|
Hea te fai ...
|
Aihea?
|
Fakaaoga ni kupu e lahi:
- na kupu fakalauaitele
- na kupu e patino ki he mea
- na kupu e uiga ki he ulutala.
|
Ko te lahi ona kupu e iloa e te tamaiti, ko te lelei foki tena o tana tautala, tana faitau, tana tuhituhi, ma te fuafuagia ona manatu.
|
|
Talanoa te manatu katoa - fakaaoga ni fuaikupu katoa i taimi uma e mafai ai.
|
E manakomia e te tamaiti pe vehea ona fakaaoga ni kupu ke fakamatala ai he manatu.
|
|
E tautala koe e tautala foki tau tamaiti.
E tufehili koe e tufehili foki tau tamaiti.
E mafaufau ma atiake ni o manatu, ko tau tamaiti foki e mafaufau ma atiake ni ona manatu.
|
E manakomia ke akoakogia tau tamaiti e koe ma e manakomia foki ke ia fakatakitakia ni kupu ma ni manatu fou.
|
|
Ke fakafiafia ma fakamaliegia na talatalanoaga ma na akoakoga kae ke iei foki hona uiga kia te koe ma tau tamaiti.
|
E manakomia e te tamaiti ni fakalogoga manaia ma te fiafia kae ke malamalama pe hea tonu te talanoa ki ei na tino.
|
Talanoa ho ma tau tamaiti.
Talanoa e uiga ki ho he mea, i ho he taimi, i ho he koga.
|
Ko te tamaiti e ia iloa ni kupu e lahi e ia fakatakitakia, akoakogia, fakaaoga ienei kupu e lahi.
Ko te fakaaogaga o ienei kupu e lahi e fehoahoani ki to latou akoakogia - e fakafaigofie ai i ho he taimi.
|
Ko te faitala ki tamaiti e mo na tino uma:
- na tupuna
- na tuagane ma na tuafafine ona matua
- na tuafafine ma na tuagane
- na tino tuakoi ma na tino ahiahi mai
- ho he tino lava e fetaui koe ki ei.
|
E mafai ho he tino oi fehoahoani ki tamaiti i te atiakega o te latou gagana.
|
