| Ngā Tauaromahi Marautanga o Aotearoa |  |
 |
 |
|
 |
Tikanga ā-iwi |
 |
|
Te Whakaritenga PāporiHe Hui Raupatu |
 |
Tā tēnei mahi e whakaatu ana
E whakaatu ana tēnei tuhinga i te pakirehua. Koinei ngā whakaaro o Te Rina mō ngā kōrero i rongohia me ngā mea i kitea e ia.
Whāinga paetae 1
Ka taea e te ākonga te whakaatu i te whakaritenga o ngā pūnaha Kāwanatanga, me te whakaawenga o ēnei i te oranga o te tangata.
Te arotahi
Te rapu tōkeke pāpori.
Ngā mōhiotanga
Ka taea e te ākonga te:
- whakamārama i te taonga i whakarērea mai a Te Kooti Arikirangi Te Turuki
- whakaatu i te take i hui ai a Ngāti Haka/Patuheuheu ki te Kāwanatanga.
Ngā māramatanga
Ko ētahi māramatanga tērā pea ka puta:
- kei tēnā hapū, kei tēnā iwi ōna ake whakapono
- i ētahi wā, ka taea e ngā hapū me ngā whānau te tū kotahi i runga i te whakaaro kotahi
- he wā anō, ka hua ake ngā taonga tuku iho hei painga mō te hapū, mō te iwi.
Ngā hononga o ngā ariā matua ki te tāhū
-
1.1 Ngā ariā ā-hapū, ā-iwi, ā-rōpū rānei
- E mārama ana a Te Rina ki ngā whakahaerenga a te Rōpū Whakamana o te Tiriti oWaitangi.
- E mārama ana a Te Rina ki ngā whakahaerenga a te Rōpū Whakamana o te Tiriti oWaitangi.
-
1.2 Te whai wāhi atu ki te hapū, ki te iwi, ki te rōpū rānei
- E mōhio ana a Te Rina ka whai wāhi tōna hapū ki te whakaputa i ō rātou tangi, i ō rātou maioha mō ngā whenua i raupatuhia i Waiohau.
- E mōhio ana a Te Rina ka whai wāhi tōna hapū ki te whakaputa i ō rātou tangi, i ō rātou maioha mō ngā whenua i raupatuhia i Waiohau.
-
1.3 Ngā mea e hiranga ana
- E whakaatu ana ngā tuhinga a Te Rina kua rongo ia i ngā tino tangi, i ngā tino mamae o tōna hapū mō ngā whenua i raupatuhia.
- E whakaatu ana ngā tuhinga a Te Rina kua rongo ia i ngā tino tangi, i ngā tino mamae o tōna hapū mō ngā whenua i raupatuhia.
He rīpoata mō te uiui pātai.
Te pakirehua
Te whakaū anga pakirehua
- Nā te pouako, rātou ko ngā ākonga i hanga ōhia manomano, i raupapa haere, i tuhi hoki i ngā take i puta ake. Ka whakarite rātou i ētahi huarahi hei whakatau i tā ngā ākonga e pīrangi ai.
Te kohikohi me te whakatakoto mōhiohio
- I haere a Te Rina mā ki te whakarongo ki ngā kōrero o te hui raupatu. Ia rā i whakawhiti kōrero rātou ko te pouako, ka tīmata ngā tuhinga kōrero. Ka whakahokia ngā tuhinga kōrero ki te kāinga whakatakoto ai, rangahau ai, tuhituhi ai, kia tau ō rātou whakaaro.
Te tukatuka mōhio
- I whakawhiti kōrero a Te Rina ki ōna hoa kura, ki ōna pakeke hoki kia mau ai te hōhonutanga o te kaupapa o te raupatu, arā hoki, ngā tangi me ngā mamae o te hapū me te iwi.
Te whakatatū tūmomo kōrero tika
Kua tino mārama a Te Rina ki ngā hōhonutanga o ngā kōrero pono o tōna hapū, pēnei i Te Houhi me te taonga o Te Umutāoroa.
(Kua whakaatu mā te pikitia.)
Te whakawhiti matatau i ngā kitenga
- I tuhia e Te Rina ētahi whakaaro waitara ki tōna tuhinga roa.
