He whakataki

Koinei te akoranga tuatahi i tukuna ki ēnei ākonga mō te kaupapa Tauanga nei. Nā te pouako tonu i arataki ngā ākonga, ko tā ngā ākonga, he whai i ngā tohutohu. Nā ngā ākonga i ine ō rātou hoto manawa whakatā, me ō rātou hoto manawa i muri i te korikori tinana, kātahi ka tuhi atu ki te kauwhata rau-tō i hangaia e te pouako.

Ngā ariā matua

• Ko ngā raraunga, he kohinga kōrero mō tētahi kaupapa. He maha ngā huarahi rerekē hei whakarōpū, hei whakaatu hoki i ngā raraunga.
• He mātauranga tēnei, he rautaki hoki hei āwhina i te tamaiti ki te whakatakoto kaupapa, ki te whakatau whakaaro, ki te tirotiro hoki i te whaitake o tētahi whakaaro.

Ki runga

Te reo o te ākonga

"Pāpātanga mapu iaia" = hoto manawa. Kāore pea ēnei ākonga i te tino hono i ā rātou kōrero ki ngā mahi i oti i a rātou. Ka whakamahia te 'tere ake', me te 'mea pōturi', kaua ko te 'i mua i te korikori', me 'i muri i te korikori'. "Nuku haere tō tinana" = korikori, he whāiti pea te puna kupu. Kāore he take o te 'haere', i roto i te kōrero, "haere tere ake".

He kupu taka

hoto manawa	heart beat, pulse rate
raraunga tau mōwaho	discrete numeric data
kauwhata rau-tō	stem and leaf graph
kauwhata rau-tō whakahiato	composite stem and leaf graph
tāpaetanga kōrero	assertion
pūāhua	situation
āhuatanga kōhure	distinctive features
mōwaho	outlier
rāpoi	cluster
pāhotanga motuhenga	documentary
tūhuratanga	investigation
whānuitanga, ine whānui	range
inenga wawaenga	measures of central tendency
toharite	mean
tau waenga	median
tau tānui	mode

Ki runga

Ngā hononga ki te marautanga

Pāngarau i roto i te Marautanga o Aotearoa

Tāhū/Māherehere: Te Tauanga, Te Tūhura, Te Whakamāori

Ngā whāinga paetae

Te Tauanga: Taumata 3

Ngā hōpara tauanga
I roto i ngā horopaki whai tikanga, me mōhio te ākonga:

3.1	ki te whakarite hōpara tauanga e āta kitea mai ai te tika, te hē rānei o tētahi tāpaetanga kōrero e pā ana ki tētahi pūāhua
3.2	ki te kohikohi, ki te whakaatu raraunga tau mōwaho ki te kauwhata rau-tō kauwhata ira, kauwhata tāhei kē rānei.

Pāngarau i roto i te Marautanga o Aotearoa, wh. 132

Ngā putanga ako

Kia mōhio te ākonga:

• ki te whakaatu raraunga ki te kauwhata rau-tō whakahiato
• ki te ine i te hoto o te manawa.

Ngā tukanga pāngarau

Kia mōhio te ākonga:

• ki te whakatakoto pātai hei torotoro-ā-pāngarau (WR-1)
• ki te whakamāori whakamōhiotanga, otinga rānei i runga anō i te āhua o te horopaki (WA-3)
• ki te tuhi, ki te whakaputa whakaaro ki ngā otinga o tētahi torotoronga pāngarau (WP-3)
• ki te matapaki, ki te whakatakoto pūrongo e mārama ai te kitea atu o ngā otinga o tētahi torotoronga pāngarau (WP-4).

He kaupapa ako

Hākinakina
Mahi a Te Rēhia

He akoranga kē atu

• E hia ngā whakahā o te ākonga i te meneti kotahi, i mua, i muri hoki i te korikori tinana.
• E hia te roa o ngā momo pāhotanga (hei tauira: pāhotanga reo Māori; pāhotanga reo Ingarihi; pānui hokohoko; pāhotanga whakakata; pāhotanga motuhenga ...).
• Whakaaturia ngā kaute o ngā kēmu katoa a tētahi tīma me ngā kaute o te hoariri ki tētahi kauwhata rau-tō whakahiato.

Ki runga

He rauemi

Te Tāhuhu o te Mātauranga (1998). He Rauemi Pāngarau. Tauanga. Tā te Ākonga Pukapuka. Te Whanganui-a-Tara: Te Pou Taki Kōrero.

Te Tāhuhu o te Mātauranga (1996). Pāngarau i roto i te Marautanga o Aotearoa. Te Whanganui-a-Tara: Te Pou Taki Kōrero.

TKI Mātauranga Māori

Putanga tā o tēnei tauaromahi (PDF, 407kb)

Ki runga