| Ngā Tauaromahi Marautanga o Aotearoa |  |
 |
 |
|
 |
Ngā Toi |
 |
|
Toi PuoroWhakapaparanga Ūngeri |
Whenu: Tūhura Mahi Mōhiotanga Maioha
|
He whakataki
Huri ki hea, huri ki hea e karapotihia ana tātou e te ūngeri maha mai i te Aitanga a Tāne, te Aitanga a Pēpeke, te Aitanga a Tangaroa, te Aitanga a Tāwhirimātea me te Aitanga a Tiki. Ko te nuinga o ngā ūngeri e rangona ana i te rangi i te taki kūhikuhiku. Kei tēnei o ngā tauaromahi ka tūhura ngā ākonga i ngā ūngeri taki ōrite haere me ngā ūngeri taki kūhikuhiku. Kātahi ka hanga ai i ā rātou ake ūngeri. Ko te tino arongatahi ko te whakamahi i ngā taputapu hei whakaniko ake i tētahi waiata. Ko te waiata i tohua mō tēnei tauaromahi ko “Tīhore Mai Te Rangi” nā Hirini Melbourne.
Ko ngā tauira.
Ngā hononga ki te tāhū
| Tūhura | Ka tūhura i ngā horopaki huhua mō tētahi tūmomo puoro | Kōeke 4 |
|---|---|---|
| Mahi | Ka whakamahi huānga hei whakapaparanga waiata Māori | Kōeke 4 |
| Mahi | Ka mahi ngātahi kia tutuki tētahi mahi puoro | Kōeke 3 |
| Mōhiotanga | Ka whakamōhio i te whakaritenga puoro | Kōeke 4 |
Tā tēnei mahi e whakaatu ana
- He whakamātautau i ngā taki māmā, ka whakamahia te tinana.
- He whakamahi taputapu hei tūhura i te manawataki me te ūngeri.
- He whakapaparanga ūngeri reo waiata, ūngeri reo taputapu.
- He waiata ngātahi.
Tauira 1: Ko te tauira oroKo te tauira oro, ko te whai haere hei whakamāhanahana. |
|
 |
|
| Clip duration: 0:44 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 2: Ētahi tauira ūngeriKo te whakamāhanahana mā te whakamahi i ētahi tauira ūngeri. He mahi ā-rōpū, arā, e papaki ana kia hāngai, kia kūhikuhiku hoki ki te ūngeri. |
|
 |
|
| Clip duration: 0:19 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 3: Hanga tauira ūngeri rerekēKo te hanga i ētahi tauira ūngeri rerekē ki te poi, te rākau me te kōhatu. Nā te tūhura i ētahi momo ūngeri ka tohua e te rōpū he rākau hei hanga, hei whakamahi i ētahi tauira ūngeri maha. |
|
 |
|
| Clip duration: 0:35 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 4: Ko te whakapaparanga ūngeriKei te mātakitaki, kei te whakarongo ki ētahi o ngā whakaaturanga. Kātahi ka arotake me pēhea e pai ake ai, e whānui ake ai ngā hanganga ūngeri. |
|
 |
|
| Clip duration: 0:40 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
Tauira 5: Ko te whakapaparanga ūngeriKo te whakamahi i ngā taputapu o te taiao, hei whakaatu i tētahi whakapaparanga ūngeri. |
|
 |
|
| Clip duration: 1:12 | |
| Select the viewing option that best suits the speed of your Internet connection: | |
| Download | 28Kps (audio) | 56Kps | 128Kps | 256Kps |
| If you have a slow, or dial-up, connection, select the 56Kps option. | |
He kupu taka
| paparanga oro | layered sound |
|---|---|
| karapoti (-hia) | surround |
| kūhikuhiku | irregular |
| taki ōrite haere | pace |
| ūngeri maha | multi rhythms |
He horopaki ako
Ngā putanga ako
- Ka matapaki, ka whakawhiti whakaaro e pā ana ki te whakarerekē ūngeri kia nikoniko ake ai ngā tauira ūngeri mā te whakamahi i ngā taputapu o te taiao.
- Ka whakaatu i tō rātou mārama ki ngā ūngeri rite tonu mā ngā whakawaiwai kūhikuhiku maha.
- Ka whakaatu i tō rātou mōhio ki ētahi huānga puoro pēnei i te paparanga oro mai i te iti ki te maha, te tangi kaha ki te tangi ngāwari, me te taki haere.
Kua whakamātautau ngā ākonga i ēnei huānga ki roto i ngā horopaki huhua, arā, te:
- oro
- reo
- hā.
E toru ngā tikanga toi o tēnei mahi
Kei te hanga te pouako i tētahi ūngeri rerekē mā te whakamahi i ngā huānga o te reo, arā, te piki, te heke, te hōhonu, te tīkākā, te tere, te āta haere.
Ka papaki ā-toru, ka papaki maha ki te ūngeri patu whā. He rerekē te tīmatanga a tēnā rōpū, a tēnā rōpū. Ko tā te rōpū tuatahi he whai i te patu matua. Ko te rōpū tuarua ko te ūngeri kūhikuhiku. Ko te rōpū tuatoru ka tīmata i te ūngeri patu toru. Ko te rōpū tuawhā, ka tīmata i te ūngeri patu maha.
Kua mau te waiata “Tīhore Mai Te Rangi”, ā, ka whakaatu te rōpū i ētahi momo whakapaparanga ki te poi, ki te rākau me te kōhatu, hei whakaniko ake i te whakaaturanga ki tētahi rōpū.
Ki hea i nāianei?
- Ka whakapaparanga, ka whakawhānui ake i ngā tauira ūngeri maha hei tūhono ki ētahi atu waiata.
- Ka tūhura, ka hanga i ētahi tauira ūngeri maha i tōna ake horopaki arā, te Aitanga a Tāne, ngā manu.
- Ka tautuhi, ka whakarite i ētahi tauira ūngeri mā te whakamahi i ngā taputapu rorohiko, ngā taputapu hiko hei whakanikoniko ake i ētahi waiata rerekē rawa atu, arā, ngā waiata o whenua kē.
He hononga ki ngā toi
Ngā mahi a te rēhia
Tuhia tētahi whakaari poto ka kōwhiri ai i ngā momo taputapu hei whakamahi i ngā oro ki ngā wāhanga e tika ana.
Toi Ataata
Whakatakotoria ngā momo tae mā te piakano kia whai i te ūngeri i te waiata.
He akoranga kē atu
Pūtaiao
Ka tūhura i te haumaru me te haumarangai.
Tikanga ā-iwi
Ka whakataurite i te ūngeri Māori me te ūngeri ā-ahurea kē.
He rauemi
Ngā Toi online: Toi Puoro. Te Kete Ipurangi. www.tki.org.nz/r/arts/ngatoi/toi_puoro/index_e.php
Kei reira te wāhanga hei tautoko, hei whakawhānui i ngā mahi Toi Puoro.
Putanga tā o tēnei tauaromahi (PDF, 980KB)
 |
 |