He whakataki

He tāngata auaha mārika te iwi Māori, ahakoa tēhea wāhanga toi ka pā i te ringa Māori, ka whai taumata ki roto. Ka whakaaturia tēnei tauaromahi i te koi o te taringa, te karu, me te hinengaro. Ka whakaraupapahia e te ākonga ngā momo puoro kia hanga i tētahi waiata reka ki ōna taringa. Ka whakamahi i ngā huānga e toru, arā, ko te manawataki, te ūngeri, me te tatangi.

Ki runga

Ngā hononga ki te tāhū

Tūhura	Ka whakamātautau i ngā tūmomo puoro	Kōeke 2
Mahi	Ka whakamahi i ngā huihuinga taonga whakatangitangi	Kōeke 3
Mahi	Ka hanga i tētahi puoro auaha noa	Kōeke 3
Maioha	Ka whakaatu i te kare ā-roto mō ngā mahi puoro	Kōeke 1

Tā tēnei mahi e whakaatu ana

• Ka tūhura te ākonga i tētahi taonga puoro me ngā oro o taua taonga.
• Ka māhorahora tana whai puoro.
• Ka whakatauira te pouako i te tito waiata, puoro rānei.
• Ka mahi ngātahi ngā ākonga ki te whakarite puoro auaha.
• Ka whakamahi tētahi ākonga i ngā huinga puoro kia puta ai tētahi waiata, puoro māmā.

Tauira 1: Te tiaki taonga Ka whakamārama te pouako i āna tohutohu ki ngā ākonga. He tauira tēnei kia tika te tiaki i ngā taputapu me te tangata, arā, kia noho haumaru ai te tangata. Kātahi ka kōwhiri ngā ākonga i tētahi taonga whakatangitangi.
	Help with QuickTime and viewing options
Clip duration: 1:31
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 2: Te mahi oro Ka tūhura ngā ākonga i ā rātou ake taonga puoro hei hanga i ngā momo oro rerekē, ā, kia rongo te katoa i te oro mai i te huihuinga taonga.
	Help with QuickTime and viewing options
Clip duration: 0:31
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 3: He tauira tito pūoro Ka whakatauira te pouako e pēhea ana te tito puoro. Ka huri haere te pouako ki muri i ngā ākonga. Ka pā tōna ringa ki te pokohiwi o te ākonga e mau ana i te taonga e hiahia ana te kaiako kia whakatangihia. Ka haere tonu tēnei mahi, ā, ka whakaraupapa te pouako i ngā momo oro mō te tito waiata reka ki ōna taringa.
	Help with QuickTime and viewing options
Clip duration: 1:03
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 4: Kei a hōri te mana tito Ka hoatu te mana whakahaere ki tētahi ākonga, māna e whakarite te āhua o te waiata.
	Help with QuickTime and viewing options
Clip duration: 1:22
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

He kupu taka

auaha	creative
māhorahora	spontaneity

Ki runga

He horopaki ako

Ngā putanga ako

• Ko te tūhura i ngā oro mai i ngā momo taonga whakatangitangi ā-tauiwi.
• Te whakaraupapa oro kia puta mai he waiata/puoro māmā.
• Te whakaatu i te taha ngākau, taha wairua auaha ki roto i āna mahi.

Kua whakamātautau ngā ākonga i ēnei huānga ki roto i ngā horopaki huhua, arā, te:

• manawataki
• ūngeri
• oro
• reo.

E rua ngā tikanga toi o tēnei mahi

Ka arahina te rōpū kia kotahi te oro ka rongo mai i ia ākonga ia wā, ā, kia ōrite taua oro. Ka whakaaro te ākonga ko tēhea o ngā oro pai hei whakatutuki i tōna hiahia, ā, ka whakaraupapahia ēnei oro ki roto i tōna hinengaro.

Ka waiho mā te ākonga hei kawe, hei tito, hei whakarite i tāna ake mahi puoro. Waiho māna e whakamātautau ngā rautaki me ngā tukanga e puta ai he puoro reka.

Ki runga

Ki hea i nāianei?

• Hopukia ngā waiata i runga rīpene, ka mutu ka whakarongo, ka arotake, ka arohaehae i ngā putanga.
• Ka whakaniko ake i te puoro ki ngā huānga puoro, pēnei i te tātangi, te tangiata, te tetere o te manawataki, me te hoihoi o te reo puoro.
• Kohikohia ngā rawa mai i te taiao hei taonga whakatangitangi.
• Tāpirihia te reo tangata.

Ki runga

He hononga ki ngā toi

Toi Ataata

Ka whakamātautau i ngā rawa maha hei mahi taonga puoro.

Ngā mahi a te rēhia

Me waihanga tētahi kanikani hei reo ā-tinana mō te puoro kua whakaritea.

Ki runga

He akoranga kē atu

Te reo Māori

Ka tuhituhi i tētahi whakaari e pā ana ki te tito puoro.

Pūtaiao

Whakamātauria ngā rawa maha kia kitea ko tēhea te mea pai ake mō te tumutumu.

Ki runga

He rauemi

Ngā Toi online: Toi Puoro. Te Kete Ipurangi. www.tki.org.nz/r/arts/ngatoi/toi_puoro/index_e.php
Kei reira te wāhanga hei tautoko, hei whakawhānui i ngā mahi Toi Puoro.

TKI Mātauranga Māori

Putanga tā o tēnei tauaromahi (PDF, 910KB)

Ki runga