Ko e totou ko e lotomatala! Ko e totou ko e malolō!
Ko e lolomi po ke tohi hā hā he tau mena oti.
Mouaaga he tau kupu tohi, totou mo e talatala ke he tau hagaaoaga.
Totou ke he haau a tama, ti totou foki mo e haau a tama he tau aha oti. Ko e tau totou fakalataha hololoa ia to eke ai e haau a tama mo tagata kua talahaua lahi ke he totou.
Fā mahani e tau fānau ke loto ke totou mo e totou takilagaloga he tau tohi agaia nī, kia taute pihia foki - totou ti totou foki. Kua homo he mitaki, ti ko e uta foki nī ke he leva he manako tokoua a mua ke taute pihia.
Kia totou mo e fakafiafia! Fiafia ke totou, ti fiafia foki ke he tau tohi. Loga lahi e tau tala ne moua mai hā ko e tau tohi. Moua foki e fiafia hā ko e tau tohi.
Totou ke he haau a vagahau. Ko e tama ne iloa e hagaaoaga he tau tohi, mo e tau kupu kua tohia ai ke he ha vagahau nī (mua atu ke he tau vagahau loga, mo e kakano ne fakaaoga ke he laulahi he tau kaina) ne kua maeke ke iloa mo e totou fakamitaki, ke he vagahau faka-Pelitānia, ti pihia foki mo e falu a vagahau kehekehe.
Tohi nī e koe e tau kupu haau ti pihia foki mo e tau tala. Ko e tau tohi ne tohi nī e koe mo e haau a tama, to eke ia mo tau koloa totou kua mua atu he mitaki.
Tūtala ke he tau faiaoga hagaao ia ke he tau totou he haau a tama.
Kia ole ke moua falu a tohi, mai he fale totou tohi, po ke aoga, fakagofua noa e tau koloa ia.
