He whakataki

I te wā e whakaputa ana i te auahatanga ehara ko te mahi te mea nui, engari, ko te āhua kē o te mahi. Ko te whāinga o tēnei tauaromahi ko te whakaihiihi i ngā ākonga kia whakaaro auaha, kia kitea atu ai te hōhonutanga kei ngā kōiriiri. Ko tētahi āhuatanga hei whakaihiihi whakaaro ko te whakamahi i ngā huānga o te hanganga, o te mānu, o te rere, me te tīwherawhera. Kei tēnei tauaromahi ka kitea ngā ākonga e whakamahi ana i ō rātou tinana me te whakaahua i ngā huānga o te hanganga, o te rere kia tū ake ai ko Te Maunga a Aoraki.

Ki runga

Ngā hononga ki te tāhū

Mahi	Ka whakaatu ariā pohewa mā te tinana	Kōeke 2
Mahi	Ka whakamahi i ētahi tūmomo nekehanga	Kōeke 3
Tūhura	Ka tūhura i te hononga ā-tinana, ā-waha, mō ngā tūmomo whakaaturanga	Kōeke 2
Maioha	Ka whakamahi kare-ā-roto ki tētahi mahi whakaari	Kōeke 2

Tā tēnei mahi e whakaatu ana

• Ko te kōrero anō a te ākonga mō te paki o Te Waka a Aoraki.
• Ko te waihanga āhua kia tū totoka.
• Ko ngā nekehanga auahatanga.
• Ko te whakataruna auahatanga.
• Ko te whakamahinga i ngā huānga hanganga.

Tauira 1: Te pakiwaitara Ko te kōrero anō a te ākonga i te paki o Te Waka a Aoraki i āna ake kupu.
	Help with QuickTime and viewing options
Clip duration: 2:15
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 2: Tū whakapakoko Ko te waihanga āhua kia tū totoka.
	Help with QuickTime and viewing options
Clip duration: 1:17
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 3: Nekehanga auahatanga Ko ngā nekehanga auahatanga – he hīkoi i roto i te paru koharu.
	Help with QuickTime and viewing options
Clip duration: 0:37
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 4: He rau Ko te whakataruna auahatanga – he rau e rere ana i roto i te hau. Kei te whakaatu i ngā rere o te rau i roto i te hau angiangi, i roto i te hau tūpuhi.
	Help with QuickTime and viewing options
Clip duration: 0:58
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 5: Te hanga maunga Kua kitea te whakamahinga i ngā huānga hanganga, mānu, rere me te tīwherawhera kia oti ai Te Maunga a Aoraki.
	Help with QuickTime and viewing options
Clip duration: 1:03
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

He kupu taka

angiangi	breeze
hanganga	mould
nekehanga auahatanga	creative movement
papa puoro	soundscape
pohewa	imaginative
tīwherawhera	radiate
tūpuhi	gale
whakapakoko	statue
whakataruna	pretend

Ki runga

He horopaki ako

Ngā putanga ako

• Te matapaki me te whakaputa whakaaro mai i ō rātou ake wheako.
• Te whakaatu i roto i ngā nekehanga maha i tō rātou mōhio ki ngā āhuatanga o te taiao, kātahi ka whakahāngai i ngā nekehanga ki ngā taiao rerekē.
• Te whakaari i ētahi huānga o ngā mahi a Te Rēhia, arā, te nekeneke.

Kua whakamātautau ngā ākonga i ēnei huānga ki roto i ngā horopaki huhua, arā, te:

• nekehanga
• wāhi
• āhua.

E whā ngā tikanga toi o tēnei mahi

Ko te huarahi e whai ana i tētahi whakawhitinga mai i tētahi āhua ki āhua kē, mā te whakamahi auaha i te reo, i ngā ringa, i te tinana kia nikoniko ake ai te ako haere a te ākonga.

Ko te kōrero anō a te ākonga i te paki o Te Waka o Aoraki ki āna ake kupu. Nā tēnei, kua mōhio te pouako me pēhea te ārahi haere i ngā matapaki kia pai ai te whakataruna a ngā ākonga i ētahi wāhanga o te paki. Ko te waihanga āhua kia tū whakapakoko.

Kei te whakamahi te kaiwaihanga i ana ringa ki te waihanga haere i te kanohi. Kei te neke i ngā wāhanga o te kanohi kia hāngai ki te āhua e whakaaro ana ia. He hīkoi i roto i te paru koharu. E whakaatu ana i te āta nekehanga me te aro ake ki ngā tino taipitopito o ngā momo nekeneke. Ko tā ngā ākonga he kōrero ka aha i mua i te hīkoi, kātahi ka whakaatu ai.

Kua mau katoa i ngā ākonga ngā nekehanga auaha, kātahi ka mahi ā-rōpū ki te hanga i te maunga o Aoraki.

Ki runga

Ki hea i nāianei?

• Ko te whakarite i tētahi papa puoro mā te whakamahi i ētahi rawa mai i te taiao hei whakapiri atu ki te hanganga o te maunga o Aoraki.
• Ko te whakamahi i ētahi tākaro hei whakawhanake ake i ngā whakaaro auaha e pā ana ki ngā huānga o te hanganga, o te mānu, o te rere me te tīwherawhera.

Ki runga

He hononga ki ngā toi

Toi puoro

He tuhi i tētahi waiata mō te akomanga e pā ana ki te whakaaturanga matua o te wā.

Toi Ataata

He whakarite, he hanga i ētahi rākau whakarākei mō te whakaaturanga, arā, ngā hoe mō te waka.

Ki runga

He akoranga kē atu

Hangarau

Ka hanga hoe mā te pepa poka hei taputapu mō te whakaaturanga.

Pūtaiao

Ka whakamātautau i te maunu me te totohu (harakeke, poti).

Ki runga

He rauemi

Ngā Toi online: Ngā Mahia Te Rēhita. Te Kete Ipurangi. www.tki.org.nz/r/arts/ngatoi/nga_mahi/index_e.php
Kei reira te wāhanga hei tautoko, hei whakawhānui i ngā mahi Toi Puoro.

TKI Mātauranga Māori

Putanga tā o tēnei tauaromahi (PDF, 1.13MB)

Ki runga