|
'Oku mahu'inga 'aupito 'a e lea´! 'Oku mahu'inga 'aupito 'a e talanoa´!
'Oku 'asi e lea´ 'i he feitu'u kotoa pē 'i hotau 'ātakai´. Ko ia ai, 'oku totonu pea pau ke ke fepōtalanoa'aki mo fe'inasi'aki mo ho'o fānau´ 'i he lea´ 'i he feitu'u kotoa pē ... pea 'i he taimi kotoa pē.
'Oku ta'etotongi 'a e lea´ pea ta'etotongi mo e ngaahi fakakaukau´, pea ko e ngaahi mata'ikoloa eni, ko e ngaahi 'siueli´ mahu'inga pea faingofua ke ke foaki atu ma'a ho'o fānau´.
Faka'ata'atā hao taimi ke mou pōtalanoa mo fe'inasi'aki he ko e kaungāngāue kimoutolu 'i he ako mo e lea´.
Te ke lava noa pē 'o fa'u ha talanoa mo ha fakakaukau fo'ou 'aki 'a e lea´.
'Oku lahi 'ānoa hono ngaahi lelei kiate koe mo ho'o fānau´ 'i he taimi ni pea mo e kaha'u na foki.
|
