He whakaaro mō te akomanga
Te tito, te rekoata, me te hanga rīpene whakaata puoro
Kaiwhakaako | Awheawhe tuhituhi | Awheawhe whakaari
Te rekoata i te rīpene ataata | Te rīpene ataata
Kaiwhakaako
He mahinga awheawhe mō te toru rā, e whakamahi ana i ngā ākonga
tokowaru, mai i Te Kura Kaupapa Māori o Te Rito me tētahi kaiwhakaako
i tū ki Ōtaki, i te tau 2003. Ko te pūtake o tēnei mahinga
awheawhe he tito, he tū ki te whakaari, he rekoata hoki i tētahi
waiata mā te whakamahi i ngā hangarau ā-oro, hangarau whakaahua
hoki.
 Awheawhe tuhituhi
 Awheawhe o ngā mahi a Te Rehia
 Te rekoata i te rīpene ataata
 Te rekoata rīpene ataata
Pūrongo a te pouako
E toru ngā awheawhe mō ngā rā e toru, he wā poto
noa iho kia whakaotingia te tuhituhi, te whakaatu, me te rekoata i tētahi
rīpene ataata. He akoranga tino taumaha, mōku, mō te hunga i
uru atu, he tino āwhina hoki te pakeke me ngā pūkenga pai a
te hunga i uru atu.
Mēnā ka mahia anō e au ēnei awheawhe e toru, kua whakawhāitihia
e au ngā whāinga, kia noho kia rua noa iho, pēnei i te whakaata,
me te wetewete i tētahi rīpene ataata; te tito, te rekoata rānei
i tētahi waiata. Kāore tonu i whai wā ki te mahi i ngā mahi
katoa mō ngā awheawhe, he poto noa te wā. Ahakoa, nā ngā ākonga
tonu i mahi ētahi o ngā wetewetenga o te rīpene whakaata, i
te mutunga o te whakaatatanga, kāore tonu rātau i whai wā ki
te whakaoti haere.
He hōnore tonu tēnei mōku ki te mahitahi me ngā ākonga
nei, nā rātau i māmā ai te tukanga. Ko te tūmanako
ka rawe ki ākonga te rīpene whakaata, pēnei i au nei. Ngā mihi
nui ki ngā pouako, ki ngā mātua me ngā ākonga o Te Kura
Kaupapa Māori o Te Rito.
Wiremu Grace, Te Whanga-nui-a-Tara, 2004.
Back to top Ki runga
Back to He
whakaaro mō te akomanga
|
