< November 2006 |
Main | January 2007 >
Tūhurahia tēnei pae mō ngā mātauranga pupū pūkenga mai i te Northwestern University. Kei te kohinga o te 'Topics in Gifted Education' ngā mea pēnei i ngā putanga pūrongo, i ngā uiuitanga me ngā take rauemi pānuitanga ngaio pērā i te tuākiri, i te kōkiritanga, i ngā hohoatanga ā-pāpori, ā-hinengaro hoki, tae atu ki ngā take akoako hauātanga.
http://www.ctd.northwestern.edu/resources/
21-12-2006
Tūhurahia tēnei rauemi mō te whakaako, me te ako i tētahi reo kē mō te hunga ākonga reanga teina. He pārongo mō ngā hua o te akoako i te wā e kōhungahunga ana, he hononga ki ngā rauemi whakaako, akoako, ngā pārongo me ngā rauemi mō ngā mahi rautaki, mahi āria hoki. Kei tēnei pae ngā kōnae ataata e whakaatu ana i te whakaakotanga o ngā rauemi nei i roto i ngā horopaki katoa.
http://www.cal.org/earlylang/benefits/index.html
21-12-2006
Whakahaungia o ākonga ki te tiro i tēnei pae, ka arotake, ka whakaputa whakaaro mō ngā kōrero kua tuhia, kua kōrerohia i a rātau e tūhura ana i ēnei rauemi e pā ana ki ngā motuhenga o ngā take katoa a te Public Broadcasting Service (o Amerika). Ka taea tō mātakitaki, tō whakarongo hoki ki ngā motuhenga, ka pānui i ngā kōrero me ngā kauhautanga, ngā pūrongo me ngā whakawhitinga kōrero e pā ana ki ngā take. E whakarato ana te pūrere rapu o tēnei pae i ngā whakaurutanga ki ngā rauemi o ngā motuhenga nei ā-take, ā-taitara rānei.
http://www.pbs.org/wgbh/pages/frontline/
21-12-2006
E whakamārama ana tēnei kete pārongo, arā, te Student Achievement in New Zealand i ngā tutukitanga a ngā ākonga i roto i ngā mahi pānui, tuhituhi me ngā mahi pāngarau, arā, He Kete Raraunga.
http://www.educationcounts.edcentre.govt.nz/research/soik.html
14-12-2006
Whakapakarihia o mihimihi mō te wā raumati! He wāhanga kei te pae o Kōrero Māori, e noho nei ngā kīwaha, ngā rerenga kōrero hoki mō te Kirihimete, mō te haumarutanga o te rā, mō te haere ki te marae, mō te kaukau, me te haere ki te mātakitaki kiriata. He kōnae oro tā ia o ēnei rerenga kōrero, kīwaha hoki, kia tika ai tō whakahua i ngā kupu, i ngā kōrero.
http://www.korero.maori.nz/news/summer
11-12-2006
Tirohia te kokona Māori hou i runga i a wickED. Whakamahia hoki tēnei whārangi ki te uru atu ki ngā kōrero reo rua, ki ngā kōrero reo Māori hoki kei runga i a wickED, pērā i ngā tauwhitiwhitinga, ngā panga kupu, me ngā panga pūtaiao. Ko te mahi a te whārangi rauemi Māori he tohu ia koe ki ētahi atu rauemi Māori e whai kounga ana.
http://www.tki.org.nz/r/wick_ed/kokona_maori/index.php
08-12-2006
Tirohia tēnei paetukutuku e noho nei ngā tuhinga tautohetohe, ngā aratohu, ngā papa tauira mō ngā ākonga ki te whakahaere, ki te rangahau, ki te kōrero hoki i roto i ngā tautohetohe. He whakamāramatanga e pā ana ki te anga me te tukanga o ngā tautohetohe, ngā whakamāramatanga o ngā kupu tautohetohe, me tētahi wāhanga mō ngā kaiako, tae atu ki te pepa kaute, me ētahi atu rauemi hoki. Ka taea te tango i te nuinga o ngā rauemi nei hei pepa Word, hei pepa PDF rānei.
http://www.learnquebec.ca/en/content/curriculum/social_sciences/features/de
bate/
08-12-2006
Kua taea tō uru atu ki te Index New Zealand, ā, kua whakakorea te āhua o te kupu muna, ā, kua wātea ki ngā kura katoa, ka rapu hoki i nga kōrero poto o ngā pūrongo mai i ngā pānuitanga neke atu i te 300 o Aotearoa. Tirohia tēnei whārangi ipurangi mō te tiki atu i ngā kape o ngā pūrongo nei mai i Te Puna Mātauranga o Aotearoa, mēnā kāore ngā moheni e wātea ana i ngā whare pukapuka ā-kura, ā-rohe rānei.
