ture whakaae o te Aratohu Ipurangi o te Kāwana o Aotearoa
He pai ake te tiro i tēnei paewhakaata mēnā kai i a koe te Netscape 6, te Mozilla, te Internet Explorer 5 rānei.
Nā te mea kua āta wānangatia ngā whārangi e hono ana ki TKI mō ngā kōrero kaore i tika, ka noho tonu te mana ki te tangata e whakamahi ana i ngā pūrere rapu i runga i ēnei paetukutuku.