| Ngā Tauaromahi Marautanga o Aotearoa |  |
 |
 |
|
 |
Ngā Toi |
 |
|
Ngā Mahi a Te RēhiaTakirua |
Whenu: Tūhura Mahi Mōhiotanga Maioha
|
He whakataki
I tēnei tauaromahi ka whakamahia ko ētahi o ngā huānga o te kanikani me te whakaari hei whakaatu i tētahi kōrero paki mai i ngā rohe ake o ngā ākonga. Ko tētahi wāhanga o te mahi ko te rangahau i te paki i te taha o ngā kuia me ngā koroua. Kātahi ka tūhura i ētahi nekehanga e hāngai ana ki te whakapiripiri, ki te ngākau pono me te painga tangata. I whakaritea mā ngā momo tākaro kanikani, tākaro whakaari hoki hei whakapiri i ngā ākonga. Ko te mea nui kia mārama ngā ākonga ki tā te tinana mahi, ki te whakaari ā-kani ki tētahi pūoru, me te kitea o te ōritenga i roto i ngā nekehanga. I ngā wā katoa ka tonoa ngā ākonga kia whakaputa whakaaro me te arotake haere i te kaupapa kanikani.
Te mahi takirua.
Ngā hononga ki te tāhū
| Tūhura | Ka whakatika, ka whakaniko nekehanga i ngā horopaki māmā | Kōeke 3 |
|---|---|---|
| Tūhura | Ka tūhura i ngā nekehanga kei ngā horopaki maha | Kōeke 3 |
| Mōhiotanga | Ka mārama i ngā rerekētanga o ngā nekehanga | Kōeke 3 |
Tā tēnei mahi e whakaatu ana
- Te whakaatu i ngā momo mahi tahi takirua noa.
- Te whakamahi i ētahi huānga o te ngākau pono, me te ōritenga hei tautoko haere i te kaupapa.
- Te whakaatu ā-kani, ā-whakaari i te pūoru mā ā rātou ake nekeneke.
- Te hanga i te tikanga kanikani mā te whakamahi i ngā nekeneke ohaoha me ngā nekeneke kori tinana.
Tauira 1: Hangaia ngā āhuaKa hangaia ko te āhua maunga, te āhua waka, te āhua rākau, te āhua whetū hei whakaatu i te kaupapa kanikani. |
|
 |
|
| Clip duration: 1:22 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 2: Neke kia tū tarawhitiMā te haututū pēnei i te tūru hurihuri haere, engari ka whakamahia ko te tarawhiti kē, kia whakatau pai ai te tū piri, te tū takirua. |
|
 |
|
| Clip duration: 1:13 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 3: Whakamahi paoroKa whakamahia e ngā ākonga ngā paoro nunui hei tautoko i te tipu mai o te painga ngākau me te painga ōritenga i waenga i te tokorua. |
|
 |
|
| Clip duration: 0:29 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 4: Whakaatu nekehangaKo tā ngā kōhine he whakaatu i ā rātou ake ohaoha ki tētahi pūoru mā te whakamahi i ngā āhuatanga o te aurere, o te huatau kia puta ko te kaukau. Ko tā ngā tama he whakaatu i ngā nekehanga a te manu. |
|
 |
|
| Clip duration: 1:19 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 5: Whakaatu kanikaniKa whakaatu ngā ākonga i ā rātou kanikani. |
|
 |
|
| Clip duration: 1:49 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
He kupu taka
| huatau | grace |
|---|---|
| ihi/wehi | dynamic |
| kounga | quality |
| ngākau pono | trust |
| ohaoha | mime |
| riakatanga | tension |
| takirua | work in pairs |
| tō ā-papa | gravity |
| wawani | gliding |
| whakaranu | blend |
| whakamahine | refine |
He horopaki ako
Ngā putanga ako
- Te tūhura me te whakamahi i ngā kupu e whakaatu ana i te tau, i te ngāwari, i te aureretanga, i te wawani o te neke.
- Te tirotiro ki ngā nekehanga e pono ai te takirua ki a rāua anō.
- Te whakawaiwai i ētahi nekehenga maha e tirotiro ana ki te kanikani whakapiripiri.
- Te whakaatu me te whakamārama i te kanikani me te whakahoki kōrero i muri i ngā arotakenga.
Kua whakamātautau ngā ākonga i ēnei huānga ki roto i ngā horopaki huhua, arā, te:
- nekehanga
- mokowā
- āhua
- tauhanga.
E rua ngā tikanga toi o tēnei mahi
Ko te arotahi i tēnei kaupapa kanikani ko te tipu haere o te aroha i waenganui i te tokorua. I kōrero tahi te pouako me ngā ākonga mō ngā āhuatanga o tēnei momo aroha me ngā kupu e tika ana. He mea nui rawa atu kia taunga ngā ākonga ki te kanikani piripiri me tētahi atu, nō reira, ka whakaritea ētahi nekehanga hei whakawaiwai i te kanikani takirua.
Ko ngā tino āhuatanga i tirotirohia ko te tau, ko te ngāwari, ko te aurere, me te wawani o te neke. E kitea pai ai ēnei āhuatanga i whakahautia ngā ākonga kia āta nekeneke i te wā kanikani.
Ki hea i nāianei?
- Ka whakamahine i ngā nekenekehanga kia pai ake ai te kanikani.
- Ka āta whakaaro ake ngā ākonga ki te āhua o ā rātou nekeneke kia puta ai te ihi, te wehi me te riakatanga i ngā wā e tika ana.
He hononga ki ngā toi
Toi Ataata
He tūhono i ngā tae maha, i ngā wairākau, i ngā piakano.
Hauora
Manaakitanga – te atawhai me te manaaki.
He akoranga kē atu
Pūtaiao
Ō kawekawe: ko te whakaranu i ngā tae maha.
Ō ahupūngao: ngā awa rere, te rangitoto, te tō ā-papa.
He rauemi
Ngā Toi online: Ngā Mahi a Te Rēhia. Te Kete Ipurangi. www.tki.org.nz/r/arts/ngatoi/nga_mahi/index_e.php
Kei reira te wāhanga hei tautoko, hei whakawhānui i Ngā Mahi a Te Rēhia.
Putanga tā o tēnei tauaromahi (PDF, 1.08MB)
 |
 |