| Ngā Tauaromahi Marautanga o Aotearoa |  |
 |
 |
|
 |
Ngā Toi |
 |
|
Toi Ataata“Mahuika” Uku |
Whenu: Tūhura Mahi Mōhiotanga Maioha
|
He whakataki
Kei roto i ngā kōrero tuku iho ngā pakiwaitara, ngā pūrākau me ngā waiata. Ko te wero ki ngā ākonga, ko te whakahāngai i ēnei kōrero ki ngā āhuatanga o tēnei ao hou kia aro mai ai te hunga whakarongo. I roto i tō mātou kura, ko “Mahuika” te kaupapa ako mō tētahi wāhanga o te tau, ā, ko te uku te rawa e tirohia ana i roto i te toi ataata.
Ngā matikuku o Mahuika.
Ngā hononga ki te tāhū
| Tūhura | Ka tūhura i ngā huānga me ngā ariā maha | Kōeke 1 |
|---|---|---|
| Mahi | Ka whakamahi ngā tohu ngāwari | Kōeke 1 |
| Maioha | Ka tautuhi i ngā tohu me ngā kōrero taketake o tōna taiao | Kōeke 1 |
Tā tēnei mahi e whakaatu ana
- He hoahoa pakari, mārama hoki.
- He tika, he rerehua te hoata i te kirimōhinu.
- He mārama te kaupapa.
- He tuhi i ngā mura ki runga i ngā tangariki porohita. Kātahi ka waihangatia ngā tangariki tapawhā nunui, ā, ka huaina ō rātou ringaringa ki runga me te tuhi mura anō hei maikuku.
He tukanga mahi
Mā te kaiako e tapahi ngā tangariki uku, e wiri hoki i ngā puare.
Ka tuhia e ngā ākonga ō rātou ingoa ki muri i ngā tangariki, ā, kātahi ka tuhi i ā rātou hoahoa i mua mā te pene rākau. Ka ākina rātou kia tuhi i ngā rārangi pakari.
Ka tahuna ngā tangariki.
Mā ngā ākonga e opeope, e peita hoki ngā tangariki ki ngā kirimōhinu o raro.
Mā te kaiako e hoatu te kirimōhinu kōataata, ā, māna anō e tahu ngā tangariki.
He pito hōhonu o te toi
He mārama te kite atu i ngā tohu e pā ana ki te kaupapa o Mahuika.
He rerehua, he pai hoki te tūāhuahanga.
He māmā te hoatu i ngā kirimōhinu whaikano.
Ngā tohu o Mahuika.
Ngā matikuku o Mahuika.
He kupu taka
| hua (-ina) | outline, trace, stencil |
|---|---|
| kauruku | shade |
| kirimōhinu | glaze |
| kirimōhinu o raro | underglaze |
| kirimōhinu kōataata | clear glaze |
| opeope (-a) | to sponge |
| rārangi pakari | bold lines |
| rerehua | aesthetically pleasing |
| tāhei | necklace |
| tahu (-na) | fired (bisque or glaze-fired) |
| tahutahuna | firing |
| tangariki uku | clay tile |
He horopaki ako
Ngā putanga ako
- Ka taea e te ākonga te tūhura i ngā huānga o te uku. E āhei ana te ākonga ki te tiaki pai i ngā rawa, i ngā taputapu, me ngā wāhi mahi.
- Kia taea e te ākonga te hanga toi ataata i runga i te manawanui me te harikoa. E āhei ana te ākonga ki te hanga pikitia e pā ana ki a Mahuika.
- Ka whai mōhiotanga te ākonga mō āna mahi toi ataata.
Kua whakamātautau ngā ākonga i ēnei huānga ki roto i ngā horopaki huhua, arā, te:
- kakano
- āhua
- tohu
- rārangi
- āhuahanga.
E toru ngā tikanga toi o tēnei mahi
Ka whakawhanake pūkenga tā mā te penerākau kia whai kiko ngā whakaaro ki runga i te papa mahi.
Ka ako pūkenga whakaaro i ngā uku kia tika te whakaputa ariā. Ka whakamahi i te kauruku me ōna momo.
Ka whakamātautau i te tahutahuna me te kirimōhinu hei whakarākei i ngā mahi toi.
Ki hea i nāianei?
- Whakaako anō i ngā pūkenga kāore i āta mau i ngā ākonga.
- Waihanga/whakahoahoa rārangi tangariki e hono ana ki te kaupapa kotahi.
- Whakamahia ngā tangariki ki roto i tētahi mahi whānui ake, arā, he tāhei, he taonga, he kaui, hei wāhanga rānei mō tētahi pikitia nui.
- Waiho mā ngā ākonga e whakahoahoa ētahi atu tūāhua mō ngā tangariki, ā, mā rātou anō hei tapahi.
He hononga ki ngā toi
Ngā mahi a te rēhia
Hurihia te kōrero mō Mahuika hei whakaari. Titoa ngā tangi me ngā waiata hei whakaniko i te whakaari.
Toi puoro
Te mahi taonga puoro mā te kōauau uku.
He akoranga kē atu
Te reo Māori
Te pānui, te reo toi mō Mahuika. Te āhukahuka i ngā pū i roto i te kupu uku.
Tikanga ā-iwi
Te ako i ngā tikanga i kitea i roto i ngā kōrero mō Mahuika me Māui.
He rauemi
Ngā Toi online: Toi Ataata. Te Kete Ipurangi. www.tki.org.nz/r/arts/ngatoi/toi_ataata/index_e.php
Kei reira te wāhanga hei tautoko, hei whakawhānui i ngā mahi Toi Ataata.
Putanga tā o tēnei tauaromahi (PDF, 1.08MB)
 |
 |