Back to Just Community News
< September 2007 |
Main | November 2007 >
He raupapa hou tēnei mō te Hector's World Safety Button™, i hoahoatia mō te haumarutanga o ngā tamariki, ā, i whakarewatia i te whare paremata a te Hon Luamanuvao Winnie Laban. Kei tēnei raupapa tētahi putanga mō Vista, he pātene mō ētahi atu reo – pērā i te reo Māori me ngā kowhiringa amo tētahi aria pakiwaituhi. Tirohia ētahi atu rauemi mai i NetSafe pērā i tētahi kāhui kōrero e taea ai e ngā kaiako te whakawhiti kōrero mō te take o te cybersafety i roto i ngā kura, te whiwhi rānei i ngā kōrero tautoko mai i te rōpū o NetSafe. Tirohia a Hector's World http://www.hectorsworld.com/ ki te rapu i ngā panga, i ngā pūrākau me ngā hononga ki ngā kōwae akoranga.
http://www.netsafe.org.nz/hector_protector/hector_safety_button.aspx
31-10-2007
Tirohia tēnei paetukutuku hou e noho ana hei puna mō ngā kohinga rauemi tautoko mā ngā ākonga. E noho wātea ana tēnei tū āhua ki te kohinga hou mō ngā whanonga whai hua me te taenga ā-kura mai o ngā ākonga.
http://www.tki.org.nz/r/governance/student_support
31-10-2007
Pānuihia tēnei pūrongo mai i a Rosemary Hipkins e tātari ana i nga huringa mahi a ngā kura mō ngā hōtaka NCEA, me ngā kohinga paerewa paetae, paerewa mahi hoki o ēnei momo akomanga.
http://www.nzcer.org.nz/pdfs/15775.pdf
30-10-2007
Pānuihia ēnei tirohanga mai i Te Tari Arotake (ERO). I tirohia e Te Tari Arotake te kounga o ngā mahi whakaako o te kaupapa tuhituhi ki ngā ākonga tau 4 me te tau 8 mai i ngā kura 159 i te wāhanga 4 o te tau ā-kura, i te tau 2006, ā, i tirohia hoki ngā tauira whai hua ki te āwhina i ngā kura ki te āta wānanga i ā rātau ake hōtaka tuhituhi.
http://ero.govt.nz/ero/publishing.nsf/Content/writing-jun07
30-10-2007
Tirohia ngā kōrero o te tatauranga o te tau 2006 mō Te Moananui a Kiwa i roto i ēnei pūrongo, mō ngā iwi nui o Te Moananui a Kiwa i roto o Aotearoa nei: ngā iwi o Hāmoa, o ngā Kuki Airani, o Tonga, o Niue, o Whīti, o ngā Tokerau me te iwi o Tuvalu.
http://www.stats.govt.nz/analytical-reports/pacific-profiles-2006/default.h
tm
29-10-2007
Tirohia tēnei paetukutuku hou mā te tiro i te pae mahere kia uru ai koe ki ngā pārongo mō te Charting the Pacific. Ka tirohia e koe ngā motu 28 puta noa i Te Moananui a Kiwa e pā ana ki ngā take hauora, mātauranga, te taupori, ngā mahi tōrangapū, ngā ohaohanga, te taiao me ēra atu take hoki.
http://www.abc.net.au/ra/pacific/people/default.htm
29-10-2007
Tirohia ēnei papa rāpopototanga me ng tūmahi hou kei roto i te CensusAtSchool 2007. Whakamahia ngā raraunga tūturu, whai hua hoki mai i tēnei ruri ipurangi me ngā uiuinga tatauranga puta noa i ngā marautanga.
http://www.censusatschool.org.nz
29-10-2007
Tirohia tēnei pae mō te tautoko i ngā mahi whakaako reo, akoako reo hoki i roto i ngā kura tuatahi. Ko te tino whāinga o tēnei pae he whanake i tahi māramatanga ki ngā ariā whakaakoranga o ngā reo i roto i ngā kura tuatahi o Ingarangi, me ētahi aratohu, whakaaro rānei mō ngā mahi whakaako i roto o Aotearoa. He kōnae ataata, hei whakaawe whakawhitinga kōrero mō ngā mahi whakaako reo, ētahi tauira mō te akomanga, me ngā uiuitanga 'talking head'. E whakaatu ana hoki te kohinga o Active Learning i ngā akoranga a ngā ākonga i roto i ngā momo horopaki pēra i ngā mahi rotarota me te waiata, ngā mahi whakaari, ngā ngohe, ā, kei ia tauira mahi tētahi kōnae kōrero me ngā tuhinga.
http://www.primarylanguages.org.uk
29-10-2007
Ākongahia ngā tū āhuatanga hangarite ia koe e hanga ana i tētahi whāriki Pasifika. Ka taea e ngā ākonga te whakamahi i tēnei tūmahi tauwhitiwhiti, e tūhura ana i te hangaritetanga o te pueru tapa mai i ia moutere.
