Ngā mahi a Te Rēhia

Ko Ngā mahi a Te Rēhia e whakakaupapa ana i ngā toi whakaari me ngā toi kanikani. I te ao Māori kāore i wehewehea.

Ko ngā tūmomo mahi a Te Rehia i heke mai i ngā atua pērā i a Tānerore rāua ko Hineruhi, ā, mai i a rātou ki ngā tūpuna, heke iho, heke iho, puta atu ki te taiao, ā, ki ngā rawa Māori.

Tukuna mai ngā taonga o reira hei whakapakari oranga pūmau, hei kawe whakaaturanga o ngā kitenga, o ngā rongo, o ngā taha rerehua, me te whakatinana i ngā tikanga, ngā moemoeā, ngā uara me ngā tūmanako, i runga i te tika me te pono.

Ko ngā mahi ā-reo, ā-ringa, ā-tinana, ā-hinengaro, ā-ngākau, ā-wairua, koia nei ngā ohākī ki ngā whakatupuranga o Aotearoa puta noa ki te ao whānui.

Ki ngā whakatupuranga, rerea te rere wātea.

Ngā tūmomo haka
Ngā tūmomo whakatautau
Kei reira ngā matamata tauhanga ā-tinana
Ōna koringa, ōna kōrero
E whakaari mai ana i
Ngā mahi a Te Rēhia.

He kōrero mō te kaimahi toi
Kohinga rawa whakaako
Hononga