He whakataki

Ko tā ngā ākonga he whakamahi i ngā huānga maha o Ngā Mahi a Te Rēhia hei whakaatu i tētahi pakiwaitara mai i tō rātou rohe. Ka taki tūhura i ngā nekehanga, i ngā aronga, i ngā wāhi paparangi, i ngā momo whakaputa me te whakamahi i ngā momo taonga i te wā hanga kanikani. Ko ngā tino tūāhua hei whakaniko ake i te whakaaturanga, ko te karanga me te whakautu, ko te neke ngātahi me te aro hāngai ki te kounga o aua nekehanga. Ka whakatenatenahia ngā ākonga kia arotake, kia whakaputa whakaaro i te wā e whakamahi haere ana i te kanikani. Ka tirohia ngā nekehanga mō te rapu, mō te whakamoka, mō te hīkoi whakatutū, anō nei he pakanga te mutunga.

Ki runga

Ngā hononga ki te tāhū

Tūhura	Ka tūhura i te hononga ā-tinana, ā-waha, mō ngā tūmomo whakaaturanga	Kōeke 2
Mahi	Ka whakamahi pūkenga hei whakamārama i ngā wheako whaiaro	Kōeke 2
Mōhiotanga	Ka tautuhi, ka mārama ki ngā nekehanga o neherā o ēnei rā	Kōeke 3

Tā tēnei mahi e whakaatu ana

• Te karanga me te whakautu, ka whakamahi i ētahi wāhanga o te tinana, i ngā paparanga ātea, i ngā aronga i te wā e whakanekeneke haere ana.
• Te hanga, ka tuku i tētahi roto manawa i te wā e nekeneke ana.
• Te neke ngātahi me te whakamahi i tētahi rākau.
• Te whakamahi i te reo karanga, i te reo whakautu i te wā hanga i tētahi whakatūtū waewae.

Tauira 1: Te karanga me te whakaatu I te wā karanga me te whakautu ka whai wāhi ngā ākonga ki te whakamahi i ētahi wāhanga o te tinana hei whakaatu nekeneke.
	Help with QuickTime and viewing options
Clip duration: 1:15
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 2: Whakawaiwai i ngā wāhi I te wā e nekeneke ana ka whakawaiwai i ngā wāhi paparangi e toru, arā, te paparangi teitei, te paparangi o waenganui me te paparangi hāhaka. I te wā e nekeneke haere ana kei te whakaputa i ngā kare-ā-roto.
	Help with QuickTime and viewing options
Clip duration: 1:28
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 3: Whakamahi i te rākau Ka whakawhānuitia ake ngā nekehanga mā te whakamahi i te rākau hei whakaari i te kaupapa kanikani.
	Help with QuickTime and viewing options
Clip duration: 0:17
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 4: Tūtū tau-utuutu Ka whakamahi ngā ākonga i te taiaha me ētahi nekehanga mai i iwi kē ki te hanga, ki te whakatūtū i tētahi kanikani me te whakamahi i te tikanga o te tūtū tau-utuutu.
	Help with QuickTime and viewing options
Clip duration: 0:36
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 5: Whakaatu kanikani Ka kitea ngā ākonga e whakamahi ana i ngā tūāhuatanga katoa hei whakaatu i te kaupapa kanikani.
	Help with QuickTime and viewing options
Clip duration: 2:48
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

He kupu taka

aronga	directional space
hāhaka	low
kounga	quality
kare-ā-roto	emotion
tāpirihanga	appendage
tūtū tau-utuutu	physical confrontation (an intention)
wāhi paparanga	levels of space
whakahihiko	sharpen
whakamahine	refine
whakamoka	stalking
whakaniko	enhance
whakatutū	confrontation
whakawaiwai	practise

Ki runga

He horopaki ako

Ngā putanga ako

• Te mahi ā-rōpū ki te whakatinana i tētahi raupapatanga kanikani me te whakamahi taonga hei whakaniko ake i te kaupapa.
• Te tūhura i ētahi nekehanga e whakaatu ana i te āhuatanga o te rapu.
• Te whakaatu me te whakamārama i ngā nekehanga me ngā roto manawa e hāngai ana.

Kua whakamātautau ngā ākonga i ēnei huānga ki roto i ngā horopaki huhua, arā, te:

• nekehanga
• wāhi
• āhua
• tauhanga.

E rua ngā tikanga toi o tēnei mahi

He mea hou ki ngā ākonga te whakamahi taonga i te wā e kanikani ana. Nō reira, ko te arongatahi kia maha ngā whakamahinga i ngā taonga hei tikanga motuhake mō te kanikani, kaua hei tāpirihanga noa iho. Kia kitea hoki te mana o ngā taonga i te wā o te tūtū tau-utuutu.

Ka tāutuhia ētahi pūoru mō te kaupapa kanikani ka whakaatu ai i ngā nekehanga me ngā roto manawa kia pai ake ai te whakaaturanga.

Ki runga

Ki hea i nāianei?

• Me whakamahine, me te whakatika kia pai ake ai te mahi.
• Kia whānui ake ngā pūmanawa o te ihi, o te wehi, o te wana.
• Ka whakahihiko ake i te whakaaturanga e pā ana ki te kakapatanga ā-wāhi.
• Me whakaatu atu i ngā mahi ki ētahi atu.

Ki runga

He hononga ki ngā toi

Toi Ataata

He tūhono i ngā tae maha, i ngā wairākau, i ngā piakano.

Toi puoro

He tūhonohono i ngā oro rerekē. He whakapaparangi i ngā momo oro rerekē.

Ki runga

He akoranga kē atu

Hauora

Whānau: te atawhai me te manaaki.

Pūtaiao

Ō kawekawe: he tūhononga – ngā tae wairākau maha.
Ō ahupūngao: ngā awa rere, te rangitoto, te tō ā-papa.

Ki runga

He rauemi

Ngā Toi online: Ngā Mahi a Te Rēhia. Te Kete Ipurangi. www.tki.org.nz/r/arts/ngatoi/nga_mahi/index_e.php
Kei reira te wāhanga hei tautoko, hei whakawhānui i Ngā Mahi a Te Rēhia.

TKI Mātauranga Māori

Putanga tā o tēnei tauaromahi (PDF, 990KB)

Ki runga