Ngā Toi

I te tau 2000, i whakaputahia te pukapuka marautanga Ngā Toi i roto i Te Marautanga o Aotearoa kua mahia i raro i te marū o Te Tāhuhu o te Mātauranga. Koianei te marautanga tuaono o ngā marautanga mō ngā wāhanga ako e whitu, ka puta ki te reo Māori. I te tau 2001, tīmata ai ngā mahi whakangungu mō ngā pouako e whakaako ana i ngā kura kaupapa, i ngā kura, me ngā akomanga rumaki hoki. Hei te tau 2002 ka tīmata anō tētahi atu whakaaturanga whakangungu mō ngā pouako. Ko te tūmanako, mā ēnei kohi ka māmā noaiho ki ngā pouako te whaiwhai haere me te whakamahi i te marautanga nei. Alice Derbidge, Curriculum Facilitator, Māori

Anei ngā whakarite a te Kairuruku-ā-motu mō te marautanga, Ngā Toi. Ko te pūtake, ko te whakarite whakangungutanga mō ngā kaiako-ārahi, mō ngā wiki e whā. Mā ngā kaiako-ārahi, te marautanga, Ngā Toi e whakatinana. E whā ngā tino whāinga hei aro whakahaere mā ngā kaiako-ārahi: he whakahihiri; he hora i ngā mahi-ā-ringa e hāngai ana ki ngā mahi o te akomanga; he wero ki te whakawhānui ake i ō rātou mōhiotanga e pā ana ki ngā pou o te marautanga, Ngā Toi; ki te whakarahi ake i te māramatanga o ia pou o te marautanga, Ngā Toi. Rāwiri Hindle, National Coordinator, Ngā Toi

I roto i te kirimana o te mahi, Ngā Toi, kua whai mana ngā mahi a ngā tūpuna, ā, kua whai rautaki mātou, te hunga kaiako, ki te whakaako i ēnei mahi ātaahua. Nōku te hōnore i uru ahau ki roto i te tira ako i ngā nekeneke o te marautanga, Ngā Toi. Ko ngā hua kua puta mai mōku ake ko te: Mōhio me pēhea te whakamahi te pukapuka marautanga, Ngā Toi i roto i Te Marautanga o Aotearoa. Whiwhi whakaaro mai i ngā kaiako puta noa i Aotearoa mō te whakahaere kaupapa toi. Whai hononga ki ētahi atu kaiako, kaitoi, kaiwhakahaere toi hei pūkenga tangata mōku. Kātahi te kaupapa pārekareka ki ngā tamariki ko te mahi toi. He huarahi tēnei hei whakapuaki i ō rātou pūmanawa, kare ā-roto, ō rātou auaha waihanga hoki i runga i te koakoa ngākau me te pikinga waiora. Ki ahau nei he ara Māori rawa tēnei, a Ngā Toi. Ka ngāwari māku te hono i ngā whainga o te marautanga ki ngā mahi tūturu a te Māori. Keri Pewhairangi, Teacher, Te Kura Kaupapa Māori o ngā Mokopuna

Me kaha te mahi, kia whakanekeneke ngā toi o te Mahara Pohewa Me kaha te mahi, kia kitea ai ngā uriuri o te hinengaro Me kaha te mahi, kia kaitaki i ngā paenga toi Me kaha te mahi, kia puta mai i te ao korekore Ki te ao mārama Tihe Mauri Ora. Raiha Ruwhiu, Resource Teacher of Māori

Let us work hard so that images of the arts will continue to evolve Let us work hard so that the etchings of the mind are portrayed Let us work hard so that the boundaries of art are challenged Let us work hard so that we may be released from the limiting view of the world To the world of light.

Top

Previous | Next | Index Page