http://www.tki.org.nz/r/wick_ed/pasifika/patterns.php
27-10-2007
Ko te ngahere te kaupapa kātahi nei ka whakarewatia, koinei rā te take tuatoru mai i Te Ara: Encyclopedia of New Zealand. I tuhia ngā kōrero nei e te hunga ngaio, ngā kaimātai pūtaiao me te hunga rangahau hītori hoki, pēra i ngā urunga 106, arā, ngā whakaahua, ngā mahere whenua, ngā tūtohi me ngā tauwhitiwhiti hoki. Ko ngā take ka kōrerohia ko te māramatanga ki te ao mataora; ngā mahi ngahere, piki maunga hoki; te atawhai; ngā manu me ngā pekapeka Māori; ngā whakatipu Māori; ngā papanga whenua; ngā ika, poraka me ngā ngārara; me ngā whakamahinga o te ngahere.
http://www.teara.govt.nz/TheBush/en
25-10-2007
Tirohia ngā whakaaturanga PowerPoint me ētahi atu o ngā rauemi i whakamahia i roto i ngā whakangungutanga i tū ki te hui NZAMT10 i Tāmaki Makaurau i tēnei tau tonu.
http://www.nzamt.org.nz/sites/cms/index.php?option=com_content&task=vie
w&id=91&Itemid=113
25-10-2007
Kua whakahoutia ngā Progressive Achievement Tests in Reading Comprehension and Reading Vocabulary, kua arotakengia hoki, ā, ka wātea mai a te tīmatanga o te tau 2008. Tirohia te paetukutuku o NZCER ki te tango mai i ngā pārongo, ki te tiki puka tono rānei.
http://www.nzcer.org.nz/default.php?cPath=139_135&products_id=1933
24-10-2007
Tirohia tēnei paetukutuku mō ngā momo tūmahi katoa. Arā noa atu ngā momo tūmahi tauwhitiwhiti hei tiro māu mō Rānana, mai i ngā wā o ngā Tudor, ki te wā o ngā Rōmana ki te wā o ngā Victorian hoki, ka pānui i ngā pūrākau ā-rohe mō ia o ngā rohe pōhi o Rānana.
http://www.museumoflondon.org.uk/English/Learning
23-10-2007
Tirohia ēnei hononga kua whakamohoahia mō ngā mahinga Kaupapa me ngā mahiAdvisory support.
http://www.tki.org.nz/r/hpe/prof_supt/index_e.php
18-10-2007
International Geoscience Programme, IGCP
in conjunction with A World of Science
I whakarewatia e te International Geoscience Programme (IGCP) tētahi whakataetae whakaahua i te 1 o Mahuru, ā, ko te kaupapa, arā ko tēnei, The Changing Face of the Earth, ki te whakaara i ngā aronga a te hunga rangatahi ki te āhua o Papatūānuku. E tuwhera ana tēnei whakataetae ki te hunga 15–20 te pakeke puta noa i te ao, ā, 40 ngā paraihe. Ka kati ngā tono a te 31 o Kohitātea 2008.
http://www.unesco.org/science/photo_contest_entry_details.shtml
17-10-2007
Tirohia ēnei rauemi Ingarihi hou e waru kua tāpiritia ki te Assessment Resource Banks: e whā mō te taumata 2, kotahi mō te taumata 3, e toru mō te taumata 4. Kia mōhio mai koe me whai kupuhuna rā anō te hunga whakauru mai ki ēnei rauemi īnāianei. Ki te rēhita mō tēnei kaupapa haere ki te whārangi rēhita o te paetukutuku o te ARB.
http://arb.nzcer.org.nz/index.php
17-10-2007
Tirohia tēnei paetukutuku o wickED kātahi nei ka whakahoutia. Ko wickED te paetukutuku mō ngā ākonga 7 - 12 te pakeke, ā, nā Te Tāhuhu o te Mātauranga tēnei kaupapa, e hāngai ana ki ngā mahi marautanga katoa, me ōna tūmahi hei tautoko i ngā hōtaka o te akomanga. Mai i te whārangi 'Teacher Information' ka taea tō tiro i ngā hononga marautanga mō ngā take o wickED, e taea te whakauru ki ngā mahi whakaako, akoako mō tō akomanga. Ko te kaitoa, arā mō te whakataetae Spelling Bee, ko Kate Weir te tangata kua whakahuatia i runga i a 'Cool Kiwi'. Kei te wāhanga o 'Interactives' ngā tūmahi reo, me ngā mahi tuhituhi;ko te 'Kokona Māori' he hononga e haere tōtika ana ki ngā mahinga Māori.
