Back to Just Community News
< May 2007 |
Main | July 2007 >
Me whai whakaaro ake koe ki ngā tautohetohe mō te whakamahi i ngā computer algebraic systems, arā, ngā papa tātai CAS mō te mātauranga pāngarau. Pānuihia te arotakenga o nzmaths mō tēnei pukapuka ipurangi e whakarāpopoto ana i ngā rangahautanga mohoa mō te whakamahinga o ēnei momo papa tātai i roto i te akomanga.
http://www.t3ww.org/cas/
29-06-2007
Tangoa atu tēnei tātaritanga o ngā rautaki angitu 20 mō te whakaako me te akoako. Kei tēnei tuhinga ngā tauira mahi, ngā tūtohi rautaki me ngā tauira kei ngā momo reo katoa, pērā i te reo Hainamana me te reo Hapanihi. I hāngai te tuhinga nei kia pānuihia e ngā te hunga whakaako i ngā ākonga reanga tuakana, heoi, ka taea hoki te whakamahi i ngā rautaki nei mō te hunga i raro ake i a rātau. He kōnae PDF tēnei, ā, he nui hoki, ā, he roa hoki e tangohia ana e koe i te ipurangi.
http://www.nclrc.org/guides/HED/pdfs/full.pdf
28-06-2007
Tangohia tēnei pūrongo ā-tau a te tumuaki, e ripoata ana a Colin Offord mō ōnā rangahau ki te tūhura i ngā kowhiringa pānui me ngā hiahia hoki a te hunga tamatane 10 ngā tau, ā, e whakarato tohutohu ana kia noho pai tonu ngā tamatane nei i roto i te akomanga, me ngā hōtaka pānui ā-kura.
http://www.leadspace.govt.nz/leadership/sabbatical/2007/pdf/colin-offord-sa
bbatical-report.pdf
27-06-2007
Rēhitatia tōu nā aronga i runga i tēnei paetukutuku o Maverick Musicals, ki te tango i ō tuhinga whakaari, me ngā titonga waiata mō ngā kura me ngā rōpū whakaari mō te hunga rangatahi. Kei tēnei pae ngā mea pēnei i te pūrere rapu pārongo, e taea ai e te kairapu te rapu i ngā titonga waiata mō ia tau, tae atu ki a rātau reanga hoki. Kātahi anō ka tukuna atu ēnei kōpae e rua e pā ana ki ngā orokohanga whakaari, ngā momo whakaaritanga, arā, ngā Drama Techniques Exemplified me ngā Wheeller Plays Exemplified – pāwhiria ēnei hononga mō ētahi atu pārongo.
http://www.mavmuse.com
25-06-2007
Tirohia ngā panoni ki ngā aratohu whakahaere mō ngā kai whai hua i roto i ngā kura, kātahi nei ka whakapāohotia, he wāhanga nō te kaupapa Mission-On.
http://www.minedu.govt.nz/index.cfm?layout=document&documentid=12051&am
p;data=l
25-06-2007
Tirohia hoki ēnei kemu ipurangi i hangaia ki te āwhina i ngā tamariki ki te whai māramatanga ki ngā tikanga o ngā tauanga pērā i te tuakiri tatau, ngā rārangitanga tau, ngā mahi tāpiri, ngā mahi tango hoki. Pānuihia te arotakenga i runga i a nzmaths.
http://www.abc.net.au/countusin
20-06-2007
Rapua ngā Pātai auau mō tēnei pokapū rehita mō ngā ākonga i runga i tēnei whārangi o Te Tāhuhu o te Mātauranga. Ka whakaurungia te kaupapa ENROL ki ngā kura tuatahi, ngā kura motuhake, i roto hoki i ngā kura ā-rohe hoki mō te tau 2007.
http://www.minedu.govt.nz/index.cfm?layout=document&documentid=10496&am
p;indexid=6088&indexparentid=1000
19-06-2007
Āta tirohia tēnei kaupapa pakiwaituhi tino whakamanawa e whakaatu ana i ngā tauira mahi a ngā ākonga mō tēnei āhua o te claymation, te pakiwaituhi stop frame, me te Flash. E tautokohia ana tēnei kaupapa e ngā awheawhe, ngā ripene ataata ‘me pēnei te mahi’, tae atu hoki ki ngā tohutohu mai i ngā kaiako.
