| Ngā Tauaromahi Marautanga o Aotearoa |  |
 |
 |
|
 |
Tikanga ā-iwi |
 |
|
Te Wāhi me te TaiaoNgā Pou Whenua |
 |
Tā tēnei mahi e whakaatu ana
E whakaatu ana tēnei mahi i te pakirehua me te whakatau kaupapa pāpori. Koinei ngā mōhiohio i kohia e Rangitaia mai i tōna hapū.
Whāinga paetae 1
Ka taea e te ākonga te whakaatu i ngā whakaawenga o ngā mahi a te tangata i te wāhi me te taiao, ā, me te whakaawenga o ēnei āhuatanga i te tangata.
Te arotahi
Te whakaatu hononga ki ētahi wāhi hiranga.
Ngā mōhiotanga
Ka taea e te ākonga te:
- whakamārama i te take e noho hiranga ai ētahi wāhi ki tōna hapū me tōna whānau
- whakamārama i ōna hononga ki aua wāhi hiranga.
Ngā māramatanga
Ko ētahi māramatanga tērā pea ka puta:
- ko te whakapapa hei here atu i te tangata ki tōna hapū, tūrangawaewae hoki
- he maha ngā whānau e whai hononga ana ki ēnei wāhi hiranga.
Ngā hononga o ngā ariā matua ki te tāhū
-
2.1 Ngā ariā ā-hapū, ā-iwi, ā-rōpū rānei
- E mārama ana a Rangitaia ki ngā wāhi hiranga o tōna rohe me ngā whakaawenga o ōna mātua tīpuna ki aua wāhi.
- E mārama ana a Rangitaia ki ngā wāhi hiranga o tōna rohe me ngā whakaawenga o ōna mātua tīpuna ki aua wāhi.
-
2.2 Te whai wàhi atu ki te hapū, ki te iwi, ki te rōpū rānei
- E mōhio ana a Rangitaia ki ētahi o ngā kōrero tuku iho o tōna hapū mō ēnei wāhi hiranga, arā, he wāhi tapu, he kāinga noho tawhito, he wāhi mahi kai.
- E mōhio ana a Rangitaia ki ētahi o ngā kōrero tuku iho o tōna hapū mō ēnei wāhi hiranga, arā, he wāhi tapu, he kāinga noho tawhito, he wāhi mahi kai.
-
2.3 Ngā mea e hiranga ana
- E whakaatu ana a Rangitaia kei te mau tonu tōna hapū i ngā āhuatanga māori, āhuatanga ahurea o ēnei wāhi.
- E whakaatu ana a Rangitaia kei te mau tonu tōna hapū i ngā āhuatanga māori, āhuatanga ahurea o ēnei wāhi.
Te pakirehua
Te kohikohi me te whakatakoto mōhiohio
- I kohikohi mōhiohio a Rangitaia i ōna haerenga ki ngā marae i Te Puna, i Raropua. I mau i a ia ngā ingoa o ngā wāhi hiranga o tōna hapū me ētahi o ngā kōrero i kōrerohia e ōna pakeke.
Te tukatuka mōhiohio
- I whakawhiti kōrero a ia ki te pouako me ōna hoa kura mō ngā āhuatanga o ngā wāhi hiranga, pēnei i ngā wāhi noho, ngā wāhi tapu, ngā mahi a ngā tīpuna, ngā kai o ētahi o aua wāhi me ētahi atu kōrero tuku iho.
Te whakatau kōrero whānui
- E mōhio ana a Rangitaia i te take i noho hiranga ai ēnei wāhi ki tōna hapū me tōna iwi. Ka taea e ia te whakamārama i ētahi o ngā kōrero hōhonu o ēnei wāhi.
Te whakawhiti kitenga
I whakaraupapatia e Rangitaia ngā wāhi hiranga mai i te awa o Wairoa, heke haere ki Tahataharoa, huri haere i te ākau ki Oikemoke, ki Waipā, ki Raropua, tae noa atu ki Waikaraka.
(Kua whakaatu mā te pikitia.)
Te whakatau kaupapa pāpori
Te whakarite ā-rōpū
- Ka whakatū whakaari ngā ākonga, mai i ngā tuhinga a te pouako, hei whakaatu atu i ngā nekeneke haere a tētahi whānau pūkeko mai i te awa o Wairoa ki Waikaraka. E whakaatu ana tēnei whakaari i ngā hononga ki ngā tino wāhi.
