| Ngā Tauaromahi Marautanga o Aotearoa |  |
 |
 |
|
 |
Ngā Toi |
 |
|
Toi AtaataHe Rākau Tipu |
Whenu: Tūhura Mahi Mōhiotanga Maioha
|
He whakataki
He maha ngā tohu Māori i roto i te whakairo, i te raranga, i te kōwhaiwhai hei kai mā te karu me te hinengaro o te kaititiro. Ka pūmau hoki te pupuri ki ngā taonga pērā i te whakapapa, te karakia, me te pūrākau i te mea mā ēnei taonga e tuku iho ngā kōrero ki ngā uri whakaheke. Ka ākina ngā ākonga kia hāpai i ā rātou ake kōrero ki roto i ngā toi rawa tā maha, i te mea he nui ngā tūāhua mahi ka taea i taua momo toi.
Te mahi toi.
Ngā hononga ki te tāhū
| Mahi | Ka manawanui te tangata ki te whakawhanake ariā | Kōeke 4 |
|---|---|---|
| Mahi | Ka whakaatu mōhio hei whakatutuki tukanga mahi Toi Ataata | Kōeke 4 |
| Maioha | Ka whai mātauranga mō te whakamahi me te whakarite i nga rawa rerekē | Kōeke 4 |
Tā tēnei mahi e whakaatu ana
- Ngā tikanga hou o te hoahoa, te whakamahi i ngā taputapu o ēnei rā me ngā rauemi o te taiao.
- Te whakaatu i te whakapapa.
- Te whakamahi i ngā tohu me te whakapaparangi.
- He mahi toi, he momo toi hua iti o ēnei rā.
He tukanga mahi
Waitohungia ki te hāpiapia te wāhi kāore e peitatia.
Kia rua ngā peitatanga ki te peita-rehu pango.
Waitohungia, wirihia ngā puare mō ngā rākau rango. Whakamahia he teipa rahirahi hei tohu i te tauira.
Peitatia ki ētahi atu tae hei whakamiramira i te tohu, kātahi ka tangohia te katoa o ngā teipa.
Whakapirihia ngā rākau rango me ngā anga ki te wāhi e tika ana.
Hoatu he tuaina hei whakairi i te mahi toi.
He pito hōhonu o te toi
E whakaatu ana te mahi nei i te whakatautika o ngā rawa me te whakamahi tika i te wāhi. Kua aro atu te ākonga ki ngā tae kia paku rerekē, kia paparangi hoki. Kua whai hua te whakamahi i ngā rauemi me ngā taputapu hei waihanga i te mahi toi nei.
Te whakatautika rawa.
He kupu taka
| hāpiapia | masking tape |
|---|---|
| huarewa toi | art gallery |
| kakano | texture |
| miramira (whaka-) | to highlight |
| paparangi | layering |
| peita-rehu | spray-paint |
| rākau rango | dowel |
| rawa tā maha | mixed media |
| teipa rahirahi | thin tape |
| tūāhua mahi | style |
| wāhi hua pai | positive space |
| wāhi hua kore | negative space |
Ngā putanga ako
- Ka tūhonohono ngā ākonga i ngā tūāhua maha o te mahi toi hei whakaatu i ō rātou ake whakaaro.
- Ka whakamahia e ngā ākonga ngā tohu ki ngā wāhanga e tika ana.
Kua whakamātau ngā ākonga i ēnei huānga ki roto i ngā horopaki huhua, arā, te:
- kauruku
- āhua
- mokowā.
E rua ngā tikanga toi o tēnei mahi
Ka whakamahi ngā tohu Māori hāngai tonu ki te ariā matua. Ka whakamahi ngā rāuemi rerekē, arā, ko te peita rehu me te hāpiapia, ki te whakatinana i te whakaaro o te kaitoi.
Ka whakawhanake i te papa o muri hei kawe i te ia me te ngako o ngā kōrero.
Ki hea i nāianei?
- Tūhuratia te whakamahia o te wāhi hua pai me te wāhi hua kore hei whakamiramira i ngā mahi toi.
- Waihangatia ētahi toi rawa tā maha, ā, ka hoatu ki tētahi huarewa toi Māori hei whakaaturanga.
- Whakamātauria ngā kakano me ngā tikanga whakakauruku.
- Rangahaua ētahi whāriki ki ētahi rauemi.
He hononga ki ngā toi
Ngā mahi a te rēhia
Whakamahia ngā āhua o ngā tohu toi mō te nekeneke/ kanikani, arā, te poutama, te koru rānei. Ka waihanga ngā ākonga i te āhua o aua tohu i a rātou e nekeneke ana.
Toi puoro
Whakamahia nga tūmomo rākau hei hanga ti-rākau me te tititorea.
He akoranga kē atu
Pāngarau
Tūhuratia te āhua o te whakamahi i te wāhi hua pai me te wāhi hua kore.
Pūtaiao
Rangahaua tētahi rākau a Tāne. Tōna wāhi noho, ōna hononga ki te taiao. Ngā rongoa.
Tikanga ā-iwi
Te whakapapa o te rākau mai i a Tāne heke iho ki tētahi rākau.
He rauemi
Ngā Toi online: Toi Ataata. Te Kete Ipurangi. www.tki.org.nz/r/arts/ngatoi/toi_ataata/index_e.php
Kei reira te wāhanga hei tautoko, hei whakawhānui i ngā mahi Toi Ataata.
Putanga tā o tēnei tauaromahi (PDF, 1.17MB)
 |
 |