Te Mātauranga Taiao me Hangarau i roto i Te Marautanga o Aotearoa
Ko tā tēnei marautanga hangarau kia matatau ngā ākonga ki ngā āhuatanga hangarau.
Ko te whāinga a te mātauranga hangarau, ko te whakamana ake i ngā ākonga kia matatau rātou ki te hangarau, mā te whakahiato i:
- Te māramatanga me te mātai ki te pātanga i waenganui i te hangarau me te hapori;
- Te mōhiotanga, te māramatanga me ngā pūmanawa hangarau.
Mā tēnei marautanga ka taea e te pouako te whakarite i ngā tūmomo mea angitu kia whakauruhia ngā whāinga, ngā ariā me ngā korahi o Te Mātauranga Taiao.
E rua ngā whenu kei roto i tēnei marautanga: Hangarau-ā-Iwi, Mātauranga Hangarau.
Mā te whenu Hangarau-ā-Iwi ka taea e te ākonga:
- Te whakahiato i te mārama ki ngā āhua, ngā whakapono, ngā uara me ngā matatika o ia tangata, o ia rōpū, e piki ake ai, e pēhia iho rānei te whakahiatotanga o te hangarau, me te awe i ngā waiaro ki te whakahiato hangarau;
- Te whakahiato i te mārama ki ngā pāpātanga o te hangarau ki te hapori me te taiao i roto i ngā tau kua taha, i ēnei rā me ngā rā kei te tū mai, tae atu ki ngā āhuatanga ā-rohe, ā-motu, ā-ao hoki.
Mā te whenu Mātauranga Hangarau ka taea e te ākonga:
- Te whakahiato ngā otinga hangarau i roto i ngā kaupeka hangarau me ngā horopaki hangarau maha.
Mā te hangarau ka taea te tipuranga o ngā ariā taiao o te whenua, te mauri, te rangatiratanga, te taonga, te hauora, me te rāhui tapu.
E whakarārangi ana nei ngā whenu, ngā whāinga paetae, me ētahi tauira mahi hei tutukihia ngā whāinga, ngā ariā, me ngā korahi o Te Mātauranga Taiao.
Koia nei te putanga ipurangi o ngā whārangi 51 o te pukapuka, Guidelines for Environmental Education in New Zealand Schools.
Tiro ā-taumata | Tiro ā-whenua
Back to top
Previous page | Table of contents | Next page
|
|
