| Ngā Tauaromahi Marautanga o Aotearoa |  |
 |
 |
|
 |
Tikanga ā-iwi |
 |
|
Te Ahurea me te Tuku IhotangaTe Pīwaiwaka |
 |
Tā tēnei mahi e whakaatu ana
E whakaatu ana tēnei tuhinga i te pakirehua. Koinei ngā whakaaro o Tara mō tētahi o ōna tino whakapono.
Whāinga paetae 1
Ka taea e te ākonga te whakaatu i te rerekētanga o ngā mahi a ngā rōpū ahurea, ahakoa e whakaata tonu ana ēnei i ētahi pūtake ōrite.
Te arotahi
Te whakapūmau i te mātauranga Māori.
Ngā mōhiotanga
Ka taea e te ākonga te:
- whakamārama i ētahi o ngā mātauranga o tōna whānau me tōna hapū
- whakaputa mai i tōna tino kaha whakapono ki tēnei mātauranga.
Ngā māramatanga
- kei tēnā whānau, kei tēnā hapū ōna ake mātauranga.
- he tino kaha ētahi tāngata ki te mau tonu ki ō rātou whakapono.
Ngā hononga o ngā ariā matua ki te tāhū
-
1.1 Ngā ariā ā-hapū, ā-iwi, ā-rōpū rānei
- E mōhio ana a Tara ki ētahi kōrero tuku iho o ōna tīpuna. He tohu mate te pīwaiwaka ki tōna whānau me tōna hapū.
- E mōhio ana a Tara ki ētahi kōrero tuku iho o ōna tīpuna. He tohu mate te pīwaiwaka ki tōna whānau me tōna hapū.
-
1.2 Te whai wàhi atu ki te hapū, ki te iwi, ki te rōpū rānei
- E whakaatu ana āna tuhinga kei te mau, kei te whakapono tonu tōna whānau, me tōna hapū, ki ēnei kōrero tuku iho.
- E whakaatu ana āna tuhinga kei te mau, kei te whakapono tonu tōna whānau, me tōna hapū, ki ēnei kōrero tuku iho.
-
1.3 Ngā mea e hiranga ana
- I hoki mai tōna whānau ki te marae ki te tangihanga o Parekura. I puta mai te māramatanga ki a ia, arā, e tohu ana taua pīwaiwaka, he mate kei te haere atu.
- I hoki mai tōna whānau ki te marae ki te tangihanga o Parekura. I puta mai te māramatanga ki a ia, arā, e tohu ana taua pīwaiwaka, he mate kei te haere atu.
Te Pīwaiwaka.
Te pīwaiwaka.
Te pakirehua
Te pātaitai
- I pātai a Tara ki tōna kuia mō ngā kōrero a te Māori ki te uru mai o te pīwaiwaka ki rō whare.
Te kohikohi mōhiohio
- I kohikohi mōhiohio a Tara mai i tōna kuia me tōna pāpā.
Te tukatuka mōhiohio
I tuhia e Tara ōna mōhiotanga i muri mai i te aituatanga o tōna whanaunga.
(Kua whakaatu mā te pikitia.)
Te whakatau kōrero whānui
- Mā te whakawhiti kōrero ki tōna pouako, ka kite a ia i te hononga o te pīwaiwaka ki te matenga o tōna whanaunga.
Te whakawhiti kitenga
- I hangaia he mahere nui, ka tāngia e Tara he pikitia o te pīwaiwaka. I tuhia e ia ōna mōhiohio e pā ana ki te tohu mate o te pīwaiwaka.
He kupu taka
| Ahitereiria | Australia |
|---|---|
| ahurea | culture |
| arotahi | focus |
| īkara | eagle |
| katinga toto | blood clot |
| kurutai | crane |
| manawapou | life-blood |
| pakirehua | inquiry |
| pīwaiwaka = tīrairaka | fantail |
| whakapūmau | maintain |
| whakaweto = kati | turn off |
Te horopaki ako
Ko tā te pouako, he whakatō ki roto i ngā ākonga ngā kōrero, ngā tikanga, me te ahurea o kui mā, o koro mā, te manawapou o te Māori.
