Toi Ataata

Toi ataata, toi ataata, toi ataata. I heke mai tātau i te toi o ngā rangi, i te toi o ngā tūpuna ko Toitehuatahi, ko Toikairākau, ko Toi, ko Whātonga – te whenua, te kitea, te nohia hei oranga tonutanga.

Kia pākarukaru ai ki tai, pākarukaru ai ki uta ko tātau ngā toenga, ngā maramara, ngā uri ēnā. Tatare mai i ō tātau maunga kārangaranga e hua noa nei, e hua noa nei. E tipitipi nei te hua o ngā mahi.

He kanohi i kitea ki ngā whatu rae o te ao hou. Pūkana mai rā, pūkana mai. Ko te mana, ko te ihi, ko te wehi e whatiwhati haere nei i ngā tōpito wehenga rua. Wetewetekina. Ko te reo pāho ko te whatu mātakitaki e kitea ai te māramatanga kei tua o te kitenga whatu.

He tirohanga mātārae he kitenga mutungakore.

Ko te toki tope, ko te whao ngau, he tohu mauri
Ko te tātaki kāwai he whakaara wairua
Ko te taumata atua, takaia ki te korowai parirau
E hikina ai tōna taongatanga ki te matakite, ki te rangatiratanga.

He kōrero mō te kaimahi toi
Kohinga rawa whakaako
Hononga