He whakataki

He huhua ngā tūmomo nekeneke me āna kupu kua mau i ngā ākonga. Nō reira ko te whāinga o tēnei wāhanga mahi kia hanga ngā ākonga i ā rātou ake kaupapa kanikani mā te tūhura, me te whakamahi i ngā tūwaewae me ngā tūringaringa o te kapa haka. Ko ngā puoro Māori o nāianei ētahi tino whakatangitangi hei whakaihi i tēnei tūhuratanga. Kia puta ai te mana o te rerehuatanga, arā, te ihi, te wehi, te wana, te mauri me te wairua i whakaaetia ngā ākonga kia tūhono i te oro, i te reo me te nekehanga mō ā rātou hanganga.

Ki runga

Ngā hononga ki te tāhū

Tūhura	Ka tūhura i te hononga ā-tinana, ā-waha, mō ngā tūmomo whakaaturanga	Kōeke 2
Mahi	Ka hanga, ka whakaatu i ētahi mahi ā-tinana	Kōeke 2
Mahi	Ka whakaoti rapanga mō tētahi nekehanga	Kōeke 3
Mōhiotanga	Ka mārama i nga rerekētanga o ngā nekehanga	Kōeke 3

Tā tēnei mahi e whakaatu ana

• Ka kitea ngā ākonga me te pouako e hanga ana, e whakamahi ana i ētahi nekehanga ā-iwi, ā-iwi kē me ngā nekehanga o tēnei wā.
• Ka whakaingoa haere ngā ākonga i ngā nekehanga.
• Ka whakamahi ngā ākonga i ngā wāhi paparangi maha.
• Ko te hanga, ko te whakawaiwai, ko te whakaatu a ngā ākonga i ā rātou ake kaupapa nekehanga.

Tauira 1: Whakamahana tinana Ko te whakamahanahana mā te whakamahi i ngā nekehanga ā-kapa haka, ā-hip-hop, ā-pasifika.
	Help with QuickTime and viewing options
Clip duration: 0:51
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 2: Te kōiri ā-kapa Ko te tū ā-kapa a ngā ākonga me te pouako, kei te kōiri ā-kapa (neke whakamua, neke whakamuri). Ka tāruaruahia ngā nekehanga. Ka whakaingoa haere i ngā nekehanga kia mau pai ai.
	Help with QuickTime and viewing options
Clip duration: 0:34
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 3: Ngā huānga kanikani Kei te kitea te whakamahi i ngā wāhi paparangi maha, arā, te whātoro whakarunga, te tuohu whakararo me te nekeneke hōkai.
	Help with QuickTime and viewing options
Clip duration: 0:37
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 4: Whakarite kanikani Ko te hanga, ko te whakawaiwai, ko te whakaatu a ngā ākonga i ā rātou ake kaupapa nekehanga.
	Help with QuickTime and viewing options
Clip duration: 1:02
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

He kupu taka

aronga	directional space
hōkai	diagonal line
wāhi paparangi	levels of space
rerehua(-tanga)	aesthetic
takahuri	rotate
takenga	origin
tāruarua(-hia)	repeat
te reo turi	sign language
torotika	straight line
whātoro	stretch

Ki runga

He horopaki ako

Ngā putanga ako

• Te matapaki me te whakawhiti whakaaro mō tana whakarerekē me tana whakaniko ake i tētahi kaupapa kanikani.
• Te whakaputa i tōna mōhio mā te tū hāngai i ngā nekehanga i a ia e whakawaiwai haere ana.
• Te whakaatu i tōna mārama ki ētahi o ngā huānga o te kanikani, arā, te takahuri, te neke torotika, te neke hōkai me te neke aronga whakarunga, aronga whakararo.

Kua whakamātautau ngā ākonga i ēnei huānga ki roto i ngā horopaki huhua, arā, te:

• nekehanga
• mokowā
• āhua.

E rua ngā tikanga toi o tēnei mahi

Ka mahi tahi ngā ākonga, ka tūhura i ngā nekeneke ā te Māori, o neherā, me ngā nekeneke hou. Ka aro ki te wāhi paparangi me te aronga o ngā nekeneke. Kātahi ka hangaia ngā ākonga i tētahi wāhanga kanikani hei whakaatu ki te kura. Ka tūhura ngā ākonga i te hononga o te reo ā-waha me te reo ā-tinana hei whakamātau i tētahi whakaaturanga nekehanga.

Ki runga

Ki hea i nāianei?

• Ka rapu atu anō i ētahi nekehanga kapa haka me te takenga mai o aua nekehanga.
• Ka rangahau tonu i ngā huānga o te kanikani hei whakanikoniko ake i te kaupapa.
• Ka whakawhānuitia ngā whakaaro kia hōhonu ake te kaupapa kanikani nei.

Ki runga

He hononga ki ngā toi

Toi Ataata

Ka hanga kahupeka hei whakaatu i te nekeneke ā-tinana.

Toi puoro

Ka kohikohi i ngā rawa Māori nō te taiao (te kōhatu, te rau, te rākau, te rōria) hei hanga puoro mō te kanikani.

Ki runga

He akoranga kē atu

Te reo Māori

He tito i tētahi rotarota ka ako ai i ngā nekehanga ki tētahi kōhanga me ngā tēina o te kura. He ako i te reo turi e hāngai ana ki tētahi waiata ka hanga ai i ētahi nekehanga hei whakaatu, heoi, ko ngā ringa hei kawe i te kaupapa.

Ki runga

He rauemi

Ngā Toi online: Ngā Mahi a Te Rēhia. Te Kete Ipurangi. www.tki.org.nz/r/arts/ngatoi/nga_mahi/index_e.php
Kei reira te wāhanga hei tautoko, hei whakawhānui i Ngā Mahi a Te Rēhia.

TKI Mātauranga Māori

Putanga tā o tēnei tauaromahi (PDF, 956KB)

Ki runga