He whakataki

Kua tae ki te wā o te hōtoke, te wā ka pipiri ngā tāngata kia mahana ai, ā, ko tēnei te wā mō te whakamātautau i ngā karakia, i ngā waiata, i ngā kōrero, me ngā pūrākau o te iwi me te hapū. Ko tētahi o ngā taonga hei kawe i tēnei mahi ko te taonga puoro.

Ki runga

Ngā hononga ki te tāhū

Tūhura	Ka tautuhi i ngā tīnitanga o ngā huānga maha (oro/reo)	Kōeke 2
Mahi	Ka tito waiata māmā	Kōeke 2
Mahi	Ka hanga i tētahi puoro auaha noa	Kōeke 3
Mōhiotanga	Ka whakaatu i ngā huānga puoro (oro/reo)	Kōeke 2

Tā tēnei mahi e whakaatu ana

• Ka tūhuratia e te ākonga tētahi taonga puoro Māori, taonga whakatangitangi Māori rānei.
• Ka māhorahora tana whai puoro.
• Ka tūhura i ngā huānga e rua, ko te oro me te reo.
• Ka titoa e te ākonga tētahi rangi māmā.
• Ka whakamāramatia e te ākonga te kaupapa o tana waiata.

Tauira 1: Ko te tikanga o te taonga Ka kōrerotia e ngā ākonga te tikanga o te hue pongāihu, te hue puru hau rānei, me tōna take.
	Help with QuickTime and viewing options
Clip duration: 1:12
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 2: Ko te hanga taonga Ka whakaaturia e ngā ākonga e pēhea ana te hanga i ngā wāhanga o te taonga puoro ki te uku, arā, ko te waha, te kōhao, te puku.
	Help with QuickTime and viewing options
Clip duration: 0:40
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 3: Te whai oro He rerekē te oro i te reo. Ka tīmata a Te Nīwai ki te tūhura i ngā momo oro mai i tana taonga puoro. Mā te whakamātautau i ngā pūkenga pupuhi hau ka taea e ia te whai oro mai i tana taonga.
	Help with QuickTime and viewing options
Clip duration: 0:22
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

Tauira 4: Te whai reo me te tito waiata Kua whakamātautau a Te Ahikāroa i tana taonga puoro, ā, ka tīmatahia e ia te whai reo mai i te taonga. Kātahi ka titoa e ia tētahi rangi māmā hei kawe i ōna whakaaro.
	Help with QuickTime and viewing options
Clip duration: 1:16
Select the viewing option that best suits the speed of your Internet connection:
Download	28Kps (audio) | 56Kps | 128Kps | 256Kps
If you have a slow, or dial-up, connection, select the 56Kps option.

He kupu taka

inanga	bamboo
tāwhaowhao	driftwood

Ki runga

He horopaki ako

Ngā putanga ako

• Ko te hanga i tētahi taonga puoro whakatangitangi.
• Ka whakaatu e te ākonga te rerekētanga o te whai oro me te whai reo.
• Ko te hanga rangi me te tito waiata hei kawe i tētahi kaupapa matua.

Ka whakamātautau ngā ākonga i ēnei huānga ki roto i ngā horopaki huhua, arā, te:

• reo
• oro
• hā.

E toru ngā tikanga toi o tēnei mahi

Ka tīmata te ākonga ki te hanga i tāna ake taonga puoro ki te uku.

Ka whakaaturia e te pouako te pūkenga pupuhi hau, kia whai oro te taonga whakatangitangi. Ka āta mātaki ngā ākonga kia mau tika ai te āhua o ngā ngutu, o te waha, me te pupuhi nei o te hau ki roto i te taonga puoro. Ka tūhura te ākonga i tāna ake taonga whakatangitangi kia whai oro. Ka tutuki te tūhuratanga me te whai oro ka whakamātautau te ākonga i tōna taonga puoro kia whai reo.

Ko te tikanga ka taea e te ākonga te whai reo ia wā, e kore e tapepe, e kore e whati. Mā tērā ka ea te kaupapa whakatangitangi puoro, ā, e āhei ana te ākonga ki te tito waiata whānui, hōhonu rānei.

Ki runga

Ki hea i nāianei?

• Me matatau te ākonga ki te whakatangi i tana taonga puoro ia wā, ia wā, kia tau tika te tohungatanga o te whakatangitangi puoro.
• Ka mahi takirua ki te tito i te rangi me ngā kupu o tētahi waiata auaha. Me titiro te pouako ki ngā huānga (Whārangi 11), me ngā whāinga mai i te kōeke 3–4 o te marautanga o Ngā Toi.
• Me rangahau te takenga mai o tētahi taonga puoro a te Māori, ā, kia whai i te hononga ki ngā taonga o ahurea kē.

Ki runga

He hononga ki ngā toi

Toi Ataata

Ka waihanga i tētahi hue ki te poihau me te pepa poka, ka waituhi tohu puoro ki runga.

Ngā Mahi a Te Rēhia

Whakamahia te hue hei reo whakataki mō tētahi kanikani.

Ki runga

He akoranga kē atu

Pūtaiao

Ka rangahaua te āhuatanga o te whakatipu hue hei taonga whakatangitangi mō te kura.

Tikanga ā-iwi

Tirohia ngā take o te hue ki roto i ngā iwi o Aotearoa whānui.

Ki runga

He rauemi

Ngā Toi online: Toi Puoro. Te Kete Ipurangi. www.tki.org.nz/r/arts/ngatoi/toi_puoro/index_e.php
Kei reira te wāhanga hei tautoko, hei whakawhānui i ngā mahi Toi Puoro.

TKI Mātauranga Māori

Putanga tā o tēnei tauaromahi (PDF, 902KB)

Ki runga