Kua roa kē a Kohai e raranga ana. I tīmata ake
a ia hei pouako i Te Wānanga o Raukawa, i Ōtaki, i ngā tau
e whitu kua pahure.
E ai ki a Kohai, ko te tūnga pouako he tukanga 'tuku
atu, tuku mai'. Ki a ia, ahakoa ko ia te pouako, ka noho ākonga
hoki a ia. Nā ngā mahi whakamahi i te muka – te
weu harakeke, i tūhonohono ā-wairua ngā wāhine
e mahi nei ia i te taha, ki te titiro a Kohai. "Ka kōhuki
te ngākau, ka oho te hinengaro, ka ora hoki te wairua i te
tirohanga atu".
Kua tae kē a Kohai ki tāwahi, i te taha o ngā whakakitenga,
me ngā whakaaturanga raranga. Nā ēnei mahi hoki
i āwhina ki te whakawhānui i ōna mōhiotanga,
i rangona ai ngā tino rerekētanga o ngā mahi raranga
i roto i tēnei ao whānui. He mea tino nui ngā mahi
whatu tūturu a te iwi Māori, me ngā tikanga, ki
a Kohai. Kōrero ai ia mō ngā huarahi e puritia
ai ēnei tikanga, kia haere tonu ai ngā taonga i kohatia
mai ai ki a tātau e ō tātau tīpuna.
Ko te mahitahi o te rōpū tētahi o ngā
tautōhitotanga ka mau i ngā ākonga i tō
rātou akoranga i te kaupapa ako raranga a Kohai.
Ka whakamārama anō a Kohai i ētahi atu
o ngā pūkenga ka akona e āna ākonga.
Te roanga o te whitiāhua: 1:29
Tohua te kōwhiringa tirohanga e pai ana mō tōu
ake hononga Ipurangi:
