|
Ko e lautohi, ko e 'ilo! Ko e lautohi, ko e ma'u mafai!
'Oku lava ke fai eni 'i he fakakaungā lautohi.
Lautohi mo ho'o fānau´, pea lau ha talanoa, 'i 'api, pē 'i ha fa'ahinga feitu'u pē.
- Ko e lea 'oku tohi´, 'oku 'asi ia he feitu'u kotoa pē: fakatokanga'i ia, pea lau, pea talanoa mo fakamatala ia ki ho'o fānau´.
- Ko ho'o lautohi faka'aho ki ho'o fānau, mo ho'o lautohi fakataha, mo kinautolu´, ko e ngaahi me'a ia te ne ngaohi ho'o fānau ke nau manako lautohi.
- 'Oku manako 'aupito e fānau he toutou lau tu'o lahi ha tohi pē talanoa 'oku nau 'ilo, ko ia ai, toutou lau mo nautolu kapau 'oku mou felotoi ki ai.
- 'Ai ke fakamānako ho'o mou lau e talanoa! 'Ai ke mou mālie'ia he tohi talanoa ko ia´, pea mou talanoa'i tu'o lahi ke fakafiefia kia kimoutolu.
- Mou lau e ngaahi talanoa faka-Tonga´. Ko e fānau ko ē 'oku nau 'ilo e ngaahi tohi talanoa 'i ha to e fa'ahinga lea kehe' (tautefito ki he lea 'oku nau lea'aki 'i 'api) 'oku nau lava 'o ako lautohi lelei 'i he lea faka-Pālangi, mo ha lea kehe ange´.
- Mou fa'u pē tohi ha ngaahi talanoa fo'ou. Ko e ngaahi talanoa ko ia´, 'a'au mo e fānau, 'oku lelei ki he lautohi´.
- Fakapōtalanoa ki he faiako 'o kau ki he laukonga pē lautohi 'a ho'o fānau´.
- 'Ave ha 'u tohi mei he laipeli fakakolo, mo e 'apiako: he 'oku ta'e totongi.
'Ai ho fāmili kotoa ke mou manako mo anga'aki 'a e lautohi´.
|