http://www.cleo.net.uk/resources/displayframe.php?src=321/consultants_resou
rces/teknical/flashideas/ButtonTemplate2.html
19-06-2007
Tirohia tēnei tū āhuatanga e tukutuku nei i ngā pūrongo matua o te nupepa ki tētahi tāpiringa, mā tēnei tū āhua ka kitea te whakaaturanga tino hirahira rawa atu o ngā pūrongo o te wā. He māmā ki te rārangi haere, ki te tūhura, me te tohatoha tere i ngā pūrongo nei.
http://www.marumushi.com/apps/newsmap/newsmap.cfm
19-06-2007
Huakinatia tēnei kōnae (PDF 164KB) ki te pānui i ngā kōrero mō ngā whangaitanga RSS, me te whakamahi hoki i ēnei tū āhua mō au mahi ake, mō ngā whakahinga ngaoi rānei, me te whakauru hoki ki te akomanga.
http://www.weblogg-ed.com/wp-content/uploads/2006/05/RSSFAQ4.pdf
19-06-2007
Kua whakamohoahia te wāhanga e-learning fellowshipi runga i a TKI. Me tūtaki atu ki ēnei tangata e-fellows mō te tau 2007, me tiro ki te tirohanga whānui o a rātau kaupapa, me whai hoki i a ratau kokiritanga rangahau mā te pānui i a rātau blogs.
http://www.tki.org.nz/r/ict/efellows/fellowship_2007_e.php
19-06-2007
Nā ngā panoni mohoa ki ngā whakaaetanga raihana o ngā pūmanawa rorohiko, me whakaritea e ngā kura a rātau tikanga whakamahi i a rātau rorohiko Apple i roto i ngā akomanga. E ata whakamārama ana tēnei tuhinga (PDF 29KB) i te whakaaetanga, he whakautu i ngā pātai, he rārangi hoki i ētahi kowhiringa mō te whakarite i ngā mahi a ngā kura.
http://www.tki.org.nz/e/community/ict/pdf/msoft_apple_faq3_wk2ph.pdf
19-06-2007
Ko te hiahia kia whakamātauhia e ngā kura tēnei hōtaka whakangungu hou mō ngā mātua me ngā kaimanaaki tamariki e hiahia ana ki te mōhio mō ngā āhuatanga hangarau hei hoko mō ā rātau tamariki. Ko tēnei hōtaka e whakahaerengia ana e ngā kura, i whakaritea ngā raupapa whakangungu i ngā take e pā ana ki ngā hangarau mō te kāinga, te noho haumaru a ngā tamariki, me te āwhina i ngā tamariki me ā rātau mahi kāinga. Mō ētahi atu pārongo, ki te rēhita rānei, īmēra atu ki a pcp@cwa.co.nz
http://www.positivecomputing.org.nz
19-06-2007
Tirohia tēnei whārangi ki te pānui i ngā kōrero mō Donna Tusiata Avia, he kairuri o Hāmoa, he kaiwhakaari, he kaituhi hoki i ngā pukapuka tamariki.
http://www.bookcouncil.org.nz/writers/aviatusiata.html
19-06-2007
Tirohia tēnei pae mō ngā pārongo e pā ana ki te ahurea o Hamoa, pērā i te kilikiti (cricket), te tā moko, ngā tāhei Hāmoa, ngā mārena, ngā kai me ngā Matai o Hāmoa, arā ngā rangatira.
http://www.livingheritage.org.nz/schools/secondary/marcellin/samoa/index.ph
p
19-06-2007
Tirohia tēnei paetukutuku e mau nei ngā kōnae ataata, he pukapuka, he rauemi ipurangi mai i ngā iwi Pasifika e whā.
http://www.piccom.org/dancesoflife/index.html
19-06-2007
Kua wātea mai ngā Attendance Guidelines mō ngā kura i te kohinga pū mō te Student Attendance e rārangi mai ana i te taha katau o te whārangi hapori.
