Back to Just Community News
< March 2007 |
Main | May 2007 >
Whakamātauhia ēnei whakaaro mai i te paetukutuku o British Educational Communications and Technology Agency (Becta). Kei tēnei wāhanga o te pae ngā kohinga pūrongo mō ngā whakaaro me ngā aratohu mō te whakamahi i ngā mahi Hangarau i roto i ngā akomanga e whakaakohia ana ngā reo o iwi kē.
http://schools.becta.org.uk/index.php?section=cu&catcode=ss_cu_ac_mfl_0
3
30-04-2007
Tirohia tēnei whārangi mō ngā whakaaro me ngā pārongo mō ngā hōtaka e wātea ana mō waho o te akomanga, hei tāpiringa atu ki ngā momo huarahi akoako e whakaratoa ana ki te hunga ākonga pupū pūkenga. E pā ana ngā mokamoka o ngā hōtaka ki tētahi rangahautanga i whakaherea e Dr Tracy Riley (Massey University) i ngā tau 2006–2007.
http://education.massey.ac.nz/massey/depart/education/online/out-of-school
-provisions-for-gifted-and-talented-students/out-of-school-provisions
-for-
gifted-and-talented-students_home.cfm
27-04-2007
Tirohia tēnei o ngā rauemi ipurangi e tautoko ana i te whakaaturanga me te kōpae DVD mō ‘Māui One Man Against the Gods’. E toru ngā paerewa me tētahi kete taputapu hei āwhina i ngā kaiako ki te tūhura i ngā whakaaro mō te mahere i ēnei mahi. Kei ia o ngā paerewa nei ngā mahi mō ngā pou e toru o Ngā Toi.
http://www.tki.org.nz/r/arts/ngatoi/toi_puoro/resources/maui/index_e.php
27-04-2007
Pānuihia ēnei pūrongo mō ngā urupare i riro i Te Tāhuhu o te Mātauranga mō te tarāwhe o te marautanga.
http://www.minedu.govt.nz/index.cfm?layout=document&documentid=11958&am
p;am
p;data=l
27-04-2007
Tirohia ēnei ripoata e toru e pā ana ki te kaupapa o Te Kōtahitanga. E tiro ana rātau ki ngā pānga o te hapori, o ngā mātua, o ngā kaiako me ngā ākonga hoki ki te tutukitanga pai a ngā ākonga Māori i roto i ngā kura tuarua auraki. E tipako ana te ripoata i ngā wāhi e taea ai e ngā kaiako te whakapakari i ngā tutukitanga mātauranga a ngā ākonga Māori.
http://www.educationcounts.edcentre.govt.nz/publications/homepages/
te-kota
hitanga/index.html
24-04-2007
Tirohia ngā hōtaka kua pūrangahia, ā, kua whakawāteahia mai i te tauira mamati, ā, nā Ngā Kaitiaki o ngā Taonga Whitiāhua tēnei tū āhua. E tautoko ana te kohinga English/Media Studies i ngā mahi NCEA i roto i ēnei kaupapa whakaako, ā, he kōpae e mau nei ngā whaikōrero, ngā hapainga, ngā whitiāhua o Aotearoa, ngā pānuitanga, ngā wāhine, te hunga taiohi me ngā take tuākiri o Aotearoa. Kei ngā kete mō ia kōpae ēnei tū momo rauemi, he pukapuka mā te kaiako, he mahere akoako ā-ipurangi kei te wātea mō ētahi. He kore utu noa te whakamahi i ēnei kōpae mō ngā kura o Aotearoa; ka taea te tono mō ēnei rauemi i runga ipurangi mai i tēnei pae tonu.
http://www.filmarchive.org.nz/education/ondisk.html
24-04-2007
Tirohia tēnei whārangi mō ngā pārongo, ngā ritenga whakauru, ngā tohutohu, ngā puka tono mō ngā honore akoako e wātea ana mō te hunga e hiahia ana ki te whai mahi kaiako mō te tau 2008.
http://www.minedu.govt.nz/index.cfm?layout=document&documentid=6917
24-04-2007
Tirohia ēnei paerewa hou, e whakarārangi ana i ngā mahi kia eke ngā tauira kaiako ki ngā taumata, kia eke ki te kaiako, ki te rēhita hoki mō te rēhitatanga takitaro. Ka timata ēnei momo tikanga a te marama o Kohitātea 2008.
http://www.teacherscouncil.govt.nz/education/gts/
24-04-2007
Tirohia te paetukutuku o te ASB Polyfest ki te tiro i ngā whakaritenga mō te taiopenga o tēnei tau. Tangoa ngā tuhinga PDF o ngā atāmira ki te tiro ko wai i hua, ko wai hoki i totohu i roto i ngā whakataetae whakangahau, whaikōrero hoki.
