Te Mātauranga Taiao me Hauora i roto i Te Marautanga o Aotearoa
Ko te pūtake o tēnei marautanga hei āwhina i ngā pouako me ngā whānau ki te ārahi i ā tātou tamariki, kia whiwhi ai rātou i te mātauranga, ngā pūkenga me ngā waiaro e pā ana ki te hauora me te noho ora, ā, eke noa ngā rā ki te tāngata i tēnei ao.
Mā ngā whāinga hauora matua e whai ake nei, ka mōhio te ākonga ki:
- Te whakaaro nui ki a ia ake, ki tōna whānau, tōna hapū, tōna iwi;
- Te whakapakari i a ia ake kia puta ai ki a ia te oranga, ā-wairua, ā-hinengaro, ā-tinana, ā-whānau;
- Te whakatipu i ngā pūmanawa, ngā mōhiotanga, me ngā waiaro o te akoranga;
- Te aro ki te hā o te tangata ahakoa ko wai, ahakoa kei hea, ahakoa pēhea rānei tōna āhua;
- Ngā take hauora o tōna ao, me te ao whānui.
Mā tēnei marautanga ka taea e te pouako te whakarite i ngā tūmomo mea angitu kia whakauruhia ngā whāinga, ngā ariā me ngā korahi o Te Mātauranga Taiao.
E whā ngā whenu kei roto i tēnei marautanga: Te Whenu Waiora, Te Whenu Tinana, Te Whenu Whānau, Te Whenu Taiao.
Mā te whenu Waiora ka mōhio te ākonga ki ngā whakatūpatotanga ahakoa kei hea ia, ahakoa e pā ana ki te aha.
Mā te whenu Taiao ka mōhio te ākonga ki te noho tika ki a Papatūānuku, tae atu ki ētahi atu momo taiao o tōna ao, otirā, o te ao whānui.
E whakarārangi ana nei ngā whenu, ngā whāinga paetae, me ētahi tauira mahi hei tutukihia ngā whāinga, ngā ariā me ngā korahi o Te Mātauranga Taiao.
Koia nei te putanga ipurangi o ngā whārangi 48 me te whārangi 49 o te pukapuka, Guidelines for Environmental Education in New Zealand Schools.
Tiro ā-taumata | Tiro ā-whenua
Back to top
Previous page | Table of contents | Next page
|
|
