| Ngā Tauaromahi Marautanga o Aotearoa |  |
 |
 |
|
 |
Ngā Toi |
 |
|
Ngā Mahi a Te RēhiaTe Kounga a Hine Rēhia |
Whenu: Tūhura Mahi Mōhiotanga Maioha
|
He whakataki
Ko tā ngā ākonga he whakamahi i ngā huānga maha o ngā mahi a Te Rēhia hei whakaatu i te pakiwaitara o ō rātou tūpuna, o Tamahae rāua ko Rutarehu. Ka taki tūhura i ngā nekehanga, i ngā aronga, i ngā momo wāhi, me te whakamahi i ngā momo taonga i te wā ka hanga kanikani. Ka whakamahia ko te hue me te poi hei āhuatanga whakataurite. Ko te hue hei whakaatu i ngā ngoi kaha, i ngā ngoi hāngai pū, ko te poi hei whakaatu i ngā ngoi mārire, i ngā ngoi pākato. Hāngai tonu ana te kanikani ki te taikaha o ngā whakatauritenga o ngā ngoi o te wahine, o te tāne. Ka haeretahi te whakakaha i ngā ākonga ki te arotake me te whakaputa whakaaro i te wā e mahi haere ana i te kanikani.
Whakaatū pakiwaitara.
Ngā hononga ki te tāhū
| Tūhura | Ka tūhura i ngā tukanga o ngā tūmomo mahi | Kōeke 4 |
|---|---|---|
| Mahi | Ka whakamahi i ētahi tūmomo neketanga | Kōeke 3 |
| Maioha | Ka whai whakaaro mō tāna ake mahi | Kōeke 3 |
Tā tēnei mahi e whakaatu ana
- Ko te nekeneke ngātahi me te whakamahi i te hue, kātahi ka rerekē haere i te kaiārahi.
- Ko te aro atu ki ngā tikanga o te tū totoka me ngā paparangi rerekē i te wā e hanga nekeneke auaha ana.
- He whakarite i ā rātou ake kanikani me te whakamahi i ngā oro reo me te poi roroa.
- Ko te whakamahi i te poi roroa me te whakarite āhua i te wā ka tūhono ā-takitoru.
Tauira 1: Āta nekenekeMā tēnā ākonga, mā tēnā ākonga e waihanga tētahi nekehanga hei whaitanga mā ōna hoa ako. |
|
 |
|
| Clip duration: 1:02 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 2: Hanga āhua rerekēKa hanga āhua rerekē me te whakamahi i ngā paparangi e toru, arā, te paparangi teitei, te paparangi o waenganui me te paparangi hāhaka. Kātahi, ka whakamahi i ēnei paparangi i te wā nekeneke ki aronga kē. |
|
 |
|
| Clip duration: 0:51 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 3: Nekeneke takitahiKa whai wāhi ia ākonga ki te nekeneke takitahi. Ka whakamahia te poi hei whakaniko ake i te kaupapa nekehanga. |
|
 |
|
| Clip duration: 0:23 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 4: Mahi takitoruKa mahi takitoru ki te hanga i ētahi āhua me te whakamahi i te poi roroa. Ka whakamahi i ngā paparangi me ngā aronga rerekē hei whakaniko ake i te kanikani. |
|
 |
|
| Clip duration: 0:27 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 5: Te whakaaturangaKa whakaatu ngā ākonga i tā rātou kaupapa kanikani ki te akomanga. |
|
 |
|
| Clip duration: 2:52 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
He kupu taka
| aupiki | ascending |
|---|---|
| hāhaka | low |
| ngātahi | work together |
| patu | pace |
| pūoru | sound, piece of music |
| raupapa (-tanga) | sequence |
| roto manawa | emotion |
| tāpirihanga | appendage |
| tū totoka | freeze frame |
| wāhi paparangi | levels of space |
| whakahihiko | sharpen |
| whakamahine | refine |
| whakaniko | enhance |
| whakatauritenga kounga | contrasting quality |
He horopaki ako
Ngā putanga ako
- Te mahi ā-rōpū ki te whakarite i tētahi raupapatanga kanikani me te whakamahi taonga hei whakaniko ake i te kaupapa.
- Te tūhura i ētahi nekehanga e kitea ai ngā āhuatanga ake o te wāhine me ngā āhuatanga ake o te tāne.
- Te whakaatu i te kaupapa ki ētahi atu, kātahi ka whakamārama i ngā nekehanga me ngā roto manawa o te kanikani.
Kua whakamātau ngā ākonga i ēnei huānga ki roto i ngā horopaki huhua, arā, te:
- tae
- āhua
- mokowā.
E toru ngā tikanga toi o tēnei mahi
Ko te matapaki a te pouako me ngā ākonga i ngā āhuatanga ake o te wahine, o te tāne rānei. Ka kōrero i ētahi kupu e whakaatu ana i ēnei rerekētanga, kātahi ka whakarite nekehanga hei whakaatu i ēnei āhuatanga.
He mea hou ki ngā ākonga te whakamahi taonga i te wā e kanikani ana. Nō reira, he maha ngā whakamahinga i ngā taonga hei tikanga motuhake mō te kanikani, kaua hei tāpirihanga noa iho.
Ka tīpakohia e te pouako ngā pūoru e hāngai ana hei āwhina i ngā ākonga ki te whakarite i ā rātou ake nekehanga.
Ki hea i nāianei?
- Ka whakamahine i ngā nekenekehanga kia pai ake ai te whakaaturanga.
- Kia whānui ake te titiro ki ngā āhuatanga a te wahine me ngā āhuatanga a te tāne i roto i ngā kanikani.
- Kia hihiko ake te whakaaturanga e pā ana ki te kakapatanga ā-wāhi.
- Ka tū ki mua i te hunga mātakitaki ki te whakaatu atu i ngā nekenekehanga.
He hononga ki ngā toi
Toi Ataata
Ko te tā whakairo mō te hue.
Toi puoro
Ko te whakamahi i te poi me te hue hei whakarite i ngā patu paparangi.
He akoranga kē atu
Hauora
Manaakitanga – Te atawhai me te manaaki.
Pūtaiao
Ō Ahupūngao – Ko te tūhura pūoru mā te whakatangi i te hue hauwhā te kī, haurua te kī, toru hauwhā te kī.
He rauemi
Ngā Toi online: Ngā Mahi a Te Rēhia. Te Kete Ipurangi. www.tki.org.nz/r/arts/ngatoi/nga_mahi/index_e.php
Kei reira te wāhanga hei tautoko, hei whakawhānui i Ngā Mahi a Te Rēhia.
Putanga tā o tēnei tauaromahi (PDF, 971KB)
 |
 |