TKI - Assessment: Exemplars: Maori: Tikanga ā Iwi

Ngā Tauaromahi Marautanga o Aotearoa

Tikanga ā-iwi

Ngā Rawa me ngā Mahinga Ohaoha

Ana

Te horopaki ako Ngā hononga ki te marautanga Ki hea i nāianei?

Tā tēnei mahi e whakaatu ana

E whakaatu ana tēnei tuhinga i te pakirehua. Koinei ngā patapatai a Christopher ki a Ana, tētahi o ngā kaimahi i Ngāpukeriki.

Whāinga paetae 1

Ka taea e te ākonga te whakaatu i te take me ngā huarahi e rerekē ai te titiro me te whakamahi a te tangata i te rawa, me te rokohanga o ēnei āhuatanga.

Ki runga

Te arotahi

Te kōwhiri whakarite mō te whakamahi me te whakahaere rawa.

Ngā mōhiotanga

Ka taea e te ākonga te:

whakamārama i ngā kōwhiringa mō ngā rawa i Ngāpukeriki
whakaatu i ētahi o ngā tino mahi a Ana.

Ngā māramatanga

Ko ētahi māramatanga tērā pea ka puta:

ka taea te whakatau kōwhiringa e tiakina ai a Papatūānuku
he mea nui tonu ngā tikanga hei tiaki rawa
mā ēnei kōwhiringa, ka whai wāhi a Papatūānuku ki te tiaki i a tātou te Māori
ina whakatau kōwhiringa te tangata, he mea nui tonu kia āta whakaarotia ngā painga me ngā kore painga o ia kōwhiringa.

Ki runga

Ngā hononga o ngā ariā matua ki te tāhū

1.1 Ngā ariā ā-hapū, ā-iwi, ā-rōpū rānei
- E mārama ana a Christopher ki ngā take e atawhai ai tātou i a Papatūānuku kia ora ai ngā manu, ngā raurēkau me ngā rākau.
1.2 Te whai wàhi atu ki te hapū, ki te iwi, ki te rōpū rānei
- E mōhio ana ia ki ngā take me ngā huarahi hei atawhai i a Papatūānuku hei oranga mō ngā whakatipuranga.
1.3 Ngā mea e hiranga ana
- E whakaatu ana a Christopher i ngā rokohanga ki te tangata, pēnei i te whiwhi mahi.

te rohe o Ngāpukeriki.

Te pakirehua

Te hanga pātai

I whakaritea e Christopher ētahi pātai mō te āhua o ngā mahi a Ana ki Ngāpukeriki.

Te kohikohi me te whakatakoto mōhiohio

I whakahaerehia tana uiuinga ki a Ana i te tari o Ngā Whenua Rāhui i Ómaio, i hop ukina ngā whakautu mā te mīhini hopu reo.

Te tukatuka mōhiohio

I
whakarongo ia ki ngā whakautu i te mīhini hopu reo me te whakaaro ko ēhea ngā kōrero tika hei tuhinga māna.

(Kua whakaatu mā te pikitia.)

Te whakatau kōrero whānui

Nāna i whakatau he tino mahi te mahi a Ana hei atawhai i a Papatūānuku.

Te whakawhiti kitenga

I whakarārangihia e ia ngā pātai, i tuhia e ia ngā whakautu a Ana ki raro i ngā pātai.

He kupu taka

ahurea	culture
a kō ake nei	soon
arotahi	focus
atawhai	conserve
kipakipa	motivate
kirimana	contract
kōawa	creek, stream
kōmāmā	polystyrene
kōwhiringa	decisions
manawapou	life-blood
orotā	pests
paihana = paitini	poison
pakirehua	inquiry
puihi = ngahere	bush
raurēkau	vegetation
rokohanga	consequences
tiketike	high, lofty
tōtoru	tripled
toutouwai	rifleman
tumatumatanga	challenges
whakatau kōwhiringa	make decisions
uauatanga	difficulties
uiuinga	interview

Ki runga

Te horopaki ako

Ko tā te pouako, he whakatō ki roto i ngā ākonga ngā kōrero, ngā tikanga, me te ahurea o kui mā, o koro mā, te manawapou o te Māori.

I hiahia tēnei pouako kia tūhuratia e tētahi o ngā ākonga te tūranga o Ana i Ngāpukeriki kia mōhio ai ia he aha te mahi a Ana i reira. Mā te kohikohi mōhiohio, ka mārama te ākonga ki ngā mahi, ngā tikanga me ngā painga ka puta. I tuhia ā rāua pātai ko te pouako hei uiui ki a Ana. Ka hopua ngā whakautu a Ana mā te mīhini hopu reo. Ka whakarārangihia ngā pātai, ka tapiria atu ngā whakautu ki raro. Ka mārama te ākonga ko te tino mahi a Ana ko te atawhai i a Papatūānuku. Mā te paihana i ngā orotā me te ono i ngā tipu hou, ka ora ake ngā tamariki a Tāne.

Ki runga

He matapaki

Pouako:	He aha ētahi o ngā tino mahi a Ana mā?
Ākonga:	He hopu kiore, he hopu paihamu, he whakatipu manu.
Pouako:	He aha ngā hua ka puta ai ki te hapū?
Ākonga:	Ka whai wāhi ngā tāngata o te hapū ki te titiro ki ngā manu whenua.
Pouako:	Mehemea ka kore rātou e mahi i ēnei mahi ka pēhea?
Ākonga:	Ki te kore rātou e mahi i aua mahi ka kore ngā manu me ngā rākau.
Pouako:	Ki ōu whakaaro, he pai ake pea kia riro mā Te Pāpā Atawhai tēnei whenua e whakahaere?
Ākonga:	Kāore nā te mea kei te pai ngā whakahaere a Ana mā i ngā manu me te whenua.