He aha Te Ao Kori?
Ko te ao e kori ake nei, e kori ake nei
Ahu mai ana ko te reo, ko te tikanga,
Ko ngā wānanga tū taua,
Ko ngā mahi a Te Rēhia, ko te ao kori e.
He anga anō ō ēnei āhuatanga katoa heoi, "me āhukahuka me uara hoki te marautanga o te kura i te tūnga ahurei o te Māori i roto i te porihanga o Aotearoa." (Ngā Toi i roto i te Marautanga o Aotearoa, wh 18).
Kia tū ko Te Ao Kori tētahi hei taki haere i roto i ngā kura katoa o Aotearoa. E noho tāhuhu ana tēnei wāhanga ako ki te mātauranga whakapakari tinana, i te mea kei konei ngā akoranga.
I mua i te taenga mai o te Pākehā, i te Māori āna ake mahi toi hei whakamārama i ngā kitenga, i ngā rongo me ngā manako o te wairua, o te hinengaro me te tinana.
Hoahoatanga 2: He takinga