http://www.tki.org.nz/r/governance/attendance
19-06-2007
Tūhurahia ēnei ripanga meka matua, ngā ripanga mahi, ngā tūmahi, ngā kemu, me ngā panga mō ngā ākonga ki te whakamahi i runga i tēnei pae o BBC e hāngai ana ki te hoahoatanga o ngā pūmanawa tuhi kōrero, tātai nama hoki. Pānuihia te arotakenga i runga i a nzmaths.
http://www.bbc.co.uk/skillswise/numbers/wholenumbers
18-06-2007
Whakamatauhia ēnei mahi tāpiri mā te tūhura i ngā tatau e rua, ki te tāpiritia ka rite ki tētahi tatauranga pai. Kei tēnei kēmu ipurangi tētahi tuma wā. Pānuihia te arotakenga i runga i a nzmaths.
http://www.oswego.org/ocsd-web/games/SpeedGrid/Addition/urikares.html
18-06-2007
Whakahaungia o ākonga ki te uru mai ki tēnei tūmahi akomanga tauwhitiwhiti ki te akoako i ngā āhuatanga e pā ana ki ngā take wai, ki ngā take waiparu hoki ā-ao. Ko tēnei āhuatanga, arā, te Wara Bilong Life he kaupapa mātauranga nā Oxfam Water for Survival Programme mō ngā marau Hangarau, tikanga ā-iwi me hauora hoki, ā, ka whakahaerengia i te wāhanga 4 o te kura. Ko te whainga o tēnei kaupapa he whakahau i ngā auaha wete raru me tēnei horopaki ā-ao nei.
http://www.megabright.co.nz/WaraBlongLife/home.htm
18-06-2007
Haere ki tēnei paetukutuku ki te rapu i ngā kōrero mō te Building Human Rights Communities in Education, he kaupapa i hoahoatia e te rōpū Amnesty International, te Development Resource Centre, te Human Rights Commission, te Children's Commissioner, me te Peace Foundation ki te tautoko hoki i te Hōtaka ā-Ao mō te Mātauranga Tika Tangata. Ko te whāinga o tēnei kaupapa he kōkiri i te whakaurunga o ngā hōtaka mātauranga tika tangata i roto i ngā rāngai katoa.
http://www.rightsined.org.nz/index.html
14-06-2007
Tirohia ēnei putanga ataata me ngā kōrero whakamārama mō te Kīngitanga, ngā Kīngi o mua, te tangihanga o te Kuini i te marama o Here-turi-kōkā 2006 me Tūrangawaewae hoki.
http://tvnz.co.nz/view/tvone_minisite_index_skin/tvone_maori_queen_group
14-06-2007
Whakamahia ēnei kōrero mō te kaiako e wātea ana hei tango mai mau hei tauira kōnae pdf mai i te pae o te kaita tonu. E pā ana ngā ēnei kōrero ki ngā momo kōrero katoa pērā i te Ten Things I Hate About Me, te While I Live, me te kōrero The Lovely Bones.
http://www.panmacmillan.com.au/pandemonium/teachers_notes.asp
14-06-2007
Āta tūhurahia tēnei pae hou e hāngai ana ki ngā pukapuka mō te hunga taiohi, kei roto nei ngā aratohu pānui, ngā arotakenga, ngā uiuitanga me ngā kaituhi, me ētahi atu rauemi hei whakatairanga i te kaingakautanga ki te pānui. He kohinga whakaaro, me ngā rārangi pukapuka mō ngā kaiako, he raupapa tuhinga kōrero, tae atu ki ngā tū āhua pānui, me te tuhituhi kōrero.
http://www.booktrusted.co.uk
14-06-2007
Tirohia ēnei panoni ki ngā aratohu whakahaerenga ā-motu mō ngā kai hauora me ngā kai whai hua i roto i ngā kura, arā, i pāohotia i tēnei wāhanga o te kaupapa Mission-On.
http://www.minedu.govt.nz/index.cfm?layout=document&documentid=12051&am
p;am
p;data=l
13-06-2007
Rapua ngā pārongo mō ngā whakaritenga me ngā kaupapa i whakahaerengia i te wā o ngā tau 1970s tae atu ki ngā tau waenga o ngā 1980s, i puta ake ēnei kaupapa e rua, arā, te: apitihanga o Aotearoa ki ngā tehi karihi a te iwi o Wīwī i Mururoa, me te taenga mai o ngā waka karihi o Amerika ki Aotearoa nei.
