Te Mātauranga Taiao me Ngā Toi i roto i Te Marautanga o Aotearoa

Ko te aronga o tēnei marautanga he whakapūmau, he hāpai, he tautoko i ngā mahi toi Māori mō ngā tāngata katoa o Aotearoa me te Ao. Ko te tino whakapono mā te reo e kawe te mātauranga me te mahi toi hei whakaū, hei whakamana i ngā tikanga me ngā taonga a ngā tūpuna.

He nui ngā whakawhitinga ā-hinengaro, ā-tinana, ā-rerehua, kare-ā-roto, te rongo-ā-ngākau, tū-āhua pāpori, ahurea, wairua, o ngā toi ki ngā tino wāhanga akoranga, arā ki te Pāngarau, te Pūtaiao, te Reo, ngā Tikanga-ā-Iwi, te Hauora me te Hangarau.

Mā tēnei marautanga ka taea e te pouako te whakarite i ngā tūmomo mea angitu kia whakauruhia ngā whāinga, ngā ariā me ngā korahi o te Mātauranga Taiao.

E toru ngā Pou Toi Māori i roto i tēnei marautanga: ko te Toi Puoro, ko te Toi Ataata, ko ngā Mahi a Te Rēhia.

E whā ngā whenu hei whakatinana i ngā pou toi: Ko te Tūhura, ko te Mahi, ko te Mōhiotanga, ko te Maioha.

E whakarārangi ana nei ngā whenu me ngā whāinga paetae mō ia Pou Toi, me ētahi tauira mahi hei tutukihia ngā whāinga, ngā ariā me ngā korahi o te Mātauranga Taiao.

Ka āhei ngā mahinga i roto i ngā toi i raro i te maru o ngā kaupapa taiao.

Koia nei te putanga ipurangi o ngā whārangi 60 o te pukapuka, Guidelines for Environmental Education in New Zealand Schools.

Mahere 1 | Mahere 2

Back to top

Previous page | Table of contents | Next page