|
Nā te tatau e rauka ai te kite! 'E mea ririnui te tatau!
E tuatua atu ki tā'au tamaiti nō runga i te au mea i roto i te puka:
- ko te au tūtū – tei nene'i'ia, 'ē tei torō'ia
- ko te au kupu 'ē te au manako i roto i te au tuatua tei nene'i'ia, 'ē i roto katoa i te au tūtū
- ko te au tuatua tei nene'i'ia 'ē te au reta tātakita'i.
Mē tuatua koe ki tā'au tamaiti nō runga i te au mea i roto i te puka, kā riro tē reira 'ei tauturu iāia kia mārama i te puka.
Kia tuatua koe nō runga i te au mea tā'au i kite, 'ē no runga i tō'ou ora'anga, 'ē kia 'ātuitui mai koe i tē reira ki te au mea o roto i te puka.
Kia tuatua 'ē kia tatau koe nā roto i tē reo mātūtū 'ē te 'o'onu.
Kia tuatua putuputu koe nā roto i tō'ou reo 'enua.
Mē ka 'inangaro koe, e tuatua katoa nā roto i te reo Papa'ā.
- Kia tatau kāpiti kōrua i te au rā kātoatoa.
- E ma'ani koe kia mataora te tatau'anga!
|