http://www.nzhistory.net.nz/politics/nuclear-free-nz
11-06-2007
Whakamātauhia te tūhura i ngā taurea tekau me tēnei kēmu tauwhitiwhiti. Pānuihia tēnei arotakenga i runga i te pae o nzmaths.
http://www.oswego.org/ocsd-web/games/Ghostblasters1/gbcd.html
11-06-2007
Tirohia ēnei tauwhitiwhiti java applets hei whakamātautau i ngā mahi meka mō te taurangi me ngā pūkenga tātai nama. Kei tēnei pae anō tētahi rārangi tūmahi mō te hanga whare, e whakamahi ana i ngā ākonga ki te hanga i ngā hanganga ahu-toru me ngā mataono rite. Pānuihia te arotakenga i runga i te pae o nzmaths.
http://www.fi.uu.nl/wisweb/enl
11-06-2007
He mea pārekareka nei ēnei tūmahi akoako ipurangi me ōna tū āhua pepa tā, ngā tūmahi whaiwhai me te pene rākau, te pepa, heie kawe i ngā āhuatanga ake o tēnei ao hurihuri. Pānuihia tēnei arotakenga i runga i te pae o nzmaths.
http://cemc.math.uwaterloo.ca/mathfrog/main.shtml
06-06-2007
Tirohia tēnei paetukutuku mō ngā pārongo e pā ana ki te whakapai ake i te haumarutanga wai i roto i ngā hapori Māori. He pārongo e pā ana ki te araitanga, ki ngā kaupapa mātauranga mō ngā rā e heke mai ana, ngā kete rauemi, me tētahi whārangi hei tono mō ngā rauemi e wātea ana.
http://www.maoriwatersafety.org.nz
06-06-2007
Pānuihia tēnei pūrongo mō te tau 2007 mai i Te Tari Arotake (ERO) mō ngā rautaki e ārai ana i ngā mahi poke tamariki i roto i ngā kura o Aotearoa. He maha tonu ngā kura i uru mai ki tēnei kaupapa, e 219 ngā kura tuatahi, e 18 ngā kura takawaenga, e 78 hoki ngā kura tuarua. E wātea ana tēnei pūrongo i runga ipurangi.
http://ero.govt.nz/ero/publishing.nsf/Content/safe-schs-strats-bullying-may
07#Methodology
06-06-2007
Pānuihia tēnei āhuatanga hou i runga i a nzhistory.net e pā ana ki a Matariki, he whakaarotanga mahi, he tūmahi hoki mō ngā taumata 4 me te 5 o ngā mahi Tikanga ā-iwi. Kei tēnei āhuatanga hoki ngā hononga ki ētahi atu rauemi o Matariki i runga i Te Arā, tae atu ki tētahi pukapuka o Matariki (PDF 684KB) mai i te paetukutuku o Te Taura Whiri i te Reo Māori. Mō ētahi atu paetukutuku me ngā rauemi ipurangi haere ki te kaupapa puoho o TKI e pā ana ki a Matariki.
http://www.nzhistory.net.nz/classroom/matariki-maori-new-year
05-06-2007
Papakāinga | Ngā Pūrongo | Mō TKI | Hapori | Rapua | Ngā Kura | Tauwhitiwhiti | Tomokanga | Āwhina
© Te Tāhuhu o te Mātauranga, Te Whanganui-ā-Tara, Aotearoa. Tikanga me ngā Whakaritenga | Whakapā mai ki a mātau
He whakawātea poto mai i ngā ture whakaae o te Aratohu Ipurangi o te Kāwana o Aotearoa
He pai ake te tiro i tēnei paewhakaata mēnā kai i a koe te Netscape 6, te Mozilla, te Internet Explorer 5 rānei.
Nā te mea kua āta wānangatia ngā whārangi e hono ana ki TKI mō ngā kōrero kaore i tika, ka noho tonu te mana ki te tangata e whakamahi ana i ngā pūrere rapu i runga i ēnei paetukutuku.