|
E tele le iloa mai le faitautusi! E tele le aogā o le faitautusi!
E mafai ona faitau fa'atasi.
Faitau fa'atasi ma lau tama, ma faitau i lau tama i le fale ma so'o se mea.
- 'O le tusi lolomi ma le tusi lima e maua i so'o se mea: 'ia maua le tusilima o 'upu, 'ia faitau ma talanoa i ai.
- 'O le faitau i lau tama, ma le faitau fa'atasi ma lau tama i aso ta'itasi, 'o le 'ā 'avea lea e fiafia ai tele lau tama e faitautusi.
- 'O le tele o tamaiti e fiafia tele e faitau le tusi faitau e tasi i ni taimi se tele. E faitau ma so'ona faitau lava le tusi faitau lea e tasi. E mafai ona fai lea tūlaga pē'ā lua mānana'o i ai ma lau tama.
- 'Ia 'avea le faitautusi ma se mea e fiafia i ai. 'Ia fiafia e faitau – 'o le tele fo'i o tusi faitau ma talanoa i ai, e 'avea fo'i lea ma mea e fiafia i ai lau tama.
- Faitau i lau lava gagana. 'O le tamaitiiti e iloa faitau 'upu lolomi i so'o se gagana, ('aemaise o lana lava gagana e fa'aogā i taimi 'uma i le 'āiga) e mafai ona a'oa'o ma iloa ona lelei le faitau i le gagana Peretania ma isi gagana.
- Tusitusi ni au 'upu po'o ni tala. 'O lua tusitusiga ma lau tama, e aogā e fai ma tusi faitau.
- Talanoa i faiā'oga e uiga i le faitau tusi a lau tama.
- 'Aumai ni tusi faitau mai le Falefaitautusi a le ā'oga po'o le itūmālō: e leai se totogi.
Taumafai e fa'ata'ita'i ona faitautusi fa'atasi ma lou 'āiga 'ātoa.
|
