|
Me'a ke fai ...
|
'Uhinga?
|
Ke lahi e ngaahi lea 'oku ngāue'aki´:
- ngaahi fo'i lea fakalukufua
- ngaahi fo'i lea tautefito ki ha me'a
- ngaahi fo'i lea kau ki ha topiki.
|
Ko e lahi ange 'ilo lea ho'o fānau´ ko e lahi ange ia 'a e lea ke nau ngaue'aki he talanoa´, lautohi´, fa'u talanoa´, mo e fa'u fakakaukau´.
|
|
Lea'aki e fo'i fakakaukau 'oku kakato – pea feinga ke ngāue'aki ma'u pē sētesi kakato.
|
'Oku fiema'u ke mahino lelei ki ho'o fānau 'a e anga 'o e ngāue fakataha 'a e ngaahi fo'ilea ke fakafōtunga'i ha fo'i fakakaukau kakato, pē ha tefito'i fakakaukau.
|
|
Talanoa, pea 'e talanoa ho'o fānau´.
Fakafehu'i, pea 'e fakafehu'i ho'o fānau´, ko ho'o fakakaukau, mo fakafano atu ho'o 'ilo´, pea e fakakaukau mo fakatupulekina 'a e 'ilo 'a ho'o fānau´.
|
'Oku fiema'u ke ako ho'o tama meiate koe, pea ke ne 'ahi'ahi ke ngāue'aki e ngaahi lea mo e ngaahi 'ilo fo'ou´.
|
|
'Ai ke fakamānako 'a e talanoa´ mo e ako´ pea ke mahu'ingamālie kiate koe mo ho'o tamasi'i´ pe ta'ahine´.
|
'Oku totonu pea fie ongo'i 'e he tamasi'i pe ta'ahine, 'oku sai pea fiefia 'i, he mahino 'aupito foki kiate ia 'a e me'a 'oku fai ki ai 'a e talanoa´.
|
|
Talanoa 'o kau ki ha fa'ahinga me'a pē, 'i ha fa'ahinga taimi pē, mo ha fa'ahinga feitu'u pē. Pea ke fakatalanoa ki ai 'aki e lahi taha te ke lava´.
|
Ko e tamasi'i pe ta'ahine ko ē 'oku loloto 'ene 'ilo lea´, 'oku feinga ma'u pē ia ke ako mo ne ngāue'aki 'a e ngaahi lea kakano mo loloto ko ia´. 'E tokoni eni ki he faingofua mo fakanatula ange 'enau ako´, he taimi kotoa pe´.
|
Ko e talanoa ki he fānau´ ko e me'a ke fai 'e he taha kotoa:
- 'enau fanga kui
- fanga mehekitanga mo e tu'asina
- fanga tuofāfine mo e tuonga'ane
- te hunga noho ata, ngā manuhiri
- 'ū kaungā 'api mo e kau 'a'ahi
- kakai kotoa pē 'oku mou fetaulaki´.
|
'Oku lava, pea mātu'aki totonu ke tokoni 'a e tokotaha kotoa pē ke fakatupulekina mo lahi ange 'a e 'ilo lea 'a e fānau´.
|
