He whakataki

I tēnei tauaromahi ka noho ko ngā mahi toi a Vincent van Gogh hei tauira mō te tā pikitia piakano. He uaua te tā pikitia ki te piakano, ā, ka whai mātou i te āhua o tā Vincent van Gogh piu i te paraihe hei tā pikitia piakano.

Ki runga

Ngā hononga ki te tāhū

Tūhura	Ka tūhura i ngā horopaki huhua me te rawa tā	Kōeke 4
Mahi	Ka whakaatu mōhio hei whakatutuki tukanga mahi Toi Ataata	Kōeke 4
Maioha	Ka whai māramatanga mo te whakawhanake whakaaro o tētahi kaitoi mā te mahi	Kōeke 4

Tā tēnei mahi e whakaatu ana

• Te tūhura i tētahi tohunga tā pikitia pērā i a Vincent van Gogh, me āna mahi.
• Te whakaaroaro o ngā ākonga ko wai ake rātou mā te titiro ki ngā pepeha.
• Te hoahoa mahi.
• Te whakapaparanga piakano mā te tā rārangi popoto.
• Te whakapaparanga i ngā tae hei whakahōhonu ake i te āhua o te pikitia.

Ki runga

He tukanga mahi

Ki runga

He pito hōhonu o te toi

Ka kitea i roto i tēnei pikitia te momo whakamahi i te piakano kia rite te āhua ki tā Vincent van Gogh piu i te paraihe tā i roto i āna kōwaiwai. He āhua ōrite ngā hua ka puta i te piakano.

Ki runga

He kupu taka

kōmā	light colour
kōwaiwai	paintings
manawataki	rhythm
miramira (whaka-)	highlight
paparanga (whaka-)	layer, overlay
piakano	oil pastel
piu i te paraihe tā	brush stroke
tā rārangi popoto	stroke/dash technique
tatangi	texture in sound

Ki runga

He horopaki ako

Ngā putanga ako

• Ka tūhura ngā ākonga i ētahi o ngā kōwaiwai a Vincent van Gogh.
• Ka whakamahi ngā ākonga i te piakano ki te mahi toi e āhua rite ana ki tā Vincent van Gogh.
• Ka whakaranu ngā ākonga i ngā tae, ka peita paparangi atu i aua tae.

Kua whakamātautau ngā ākonga i ēnei huānga ki roto i ngā horopaki huhua, arā, te:

• rārangi
• kauruku
• āhua
• āhuahanga
• mokowā
• tae.

E toru ngā tikanga toi o tēnei mahi

Tuatahi, i rangahaua te tūāhua mahi tā a van Gogh me tana whakamahi i te peita. Kātahi, ka hoatu ki ngā ākonga ētahi whakaahua o ngā awa me ngā maunga, ā, mā te tirotiro i ēnei whakaahua me ngā pepeha-ā-iwi ka ākina ngā ākonga kia whakaarohia ake “Ko wai rātou?” Ka huri ngā ākonga ki te tā i ā rātou ake pikitia ki te piakano hei whakaatu atu ko wai rātou. Ka whakaputaina he tauira ki runga pepa hei whakahoahoa i te mahi.

Tuarua, i hoatu he piakano ki ngā ākonga hei whakamātau ake mā rātou ki te tā pikitia piakano e whakaatu mai ana i te āhua o tā van Gogh piu i te paraihe.

I āta ākina anō ngā ākonga kia āta whakapaparanga i ngā tae. Waiho te piakano mā me te pango hei whakaniko i ngā mahi toi.

Ki runga

Ki hea i nāianei?

• Te whakawhānui i ō rātou ake mōhiotanga, me te tā pikitia ki te piakano.
• Te tūhura i ētahi atu āhuatanga e pā ana ki te tā pikitia ki te piakano.
• Te rangahau i ētahi atu tohunga tā pikitia, me te āhua o tā rātou peita atu i ngā tae – i a Monet, i a Emily Karaka, i a Darcy Nicholas.

Ki runga

He hononga ki ngā toi

Ngā mahi a te rēhia

Ko te whakamātautau i te nekeneke hei whakaatu i te hekenga o te wai i te mātāpuna ki te moana.

Toi puoro

Te whakapaparangi atu i te manawataki me te tūhura i te tātangi o te pūoru.

Ki runga

He akoranga kē atu

Tikanga ā-iwi

Te rangahau i ētahi atu tohunga tā pikitia.

Pāngarau

Te hanga i ngā momo tauira ka kitea i roto i ngā mahi a ētahi atu iwi.

Pūtaiao

Te tūhura i ngā piakano me ōna ake āhuatanga.

Ki runga

He rauemi

Ngā Toi online: Toi Ataata. Te Kete Ipurangi. www.tki.org.nz/r/arts/ngatoi/toi_ataata/index_e.php
Kei reira te wāhanga hei tautoko, hei whakawhānui i ngā mahi Toi Ataata.

TKI Mātauranga Māori

Putanga tā o tēnei tauaromahi (PDF, 1.08MB)

Ki runga