http://www.tki.org.nz/e/tki/innz/
08-12-2006
Ko tēnei kaupapa, arā, te Mission-On, he kāhui kaupapa whānui hei whakarato i te hunga taiohi o Aotearoa me a rātau whānau i ngā taputapu ki te whakapakari i a rātau mātauranga ki ngā kai whai hua, me te whakahau ake i ngā mahi hauora. E hāngai ana ki ngā tamariki me ngā taiohi mai i te whānautanga mai, tae noa ki te hunga 24 a rātau tau.
http://www.minedu.govt.nz/index.cfm?layout=document&documentid=11700&am
p;data=l
08-12-2006
Kei roto i te marautanga tarāwhe o Te Marautanga o Aotearoa mai i te Tāhuhu o te Mātauranga, he tirohanga, ngā ritenga, ngā uara, te rārangitanga o ngā kaupapa matua e rima, ngā whakamārama me ngā paerewa paetae o ngā wāhanga akoako e waru, ngā whakawhitinga kōrero mō ngā ariā whakaakoranga, me te hoahoatanga o tētahi marautanga ā-kura.
http://www.tki.org.nz/r/nzcurriculum/index_e.php
07-12-2006
Whāia tēnei aratohu ipurangi e pā ana ki te Power & Taboo – Sacred Objects from the Pacific, he whakakitenga mohoa e whakahaerengia ana i te British Musuem i Rānana. Kei roto i te whakakitenga ko ngā whakaahua, ngā kōrero tohutohu, me ngā whakamāramatanga mai mō ngā taputapu nei, tae atu ki te tūhonotanga ki ngā Atua, me te pānga o tēnei āhua o te taboo ki ngā mea nei. Arā noa atu ngā momo mea kei konei pērā i ngā korowai, i ngā whakairo rākau, ngā peita, me ētahi atu o ngā mea i kohia mai i ngā tau 1760 – 1860 e te hunga mihinare me te hunga hōpara o Ūropi.
http://www.thebritishmuseum.ac.uk
06-12-2006
Tangoa mai te mahere whakamahi a Te Tāhuhu o te Mātauranga mō ngā mahi akoako ā-hiko i roto i ngā Kura Kaupapa Māori me ērā o ngā kura e mahi ana i ngā mahi Māori. E whakarato ana hoki i ngā rautaki tautoko, i ngā rautaki tohutohu ki te whakamahi i ngā mahi akoako ā-hiko me ngā mahi ICT ki roto i ngā kura i ngā tau e whā e haere mai ana. Kua whakaatuhia mai ngā whāinga matua, me ngā mahi kia tutuki ai tēnei tū āhua.
http://www.minedu.govt.nz/index.cfm?layout=document&documentid=11686&am
p;data=l
06-12-2006
Tirohia tēnei pūrongo e pā ana ki te kounga o ngā ara whai mahi mātauranga, me ngā mahi tohutohu i roto i ngā kura i te taha o ngā ākonga tau 7 piki atu.
http://www.ero.govt.nz/ero/publishing.nsf/3e9bdcd6b9de8edaca25692100069835/
05-12-2006
Tirohia tēnei paetukutuku mō te tirohanga whānui ki ngā mahi e pā ana ki ngā kaupapa ngā toi, me te pūtaiao mō ngā mahi hoahoa raiti, e pā ana ki ngā mahinga raiti mō ngā whakaari, me ngā whakangahautanga. Ko te tikanga o tēnei pae, he tohutoro mō te hunga ākonga, te hunga kaiako, te hunga ngaio hoki o ngā mahi hoahoa raiti.
http://www.mts.net/~william5/sld.htm
01-12-2006
Tirohia ēnei tauwhitiwhitinga ngā toi e tūhura ana i ētahi o ngā whai whakaarotanga i muri i ngā mahi toi a Leonardo da Vinci. Arā noa atu ngā tūmahi pērā i te whakautu pātai mō te Mona Lisa, kia menemene mai a ia, te hanga taniwha mā te whakamahi i ētahi wāhanga o ngā momo kararehe, me te tuhi whakaata mā te whakamahi i tētahi huruhuru manu.
http://www.universalleonardo.org/activitiesSingle.php?id=526
01-12-2006
Papakāinga | Ngā Pūrongo | Mō TKI | Hapori | Rapua | Ngā Kura | Tauwhitiwhiti | Tomokanga | Āwhina
© Te Tāhuhu o te Mātauranga, Te Whanganui-ā-Tara, Aotearoa. Tikanga me ngā Whakaritenga | Whakapā mai ki a mātau
He whakawātea poto mai i ngā ture whakaae o te Aratohu Ipurangi o te Kāwana o Aotearoa
He pai ake te tiro i tēnei paewhakaata mēnā kai i a koe te Netscape 6, te Mozilla, te Internet Explorer 5 rānei.
Nā te mea kua āta wānangatia ngā whārangi e hono ana ki TKI mō ngā kōrero kaore i tika, ka noho tonu te mana ki te tangata e whakamahi ana i ngā pūrere rapu i runga i ēnei paetukutuku.