Ngā pou whenua.
He kupu taka
| āhuatanga ahurea | cultural features |
|---|---|
| āhuatanga māori | natural features |
| ahurea | culture |
| arotahi | focus |
| hiranga | significant |
| mahere whenua | land map |
| manawapou | life-blood |
| pakirehua | inquiry |
| pou whenua | landmarks |
| raupatu whenua | confiscated land |
| wāhi hiranga | significant places |
| whakaawenga | influences |
| whakatau kaupapa pāpori | social decision making |
Te horopaki ako
Ko tā te pouako, he whakatō ki roto i ngā ākonga ngā kōrero, ngā tikanga, me te ahurea o kui mā, o koro mā, te manawapou o te Māori.
I hiahia te pouako kia mōhio ai ngā ākonga he aha i noho hiranga ai ngā tino wāhi o tō rātou hapū. Ka whakairi te pouako i tētahi mahere whenua o Te Puna. Ka whakaatu atu a ia i ngā wāhi hiranga. Ka haria ngā ākonga ki te torotoro haere i ēnei wāhi, ki te noho hoki ki ētahi o ngā marae.
I whakamahia te pakirehua hei tūhura he aha i noho hiranga ai ēnei tino wāhi. I te mutunga ko ngā kōrero, ka hangaia e ngā ākonga tētahi mahere whenua nui. Ka tāpiri atu ngā whakamārama. I ako pātere rātou e hāngai ana ki Te Puna. I rangahau rātou i ngā pakiwaitara o reira, kātahi ka tā pikitia whakapiripiri hei tautoko. Ka tuhia tētahi whakaaro whakakao i ngā mōhiotanga e te pouako.
I tā pikitia a Rangitaia hāngai ana ki aua tino wāhi me ngā mōhiohio i mau i a ia.
He matapaki
| Pouako: | He aha ētahi o ngā wāhi hiranga ki tō hapū? |
|---|---|
| Ākonga: | Ko Tahataharoa, ko Oikemoke, ko Raropua, ko Waipā, ko Waikaraka. |
| Pouako: | He aha e kīai he wāhi hiranga ēnei? |
| Ākonga: | Nō te mea he tapu ētahi, he tino tawhito ērā wāhi. |
| Pouako: | Mehemea ka kore e tiakina aua wāhi, ka pēhea ana? |
| Ākonga: | Ka raruraru aua wāhi. Ka hokona ngā whenua, ka whakatū he whare ki aua wāhi. |
| Pouako: | Ki ōu whakaaro me pēhea te tiaki i ēnei wāhi? |
| Ākonga: | Me whakapai i ēnei wāhi. Kaua e mahi kino. |
Ki hea i nāianei?
Kia tipu tonu tēnei ākonga, me arotahi ki:
- te rangahau me te ako i ngā ingoa Māori o ngā whenua o Te Pirirākau
- te ako i ētahi atu o ngā kōrero o tōna hapū me tōnā iwi
- te rangahau:
- i ngā pou whenua o Te Pirirākau
- ko ēhea ngā whenua i murua e te Karauna me te Kaunihera o Tauranga
- i ngā raupatu whenua o Te Pirirākau.
Ngā hononga ki te marautanga
Te wāhi me te taiao
Ka taea e te ākonga te:
- tāutu i ngā āhuatanga o te whenua e whakaata ana i ngā mahi a te tangata i ngā wā o mua (T4, WP1a)
- whakamārama i ngā āhuatanga o te whenua ka ahu mai pea i te pāhekotanga o te tangata ki te taiao. (T4, WP1e)
He rauemi
Borell, A. (2004). Kua ngaro a pīpī pūkeko. Te Puna School. Tauranga. (Unpublished).
Ngātai, A. (1996). Ngā pakiwaitara o Tauranga Moana. Hamilton: University of Waikato School Support Services.
Parekōwhai, G. (2005). Hine Kahu Whero. He Kohikohinga 28. Te Whanganui-a-Tara: Te Pou Taki Kōrero Whāiti.
Stokes, Evelyn. (1980). Stories of Tauranga Moana. Occasional Paper No 9. Hamilton: Te Whare Wānanga o Waikato, Centre for Māori Studies and Research.
Putanga tā o tēnei tauaromahi (PDF, 691KB)
 |
 |