He kupu taka
| ahurea | culture |
|---|---|
| arotahi | focus |
| manako manapori | democratic ideas |
| manawapou | life-blood |
| maioha | deep regards or feelings |
| ōhia manomano | brainstorm |
| pakirehua | inquiry |
| raupatu(-hia, -tia) | confiscated |
| taonga whakarere iho = tuku iho | treasures passed on |
| tōkeke pāpori | social justice |
| whakaaro waitara abstract | thinking |
Te horopaki ako
Ko tā te pouako, he whakatō ki roto i ngā ākonga ngā kōrero, ngā tikanga me te ahurea o kui mā, o koro mā, te manawapou o te Māori.
I hiahia tēnei pouako kia mōhio ngā ākonga ki ētahi o ngā whakaritenga a ngā Kāwanatanga o mua me te awenga o ēnei whakaritenga ki te hapū o Ngāti Haka/Patuheuheu. Ka hui te Rōpū Whakamana i te Tiriti o Waitangi ki Waiohau. I haria ngā ākonga e te pouako ki taua hui, ki reira whakarongo ai, kohikohi kōrero ai. Mā te arotahi o ngā ākonga ki ngā āhuatanga, e taea te whiwhi oranga. Mā te pakirehua, mā te ōhia manomano, ka puta ake ngā take, kātahi ka raupapahia.
I haere tahi ngā ākonga ki te hīkoi i ēnei whenua me te mōhio kua waipuketia a Te Umutāoroa e ngā wai o Te Aniwhenua. I whakawhiti kōrero rātou ko te pouako, ka tīmata ki te tuhituhi. Ka whakahokia ngā tuhinga ki te kāinga kia āta whakatakotohia, kia rangahaua, kia tuhia kia tau ai ngā whakaaro.
I whakawhiti kōrero a Te Rina ki ōna hoa kura, ki tōna whānau, ki tōna kuia kia pūmau tonu a ia ki te hōhonutanga o te kaupapa, te whenua raupatu.
He matapaki
| Pouako: | Ko wai mā i haere mai ki te hui? |
|---|---|
| Ākonga: | Te Rōpū Whakamana i te Tiriti, te Karauna, he hapū o Ngāti Haka/Patuheuheu. I haere mai wētahi o ngā tāngata o te Rohe Pōtae o Tūhoe ki te tautoko i a rātou. |
| Pouako: | He aha te take i haere mai te Rōpū Whakamana i te Tiriti ki te hui? |
| Ākonga: | I haere mai rātou ki te hui nā te hiahia o Ngāti Haka/Patuheuheu kia whakahokia mai te whenua o Te Houhi ki a rātou. |
| Pouako: | Mēnā kāore te Kāwanatanga e aro atu ki a koutou o Ngāti Haka/Patuheuheu, ka pēhea ki a koutou? |
| Ākonga: | Ka whawhai tonu mātou, ngā hapū o Ngāti Haka/ Patuheuheu kia whakahokia mai ō mātou whenua. |
| Pouako: | He aha ōu whakaaro mō tēnei momo hui? |
| Ākonga: | He pai tonu, nā te mea ka whakawhitiwhiti kōrero ngā hapū ki Te Rōpū Whakamana i te Tiriti me te Kāwanatanga, kia rongo ai rātou i ō mātou hiahia me ō mātou wawata. |
Ki hea i nāianei?
Kia tipu tonu tēnei ākonga, me arotahi ki:
- te rangahau i ētahi atu kaupapa tōkeke pāpori, ā ētahi atu iwi taketake, i te ao whānui
- te tūhura i ngā huarahi whakatau i ngā whakaaro whakararu kei waenga i ngā manako manapori
- te Hīkoi Nui o Aotearoa.
Ngā hononga ki te marautanga
Te wāhi me te taiao
Ka taea e te ākonga te:
- whakaatu i ngā wāhi me ngā taiao e noho hiranga ana ki tētahi tino hapori me tētahi tino iwi, ā, me te whakamārama i te take e hiranga ai (T5, WP2e).
He rauemi
Putanga tā o tēnei tauaromahi (PDF, 669KB)
 |
 |