|
Ngā whenu
E whā ngā whenu hei whakatinana i ngā pou toi.
Ko te Tūhura, te Mahi, te Mōhiotanga me te Maioha.
Ahakoa te whakatakotoranga o te marautanga, ehara i te mea
me whai rawate kaiako i taua whakaraupapatanga rā. He
nui hoki ngā whanaungatanga me ngā whakawhitinga
ariā kei roto, kei waenganui hoki o ngā whenu.
He tū āhua ako ēnei whenu me ō rātou
whāinga hei whakawhanake ariā, hei whakawhanake pūkenga,
hei whakakaingākau i roto i ngā wheako toi.
- Tūhura
I roto i tēnei whenu ka aro
nuitia te tūhura, te torotoro, te rāwekeweke,
me te whakamāori.
- Mahi
I roto i tēnei whenu ka aro nuitia te hanga, ka whakaarohia
anō te tito, te tuhi, te tā, te whakatau mahi.
- Mōhiotanga
I roto i tēnei whenu ka aro nuitia te whakaatu a te
ākonga i ōna mōhiotanga me tōna mārama
ki ngā mahi toi.
- Maioha
I roto i tēnei whenu ka aro nuitia te arotake a te
ākonga i runga i te mōhio me tōna mārama
ki āna mahi toi, me ngā mahi a ētahi atu.
Ngā whāinga paetae
Kotahi te whāinga paetae o ia kōeke, o ia whenu. Ko
ēnei whāinga paetae e whakawhāiti ana i te
ia o te whenu me te whakaari i te tutukitanga o te
kōeke.
Ngā pūkenga
He pūkenga kei ia whāinga paetae. Mā te ngana
o te kaiako me te ākonga ki te whakawhanake i ngā
pūkenga kua tohua, e tutuki ai ngā whakaritenga. He
tauira noa iho ēnei, ā, ka taea tonuhia e te kaiako
te rapu i ētahi atu.
Ngā tauira tohu
aro matawai
He tauira tohu aro matawai kua whakarārangihia kia hāngai
i ngā pūkenga. Ko te mahi a te aro matawai, he tohu
i ngā putanga o ngā
mahi whakaako me ngā akoranga.
Me āta whakarite ngā paearu
o ēnei ia ite ai te kaiako me te ākonga i te whakawhanaketanga
i roto i ngā mahi toi. Me huhua tonu ngā kawenga
mahi ōpaki, ōkawa rānei kia tika,
kia whai take ai te aro matawai. Otirā, he tauira
noa iho kua tohua hei āwhina i te ine me te arotake i
ngā akoranga me te kounga o ngā hōtaka ako
i roto i ngā mahi toi.
Tauira kawenga reo
Ko te tātari whakatakotoranga
reo te tūāpapa o ngā tauira kawenga
reo. Kei ia kōeke he tauira reo ka taea e te kaiako te
whakamahi hei tautoko, hei whakaniko i ngā akoranga toi.
- He tauira kawenga reo
Kua tāutuhia tētahi ariā reo o te whenu e
āhei ana te whakamahi ia puta ai ngā whakaaro
o te ākonga mō āna mahi.
- Rerenga kōrero
He tauira noa iho ēnei ka taea e te ākonga te
whakamahi hei whakaatu
whakaaro toi.
- Uinga/reo tohutohu
He tauira noa iho:ka taea e te kaiako te whakamahi hei whakaputa
mai i ngā whakaaro toi o te ākonga.
Ngā kōeke
E waru ngā kōeke o ia whenu,e whakaatu ana i ngā
nekehanga o te ākonga i roto i ngā mahi toi, mai i
te kōeke tuatahi tae noa ki te kōeke tuawaru, i roto
i te tekau mā toru tau. Kāore te mahere i te ī,
me hāngai ngā nekehanga ki te taipakeke o te ākonga,
i tōna roanga rānei i te kura. Ko te tikanga kē,
ko te āwhina i te kaiako ki te aro matawai, i te arotake,
i te whakarite mahere, ki te whakaako kia tutuki ai ngā
whāinga toi.
| Kōeke 1, 2 ,3 |
Ko ngā wheako whaiaro o
te ākonga ka kawea ki ngā toi. |
| Kōeke 4, 5, 6 |
Ko ngā wheako toi ka kawea
ki te ākonga. |
| Kōeke 7 |
Ka kawea e te ākonga ōna
ake pūmanawa toi. |
| Kōeke 8 |
Ko te ākonga
e whakamātau ana i ngā kawenga toi. potential
|
Ngā horopaki
Ka tere mau ngā ariā o te rerenga toi ki te whakaakona
aua ariā i ngā horopaki e taunga ana, e pārekareka
ana rānei i te ākonga. Nā reira,me huhua tonu
te hora horopaki. Ko te tūmanako, a kotahi te haere o te
mātauranga me ngā wheako o te ākonga, te whānau,
te hapū me te iwi i roto i ngā mahi toi.
Ko te whakaaro Māori te tūāpapa e manakohia
ana, ia tū tangata ai te ākonga i roto i a ia anō
me te ao whānui.
Ngā toi ki roto
i te anga marautanga
Hei tā te anga marautanga o aotearoa:
Tino kaha te ngari o ngā toi hei whakaputa whakaaro
whaiaro, whakaaro pāpori hoki. Koinei hei
tātai hono i ngā pohewatanga, ngā whakaaro,
me ngā rongo o te ngākau. Mā kōnei
ētahi tino ako mō te āhua o te noho. Mā
kōnei e whakawhanake te whānuitanga o ngā pūkenga
tauwhānui, ngā pūkenga tauwhāiti
hoki.
He mea whakawhitiwhiti ngā toi. He mātāpuna
ēnei mō te whitiwhiti kōrero, whitiwhiti whakaaro
me te orotau i roto i te ao whānui. Mā ngā
toi e ahuahu, e whakaputa hoki te tuakiri o te motu.
I roto o Aotearoa, ko te ahurei o ngā toi Māori
ka noho āhukahuka, ka noho uara i roto o Aotearoa,
tae noa ki te tāupetanga o te ahurea tuku iho.
Ka āhukahuka hoki ēnei ako i ngā mahi me ngā
paetae a ngā wāhine me ngā tāne
i roto i ngā toi.
He mea nui ngā toi mō te tipu o te kiri mōhio
me te kiritau. Mā kōnei ngā ākonga
e tirotiro ai ki ō rātou ake uara, me ō ētahi
atu; ka āhukahuka rātou i tō rātou taha
rerehua, taha wairua hoki. Mā kōnei ngā
ākonga, takitahi mai, whakatōpū mai rānei,
e whai wāhi ai ki te orotau, i te whakaputa, i te whitiwhiti
whakaaro hoki, i ngā wheako o te wā, o nehe rānei.
E āhukahukatia ana ngā āhua toi katoa, tae
noa ki ngā mea o nakuanei, pērā i te whiti
āhua me te whiti ataata, me ērā
pērā i te whai kōrero, he wāhi nui tōna
i roto i ngā mahi ahurea. Me mātua whakarite ngā
kura kia uru atu te katoa o ngā ākonga ki te whānuitanga
o ngā wheako toi, e whārite ai te ako, e
rawe ai rātou ki te āhuareka o ia toi, o ia toi.
Tōna tino tikanga, mā ngā kura e whakarite
he wāhi hei ako i ngā toi puoro, toi o
ngā mahi a te Rēhia, toi ataata.
|