http://www.asbpolyfest.co.nz/Home
23-04-2007
Tirohia atu anō tēnei raupapa o ngā anga tauākī i rangahautia, i hoahoatia hoki e New Zealand Council for Educational Research (NZCER) i roto i ngā wāhanga mahi o te kaupapa pāngarau. E hono ana ēnei mahere āria ki ngā kohinga rauemi o te Assessment Resource Bank (ARB), me ētahi whakaaro mō te whakaako me te aromatawai i ngā tatauranga rorohiko, te whakaaro ā-huatau, te rātaka i ngā mahi pāngarau, me te whakaaro āhuarangi hoki.
http://arb.nzcer.org.nz/nzcer3/supportmaterials/Maths/concept_maps.htm
23-04-2007
Tirohia tēnei paetukutuku mai i te kiriata An Inconvenient Truth e whakarato ana i te tirohanga kohara, he tirohanga whakaawe a Al Gore me tōnā whainga ki te aukati i ngā mahi whakamahana i te ao, arā, te global warming, me tōnā panga mōrearea mā te turaki i ngā kōrero paki, i me ngā ngoikoretanga e pā ana ki tēnei momo kaupapa.
http://www.climatecrisis.net/aboutthefilm/
21-04-2007
Tirohia ake ēnei rauemi pāngarau hou 17: 13 kei te taumata 2, e rua kei te taumata 3, kotahi mō te taumata 4, kotahi mō ngā taumata 3–4. Haere ki te whārangi papakāinga o ARB ki te rēhita kia uru ai koe ki ngā rauemi ARB.
http://arb.nzcer.org.nz/nzcer3/new.htm
20-04-2007
Rapua ngā putanga tā motuhake, ngā whakakitenga me ngā otinga o te whakataetae tuhingaroa mā ngā ākonga – i whakahaerengia ki te whakanui i te rau tau o te School Journal. Pānuihia te roanga atu o ngā kōrero mō te School Journal mai i te paetukutuku o Te Pou Taki Kōrero:
http://www.learningmedia.co.nz/nz/online/authorsartists/seriesguidelines/sc
hooljournal
http://schooljournal100.learningmedia.co.nz/
17-04-2007
Pānuihia tēnei putanga reo Māori o te kaupapa Mission-On a Te Tāhuhu o te Matauranga. Ko te tino whainga o tēnei kaupqapa he āwhina i ngā kura me ngā pokapu kohungahunga ki te whakatairanga i ngā kai whai hua me ngā mahi whaihua hoki. Ka taea te tango ā-wāhanga mai i te kete taputapu nei, kua wāhia ki ngā tuhinga o te tauira Word.
http://www.minedu.govt.nz/index.cfm?layout=document&documentid=11889&am
p;data=l
16-04-2007
Whakauru atu ki tēnei awheawhe ipurangi e hāngai ana ki ngā hurahi ki te tautoko pai, ki te whakahau hoki i ngā ākonga ESOL, ki ngā ākonga katoa hoki i roto i ngā mahi pāngarau. Ko te tino whainga o ngā mahi nei ko ngā ritenga, me ngā rautaki reo kua kitea e whai hua ana kia mārama ai ngā mahi wete raru pāngarau.
http://english.unitecnology.ac.nz/esol/maths/
16-04-2007
Kua mate a Dame Marie Clay, tētahi tino pou mātauranga o Aotearoa, ā, kua whānui kē tōna rongonui ki ngā mahi nei, i mate i Tāmaki Makaurau i te 13 Paenga whāwhā 2007. Pānuihia te haurongo mai i te paetukutuku o Reading Recovery Council of North America, e miramira ana i ōna tutukitanga, e whakarāpopoto ana hoki i tōna awetanga, i tōna koha ki ngā mahi mātauranga tuhituhi kōrero, pēra i te hōtaka Reading Recovery. Tirohia hoki te ōhaki ki a Dame Marie i runga i te paetukutuku o The New Zealand Herald:
http://www.nzherald.co.nz/section/1/story.cfm?c_id=1&objectid=10434122
16-04-2007
Tirohia ēnei rauemi mātātini pāpāhō mō te whakaako i ngā mahi ahupūngao i roto i ngā mahi NCEA i roto i te reo Māori. He wāhanga nō te New Zealand Teachers' Physics Resource Bank, ā, kei ia rauemi ngā tūmahi mō te akomanga, ngā hononga ki NCEA, me ngā take e pā ana ki tēnei kaupapa. Ahakoa ka taea te tiro ā-ipurangi i ngā rauemi nei, ka taea hoki to tono mōte kape o te kōpae DVD. I hangaia ngā rauemi nei e Te Whare Wānanga o te Upoko o te Ika a Māui, e Te Kura Māori o Porirua me Te Kura Kaupapa Māori o te Ara Whānui.
http://www.vuw.ac.nz/scps-demos/TeReoResources.htm
13-04-2007
Ko te ActiveMark he taputapu hei āwhina i ngā hapori ā-kura ki te arotake i ngā wāhanga o te mahere hapori ā-kura, ā, e hāngai ana ki te whakarato i ngā tūmahi hauora whai kounga mā ngā tamariki. E whakaatu ana tēnei rauemi i ngā wāhanga e rima o tēnei taputapu whakahoahoa, pēnei i ngā ritenga, i ngā puka tono, me ngā tauira mahi e hiahiatia ana e whai wāhi ai koe ki te uru ki te honore mō te Active Schools ActiveMark. E whakaatu ana te Activating Communities through Active Schools i ngā whakaaro i muri i te kaupapa ake o te Active Schools, ā, he aratohu hoki kia uru pai ai te kaupapa Active School ki roto i te hapori.