http://www.tki.org.nz/r/wick_ed/index.php
16-10-2007
Hei whakautu i ngā momo aronga ki te mahi a Al Gore i roto i tana kiriata, An Inconvenient Truth, i kitea i roto i tētahi kooti ngā wāhanga whakapae e iwa o te kiriata nei. Me whai aro atu ngā kaiako me ngā ākonga ki ngā kitenga o tēnei kooti, ka whakamahi i te pūrongo mai i te BBC, mō te Heat and Light in Global Warming (PDF 46KB) hei tāhuhu mō a rātau kōrero tātaritanga.
http://news.bbc.co.uk/2/hi/uk_news/education/7037671.stm
15-10-2007
Ko tēnei kaupapa, arā, te TravelWise he hōtaka e whakahaerengia ana e te Auckland Regional Transport Authority (ARTA), e mahi tahi ana i te taha o Kaunihera ā-rohe o Tāmaki Makaurau, a Ikiiki Whenua Aotearoa, Te Manatū Hauora, e Roadsafe Auckland, me ētahi atu o ngā kaunihera puta noa i te taone o Tāmaki Makaurau. E mahi tahi ana a TravelWise me ngā kura tae atu ki ngā hapori ki te whakapai ake i ngā kōwhiringa hopu i ngā waka kawe tāngata, kia noho haumaru, kia noho māmā ai mō te hunga hopu i ēnei waka. Kei konei ngā pārongo e pā ana ki ngā tikanga haumaru mō te rori, te hikoi ki ngā pahi haere ki te kura, te hikoi me te eke pahikara, ngā aratohu mō ngā kura me ngā wāhi mahi ki te whakarite i ngā hōtaka haumaru.
http://www.travelwise.org.nz/home.cfm
11-10-2007
Ngā pārongo mō ngā mātua me ngā kaiako mātauranga e pā ana ki te aro o te Tāhuhu ki tēnei tū āhua o te dyslexia, pēra i te tino ia o tēnei āhua o te dyslexia me te arotakenga pukapuka hoki (PDF 538KB).
http://www.tki.org.nz/r/literacy_numeracy/lit_dyslexia_e.php
10-10-2007
Tirohia tēnei pūrongo anō mai i te Tari Arotake e hāngai ana ki te tūhuratanga o ngā whakamahinga a ngā kura i a rātau tahua moni whakamahi. E aro ana te pūrongo nei ki ngā whakaritenga tahua a ngā kura.
http://ero.govt.nz/ero/publishing.nsf/Content/op-funding-casestds-jun07
04-10-2007
Tirohia tēnei paetukutuku hou ki te rapu i ngā pāohotanga pūrongo mohoa mai i a Pacific News, e pāohotia ana i runga i a Radio New Zealand. E pāohotia ana ngā hōtaka Māori me ngā hōtaka Pacific i runga i ngā manga oro me te reo irirangi. E tūhura ana ēnei hōtaka i ngā ao a te Māori me te hunga o Te Moananui a Kiwa, pēra i te Tiriti o Waitangi, te hōtaka reo Māori He Rourou, ngā pūrongo a Waatea, te Tagata o te Moana, he Waiata, He Ara Pūoro, me ētahi atu hoki.
http://www.radionz.co.nz/genre/maori,pacific
01-10-2007
Tirohia tēnei paetukutuku o LEOTC kātahi nei ka whakahoutia. Ko tēnei kaupapa o te LEOTC, he kaupapa e tautokohia ana e Te Tāhuhu o te Mātauranga, engari e whakahaerengia ana e ngā momo rōpu whakahaere, kia whakaratoa ngā tautōhitotanga ake ki ngā ākonga i roto i ngā kura, hei whakapakari ake, hei kīnaki hoki i ngā hōtaka o te akomanga. Kei tēnei paetukutuku ētahi pūrākau o te kura(rīpene ataata me ngā kōrero) me ngā tirohanga whānui, tae atu hoki ki ngā pārongo e pā ana ki te hunga whakarato, ngā kaiako, ngā mātua me ngā poari o ngā kura.
http://www.tki.org.nz/r/leotc/
01-10-2007
Papakāinga | Ngā Pūrongo | Mō TKI | Hapori | Rapua | Ngā Kura | Tauwhitiwhiti | Tomokanga | Āwhina
© Te Tāhuhu o te Mātauranga, Te Whanganui-ā-Tara, Aotearoa. Tikanga me ngā Whakaritenga | Whakapā mai ki a mātau
He whakawātea poto mai i ngā ture whakaae o te Aratohu Ipurangi o te Kāwana o Aotearoa
He pai ake te tiro i tēnei paewhakaata mēnā kai i a koe te Netscape 6, te Mozilla, te Internet Explorer 5 rānei.
Nā te mea kua āta wānangatia ngā whārangi e hono ana ki TKI mō ngā kōrero kaore i tika, ka noho tonu te mana ki te tangata e whakamahi ana i ngā pūrere rapu i runga i ēnei paetukutuku.