 |
 |
 |
 |
|
 |
Te Reo Māori |
 |
|
Tuhituhi: He RetaKorirā |
 |
He whakataki
Ko te tīmatanga tēnei o te kaituhi i te kura. Ia rā ko te mahi a ēnei tamariki he tuhituhi, ā, kitea atu Ko te tīmatanga tēnei o te tau rima o tēnei ākonga. Kua taunga haere te nuinga o ngā ākonga ki tēnei momo tuhituhi, otirā ki te tuhinga pono, arā, te tuhi reta. Koinei te wā tuatahi i tuhituhi ai tēnei rōpū i tētahi reta ōkawa, waihoki, he reta tohu i tētahi mamae. He hononga tēnei tuhinga ki te kaupapa o te wā arā, 'Ngā kaiāwhina o te hapori'. Nō reira, i muri i tētahi mahi whakarongo ka whakaritea e te pouako kia tuhi ngā ākonga ki te rōpū SPCA mō tētahi āhuatanga i puta ake i roto i te mahi whakarongo. I whai tonu te pouako i te huarahi ki te:
- āta whakamahere i ō rātou whakaaro
- ohia manomano
- whakakōwae haere i ngā whakaaro
- āta whakarārangi i ā rātou kupu hei kawe haere i te kaupapa
- arohaehae reta, he reta tono mōhio, tono utu, tono hoa, whakangahau, whakaatu, pūrongo, whakatau, whakahoa pākiwaha, uiui, mihi rānei.
Nō muri i tēnei ka tuhi ngā ākonga i tā rātou tuhi tuatahi. Tata ki te toru rangi e mahi ana i tēnei kaupapa.
He matapaki
Whiringa tuatahi
| Pouako: | He aha te tino reo kōrero ki tētahi kaimahi tari? Me pēhea ia e kite ai i tāu i kite ai? |
|---|---|
| Ākonga: | Kia mōhio mai te kaimahi ko wai ahau, nō hea ahau. |
| Pouako: | Ki whea tērā wāhanga? Me pēhea te whakahāngai i ngā whakaaro ki te tuhinga? |
| Ākonga: | He pai noa iho ki te whakaputa i taku riri. |
| Pouako: | āna, kia tino mōhio mai te kaipānui i tō tino takune he aha ō kupu kī? |
| Ākonga: | Ka whakaatu ahau ki te kōtiro kei te tuhi pūrongo ahau ki te SPCA. |
| Pouako: | He aha te whāinga o tō pūrongo? |
| Ākonga: | Ko te mahi i kite ai ahau. Ko tērā taku kōrero. |
Ngā hononga ki te marautanga
Te Reo Māori i roto i te Marautanga o Aotearoa
Te whāinga paetae
Tuhituhi: Kōeke 3
Me mārama, me whai hua tā te ākonga, tāna tuhi i ngā momo tuhinga huhua noa.
Te Reo Māori i roto i te Marautanga o Aotearoa, wh. 45
Ngā pūkenga
- Ko te āta whakaraupapa i ngā whakaaro, i ngā whakamārama me ngā tohutohu.
- Ko te whakamahi i te whānuitanga o te kupu kia taea ai ngā momo tuhinga huhua noa.
- Ko te whakamahi i ngā tikanga tuhituhi pēnei i te kōwae, i te tohu tuhituhi, i te ūpoko.
Te Reo Māori i roto i te Marautanga o Aotearoa, wh. 86
He hononga pānui me te tuhituhi
I mua i te tuhituhi a ngā ākonga e tika ana kia rangahau rātou i ngā rauemi e hāngai ana ki tēnei momo tuhinga. Heoi, nā te tino pitopito o ēnei tuhinga i roto i te reo Māori, ka haere ki te reo o tauiwi rapu ai i ētahi tuhinga reta. Kāre anō kia uru he tauira reta ki ngā pukapuka a Te Tāhuhu o te Mātauranga. Heoi, me whakamāori rā anō, kātahi anō ka pai. Mā te pouako tonu e tuhi, e whakahāngai ētahi tuhinga reta hei tauira mā ngā ākonga. Ko ngā reta hoki o te akomanga hei rauemi.
He rauemi
Te Tāhuhu o te Mātauranga (1996). Te Reo Māori i roto i te Marautanga o Aotearoa. Te Whanganui-a-Tara: Te Pou Taki Kōrero.
Ko ngā reta tonu o te akomanga, o te kura.
Putanga tā o tēnei tauaromahi (PDF, 208kb)
 |
 |