He whakataki

I tēnei o ngā tauaromahi, ka noho ko te kōwaiwai ‘Sunflowers’ nā Vincent van Gogh hei tauira mō te tuhi i ā mātou ake kōwaiwai putiputi. Ka tūhuratia hoki ngā wāhanga o mua me te wāhanga o tua o te kōwaiwai.

Ki runga

Ngā hononga ki te tāhū

Tūhura	Ka tautuhi i ngā tīnitanga o ngā huānga	Kōeke 2
Mahi	Ka whai tukanga hei whakatutuki ariā Toi Ataata	Kōeke 2
Maioha	Ka āhukahuka i ngā tauira me ngā tohu Toi Ataata huhua	Kōeke 2

Tā tēnei mahi e whakaatu ana

• Te rangahau i tētahi tohunga tā pikitia pērā i a Vincent van Gogh me āna mahi.
• Te matapaki mō ngā putiputi – te āhua, te hanga, te tae, te aha, te aha.
• Te tautuhi i te wāhanga o mua me te wāhanga o tua o te kōwaiwai ’Sunflowers’.
• Te tūhura i te āhua o te tā me te peita kiriaku.

Ki runga

He tukanga mahi

Ki runga

He pito hōhonu o te toi

I puta tēnei mahi toi i tā Vincent van Gogh kōwaiwai ‘Sunflowers’. Ko te whāinga matua o te mahi nei, ko te āta whakarite i te wāhanga o mua me te wāhanga o tua i te wā e waihangatia ana te kōwaiwai.

Ki runga

He kupu taka

ipu	vase
kaiao	organism
kanowai	watercolours
kōwaiwai	painting
peita kiriaku	acrylic paint
renga	yellow, light coloured
wāhanga o mua	foreground
wāhanga o tua	background
waihanga (-tia)	artificial
wāhanga puoro	soundscape

Ki runga

He horopaki ako

Ngā putanga ako

• Ka rangahau ngā ākonga i te kōwaiwai ‘Sunflowers’ a Vincent van Gogh.
• Ka tūhura ngā ākonga i te āhua o te whakamahi i te peita kiriaku.
• Ka whakaaroaro ngā ākonga ki te wāhanga o mua me te wāhanga o tua i roto i ā rātou mahi.

Kua whakamātautau ngā ākonga i ēnei huānga ki roto i ngā horopaki huhua, arā, te:

• tae
• kakano
• kauruku
• āhua.

E rua ngā tikanga toi o tēnei mahi

Tuatahi, i rangahau ngā ākonga i te kōwaiwai a van Gogh, ā, ka matapaki rātou i ngā tūāhuatanga o āna mahi. Kātahi, ka hoatu ki ngā ākonga ētahi whakaahua me ngā putiputi (he mea waihanga noa) hei tūhura mā rātou i te āhua, te hanga me te tae.

I hoahoatia tētahi tauira ki runga pepa hei mahere mō ngā mahi.

Tuarua, ka whakamahia te peita renga hei whakawehe i te pepa kia kitea ai te wāhanga o mua me te wāhanga o tua.

Kātahi ka taea e ngā ākonga te tūāhua o tā rātou kaupapa, ā, ka whakakīkī haere i taua āhua me te wāhanga o tua ki ngā peita. Ka oti aua wāhanga te peita, kātahi ka huri ki te whakakīkī i te wāhanga o mua hei mahi whakamutunga.

Ki runga

Ki hea i nāianei?

• Whakawhānui ake i ō rātou mōhiotanga, ā, te tūhura atu i ngā peita kiriaku.
• Tūhura i ētahi atu tikanga o te whakamahi i ngā kanowai.
• Tirohia ētahi atu tohunga tā pikitia, me te āhua o tā rātou peita atu i ngā tae – i a Monet, i a Emily Karaka, i a Darcy Nicholas.

Ki runga

He hononga ki ngā toi

Ngā mahi a te rēhia

Te whakamahi i te rotarota hei kaupapa mō tētahi whakaari, nekeneke, korikori rānei.

Toi puoro

Ka torotoro i ngā rawa Māori hei hanga i tētahi wāhanga puoro ki te whakaatu i te huhuatanga o te tipu.

Ki runga

He akoranga kē atu

Tikanga ā-iwi

Te tūhura i ētahi atu tohunga tā pikitia.

Pūtaiao

Te whakatipu putiputi me te rangahau i te āhua o te tipu mai.

Te reo Māori

Te tito whiti, rotarota rānei mō ngā putiputi.

Mātauranga taiao

Te tiaki i te kaiao e tipu ana. Hei tauira, te whāngai ki te wai, te rā, te whakaruru.

Ki runga

He rauemi

Ngā Toi online: Toi Ataata. Te Kete Ipurangi. www.tki.org.nz/r/arts/ngatoi/toi_ataata/index_e.php
Kei reira te wāhanga hei tautoko, hei whakawhānui i ngā mahi Toi Ataata.

TKI Mātauranga Māori

Putanga tā o tēnei tauaromahi (PDF, 851KB)

Ki runga