|
'O mea e ao ona fai ...
|
'Aiseā e fai ai?
|
'Ia fa'aaogā 'upu e tele:
- e pei 'o 'upu fa'alaua'itele
- 'upu fa'apitoa
- po'o 'upu e uiga i se matā'upu.
|
'O le tele o 'upu e iloa e le tamaitiiti, 'o le tele fo'i lea ole taumafai, po'o le iloa e le tamaitiiti o le gagana, e ala lea i le tautala, faitautusi, tusitusi, ma le fa'atinoina o ni manatu po'o ni fa'ailoga.
|
|
Talanoa i se fa'ata'ita'iga - ma 'ia fa'aaogā fuai'upu 'ato'atoa.
|
E mana'omia e le tamaitiiti, ona mālamalama pē fa'apēfea ona tu'u fa'atasi 'upu, 'ina 'ia maua ai se atoatoaga o se manatu po'o se fa'ata'ita'iga atoa ma lona uiga.
|
A 'e tautala, e tautala fo'i le tamaitiiti.
A 'e fesili, e fesili fo'i le tamaitiiti.
A 'e mafaufau ma faia ni fa'ata'ita'iga, e fa'apea fo'i ona mafaufau fo'i le tamaitiiti i se fa'ata'ita'iga o se mea.
|
E mana'omia e le tamaitiiti lona a'oa'oina po'o lona iloa mai 'iā te 'oe. E mana'omia fo'i e le tamaitiiti ona taumafai e fa'ata'ita'i ona fa'aleo ni 'upu fou, ma se gagana fou pē taumafai fo'i e fa'atino ni manatu.
|
|
'Ia faia ni talanoaga ma se a'oa'oga 'ina 'ia mālie, ma 'ia iai se uiga, pē fiafia fo'i i ai 'oe ma lau tama.
|
E mana'omia e le tamaitiiti le lagona fiafia, 'aemaise ai fo'i o lona mālamalama lea i 'upu 'o lo'o talanoa i ai ni tagata.
|
'Ia talanoa i so'o se mea i so'o se taimi.
'Ia talanoa i lau tama i ni taimi se tele.
|
E fa'alauteleina e le tamaitiiti lona iloa ma lona mālamalama i le gagana, pē afai e faaaogaina le oa o lea gagana. 'O le faaaogaina fo'i o le gagana, e faigōfie lea ona iloa ma a'oa'oina le tamaitiiti, e tau le uiga moni o se mea, i so'o se taimi.
|
'O talanoaga ma tamaiti e aofia ai tagata 'uma e pei:
- 'o mātua o mātua
- uso, tuagane po'o tuafāfine o le tamā po'o le tinā
- uso ma tuagane
- 'o i lātou e asiasi mai, pē nonofo fo'i lata ane i lou fale
- po'o nisi fo'i tou te māfuta pē fetaui fo'i i ai i so'o se mea.
|
E tatau ma mafai e so'o se tasi, ona fesoasoani i tamaiti e fa'alauteleina lo lātou iloa o le gagana.
|
