Aratohu mā te Pouako mō Māui
Kupu whakataki
Nau mai ki ngā aratohu mā te pouako mō Māui – One man against the gods. I āta hoahoatia ēnei paerewa mahi hou e toru me te kete taputapu kia hāngai ki te whakaaturanga/kōpaepae DVD o Māui – One man against the gods. Ma enei aratohu e awhina i nga kaiako me nga akonga ki te:
- tūhura whakaaro, tauira rānei o ngā paerewa o ngā toi hei arataki atu i ngā ākonga ki tēnei whakaaturanga
- tūhura whakaaro me ngā paerewa o ngā mahi hei tauira mahere i te whakaurunga o tōu ake hōtaka ngā toi i muri i tō mātakitakitanga i te whakaaturanga nei.
Mō ngā paerewa whakaako me te kete taputapu
I āta tuhia ēnei paerewa mahi hei tauira, ā, me whakamahia e ngā kaiako ki te āwhina i a rātau ki te mahere i a rātau hōtaka mā te whakamahi i a rātau ake whakaaro. E hāngai ana ēnei paerewa mahi ki ngā ākonga e mahi ana i roto i ngā kōeke o ngā momo marautanga:
-
Paerewa 1 e hāngai ana ki ngā ākonga o ngā whare kura, kei ngā tau 10–13, ā, e pā ana ki ngā pou e toru o te marautanga Ngā Toi.
-
Paerewa 2 mā ngā ākonga takawaenga o ngā kura tuarua e mahi ana i ngā kōeke 2–3. E hāngai ana ki te pou Toi Puoro.
-
Paerewa 3 mā ngā ākonga o ngā kura tuatahi mō ngā tau 1–2. E hāngai ana ki ngā Mahi a Te Rēhia me Toi Ataata.
He wāhanga hoki kei konei, arā, te kete taputapu mā ngā kaiako. Mai i tētahi tirohanga whakatairite e taea ai te whakamahi e ngā reanga tuakana o ngā kura tuatahi, me ngā ākonga o ngā wharekura, he papakupu hoki o ngā kupu whakaari, kupu reo, kupu ūngeri me te whakamahana tinana.
He kupu poto
mai i a Rawiri Hindle
kaiwhakarite o ngā paerewa o Ngā Toi Online
"Ko ngā toi Māori – arā, te toi ataata, ngā mahi a te rēhia me te toi puoro, he take tīkorikori, he tū āhua panoni i ngā wā katoa, kāore tēnei take e tau ana. Kei te tīmata te uruuru haere o ngā mahinga toi Māori ō nāianei ki runga i te atāmira o te ao, ā, ka noho ko te whakaari a Tanemahuta Gray, arā, a Māui – One man against the gods, tētahi tino tauira o te whakaari e whakamahi ana i te reo Māori, i ngā tikanga Māori, ā, e tūhura ana i te tirohanga a te Māori ki tēnei ao tūroa, mā te tūhura i ngā mahi a tēnei tupuna rongonui a Māui. Mā te mātakitaki i tēnei whakaari o Māui – One man against the Gods, ka taea e ngā ākonga o ngā kura Māori te tūhura i ngā momo huarahi e taea te whakauru ki roto i a rātau ake hōtaka mahinga toi.
I te tau 2007 ākene ka tū tēnei whakaari ki tētahi whare whakaari e tata ana ki a koe, kei tō pito rānei o te motu, ā, me whai wā atu koe ki te mātakitaki i tēnei whakaari tino mīharo rawa atu!"
Back to top Ki runga
|