I hiahia te pouako kia mōhio ngā ākonga ki ngā kōrero, ki ngā pūrākau e pā ana ki tō rātou hapū me tō rātou marae. I whiria e ia tēnei kaupapa, “I ahu mai au i hea?” Nāna i whakarite kia haria ngā ākonga ki te marae ki te whakarongo ki ngā kōrero a ngā pakeke, i runga anō i te mōhio i reira te mātauranga mā ngā ākonga. Ko tana hiahia anō hoki, kia mōhio ngā ākonga he mātauranga Māori ēnei e noho pūmau nei ki te hapū. E whakaatu ana ēnei i te rerekētanga o ngā mahi a te Māori.
I whakapuakingia tēnei kaupapa i te mahi toi. I mahi ā-rōpū ngā ākonga ki te hanga pikitia whakapiripiri, ki te hanga tauira ahu-3, me te peita pikitia rarahi hāngai tonu ki te marae. Nō muri mai, ka haere rātou ki te marae, ka whakarongo ki ngā kōrero tuku iho, ka ako i ngā whakahaere o te marae. I te hokinga atu ki te kura, ka tukua e te pouako kia tīpako ngā ākonga i te kaupapa kotahi hei whakapuaki i ō rātou whakaaro.
Ki tā Tara, ko te whakapono o tōna whānau ki te tohu o te pīwaiwaka. Mā te pakirehua, ka hangaia e ia he pātai hei tuku atu ki tōna kuia, ki tōna pāpā hoki. He mātauranga Māori e whakaatu ana i te rerekētanga o ngā whakapono ā tēnā, ā tēnā, ahakoa te tohu. I te mutunga ka tuhia e Tara ēnei kōrero.
He matapaki
| Pouako: | I kī mai koe he tohu mate te pīwaiwaka ki te whānau. Nō hea tēnā whakaaro? |
|---|---|
| Ākonga: | Nō tōku pāpā, tōku kuia, ōku mātua kēkē, me ōku whaea kēkē. |
| Pouako: | He aha ngā kōrero o tō pāpā mō te pīwaiwaka? |
| Ākonga: | Ā te wā pea, he mate kei roto i te whānau. |
| Pouako: | He aha koutou e whakapono ai ki taua kōrero? |
| Ākonga: | I mua i te matenga o tōku koroua, i rere mai tētahi pīwaiwaka ki roto i tōna kāinga. E toru ngā rā i muri mai o tēnā, ka mate tōku koroua. |
| Pouako: | Mēnā ka rere mai he pīwaiwaka ki roto i tō kāinga, he aha ōu whakaaro? |
| Ākonga: | Tīkina te purūma hei whakamataku i a ia ki waho. |
Ki hea i nāianei?
Kia tipu tonu tēnei ākonga, me arotahi ki:
- te rangahau i ētahi atu tohu a te Māori
- te tūhura i te hiranga o ētahi atu manu ki te Māori
- te pānui me te whakamārama i ngā hōhonutanga o te pūrākau a Māui rāua ko Hinenuitepō.
Ngā hononga ki te marautanga
Te ao hurihuri
Ka taea e te ākonga te:
- whakaahua i te whakaawenga o ngā mahi o mua, i te oranga o ētahi o tētahi tino wā, o tētahi tino wāhi (T3, WP1e)
- whakaahua i ngā tūāhua kua pā ki tētahi rōpū i roto o te wā. (T4, WP1a)
He rauemi
Moon, Paul. (2003). Tohunga: Hohepa Kereopa. Tāmaki Makaurau: David Ling.
www.mtbruce.org.nz/fantailnfo.htm
Putanga tā o tēnei tauaromahi (PDF, 603KB)
 |
 |