http://www.sparc.org.nz
13-04-2007
Tirohia a konei i te tuatahi i mua i tō hokotanga i tētahi managed online learning environment (M–OLE) mō tō kura. Ko te mahi o tēnei pae he whakamōhio, he whakamohoa hoki i ngā whakaaro a ngā kaimātauranga me ngā kaiako mā te whakarato i ētahi aratohu o ngā wāhanga hei whai mau i a koe e hoko nei i tētahi punaha, pērā i te tūhura i ngā hiahia me te tātari i ngā mahi nui.
http://www.tki.org.nz/r/ict/online_learning_environment/index_e.php
10-04-2007
Pānuihia tēnei tuhinga i tāngia e The Standards Site (Ingarangi) mō ētahi whakaaro mō ngā take ā-ao e pā ana ki te hunga ākonga mātauranga pupū pūkenga e pā ana ki te horopaki o Aotearoa. Kei tēnei rauemi ngā aratohu ki ngā mahi tūhura, te whanake rautaki whakaako, te aro ki ngā tutukitanga kore, te aromatawai, te arotake me te whakaako kaiako. He nui tonu te tuhinga PDF nei, he wā roa tonu te tango i te tuhinga.
http://www.standards.dfes.gov.uk/giftedandtalented/downloads/pdf/provision_
g_and_t_primary.pdf
06-04-2007
Whakahaungia te hunga kaituhi taiohi ki te uru atu ki te wāhanga kura tuarua o ngā Pikihuia Awards. Ka whakawhiwhia he honore ki ngā pūrākau poto i roto i te reo Māori me te reo Ingarihi, me tētahi pūrākau pakimaero i roto i te reo Ingarihi. Ka tāngia ngā pūrākau a te hunga kaiwhiringa toa i roto i te Huia Short Stories 7 – te raupapa pakimaero e tāngia ana e Huia Publishers. Ka kati ngā tono a te 15 o ngā rā o Haratua.
http://www.huia.co.nz/?page_id=194
06-04-2007
Pānuihia ngā kōrero mō e-asTTle, e whakahoutia ana i tēnei wā tonu. He whakaputanga ā-ipurangi i ngā mahi a asTTle, ā, tōnā tikanga ka noho wātea mai ki ngā kura o Aotearoa i te tau 2008. Arā noa atu ngā momo miramiranga hou ka whakaurua e pā ana ki ngā urupare mai i ngā kaiako me ngā tumuaki e whakamahi ana i te asTTle V4. Tirohia ngā pātai auau, arā, i te e-asTTle FAQ ki te rapu i ngā whakautu ki ō pātai.
http://www.tki.org.nz/r/asttle/e-asttle/index_e.php
05-04-2007
Tirohia te paetukutuku mō te moheni o Upstart te putanga tā o Aotearoa mō ngā kaipanui me ngā kaituhi rangatahi, me te putanga teina mō te hunga tiaohi, arā, a Tearaway. Kei te paetukutuku ngā arotakenga, ngā putanga pūrongo, ngā reta, ngā kōrero tohutohu me ētahi atu miramiranga, pērā i te 'My Creations' e whakaatu ana i ngā mahi ake a ngā ākonga.
http://www.upstartmag.co.nz/index.php
05-04-2007
Tirohia ēnei aratohu mā te pouako e tautoko ana i ngā pānui Drama Posters kātahi anō nei ka tāngia mō ngā tau 1–13. E whakarato ana ngā tīmatanga pātai me ngā tūmahi mō te akomanga, i ngā hononga ki te marautanga me ētahi atu o ngā rauemi whakaari. Ka taea te tango i ngā tuhinga Word, tuhinga PDF rānei.
http://www.tki.org.nz/r/arts/drama/posters/index_e.php
05-04-2007
Papakāinga | Ngā Pūrongo | Mō TKI | Hapori | Rapua | Ngā Kura | Tauwhitiwhiti | Tomokanga | Āwhina
© Te Tāhuhu o te Mātauranga, Te Whanganui-ā-Tara, Aotearoa. Tikanga me ngā Whakaritenga | Whakapā mai ki a mātau
He whakawātea poto mai i ngā ture whakaae o te Aratohu Ipurangi o te Kāwana o Aotearoa
He pai ake te tiro i tēnei paewhakaata mēnā kai i a koe te Netscape 6, te Mozilla, te Internet Explorer 5 rānei.
Nā te mea kua āta wānangatia ngā whārangi e hono ana ki TKI mō ngā kōrero kaore i tika, ka noho tonu te mana ki te tangata e whakamahi ana i ngā pūrere rapu i runga i ēnei paetukutuku.