He whakataki

Ka haere tēnei kaupapa i te roanga atu o tētahi wiki – e whā ngā ngohe. I ahu mai ētahi o ngā ngohe i te pae tukutuku www.nzmaths.co.nz. Kei te tau kura-tuatahi ngā ākonga

Ngā ariā matua

• Ka wehea te rā ki ōna wāhanga pērā i te ata, te ahiahi me te pō.
• Ka raupapahia ā tātou mahi i te roanga atu o tētahi wā.
• Ka whakamahia te karaka hei ine i te wā, ko te hāora me te meneti ngā waeine matua.
• He mātauranga tēnei hei āwhina i te tamaiti ki te whai wāhi atu ki ngā mahi katoa o ia rā i waenga i tōna whānau me te hapori.

Ki runga

Te reo o te ākonga

Nā te pouako i tuhi ētahi o ngā kōrero a te ākonga ki raro i āna pikitia. E whakamahi ana tēnei ākonga i te kupu mātāmua hei whakaahua i te tangata pakeke rawa.

He autaia tonu te rerenga kōrero "he makawe mā ōna" mō tētahi tamaiti e rima tau te pakeke.

He kupu taka

matawā	watch
waeine matua	standard unit of measurement
takanga o te wā	passage of time

Ki runga

Ngā hononga ki te marautanga

Pāngarau i roto i te Marautanga o Aotearoa

Tāhū/Maherehere: Te Ine, Te Wā
Te Whāriki 'Taumata Mana Reo', wh. 36, (Whāinga 3.1 wh. 78)

Te whāinga paetae

Te Ine: Taumata 1

Te whakapakari orotau ki ngā āhuatanga o te wā, te pāpātanga me te whiti
I roto i ngā horopaki whai tikanga, me mōhio te ākonga:

1.6	ki te pānui i ngā tohu whakaatu i te takanga o te wā, tae atu ki ngā rā o te wiki, me ngā kōrero mō te rerenga o Tama-nui-te-rā (me mōhio ki te pānui i ngā hāora me ngā haurua o te matawā).

Pāngarau i roto i te Marautanga o Aotearoa, wh. 40

Ngā putanga ako

Kia mōhio te ākonga:

• ki te raupapa i ngā wāhanga o te rā
• ki te whakaputa whakaaro e pā ana ki te roa o te wā.

Ngā tukanga pāngarau

Kia mōhio te ākonga:

• ki te whakamāori whakamōhiotanga, otinga rānei i runga anō i te āhua o te horopaki (WA-3)
• ki te whakarite, ki te whai i tētahi raupapa tohutohu hei whakatutuki mahi pāngarau (WP-2).

He kaupapa ako

Te haere o te wā

He akoranga kē atu

• Ko ngā kaupeka o te tau.
• Me whakarite tētahi haerenga, arā, ngā wā me ngā mahi ka oti i taua haerenga.

Ki runga

He rauemi

http://www.nzmaths.co.nz/measurement/index.aspx

Ministry of Education (1996). Te Whāriki: He Whāriki Mātauranga mō ngā Mokopuna o Aotearoa Early Childhood Curriculum. Te Whanganui-a-Tara: Te Pou Taki Kōrero.

Te Tāhuhu o te Mātauranga (1996). Pāngarau i roto i te Marautanga o Aotearoa. Te Whanganui-a-Tara: Te Pou Taki Kōrero.

TKI Mātauranga Māori

Putanga tā o tēnei tauaromahi (PDF, 332kb)

Ki runga