|
Ko te faitau e maua ai te iloa! Ko te faitau e iei tona malohiaga!
Ko te faitau he galuega e mafai ke fai fakatahi e ni tino.
Faitau ma tau tamaiti ma ki tau tamaiti i loto o te kaiga ma ho he koga.
- Ko te tuhi lolomi ma te tuhituhi e i ho he koga: hakili na kupu tuhi, faitau ma talanoa agai ki ei.
- Ko te faitau ki tau tamaiti, ma tau tamaiti i na aho takitahi, ma te lahi o ni taimi e mafai ai ke matuā lelei te faitau o tau tamaiti.
- Ko tamaiti e mahani lava fiafia oi faitau fakafia he tuhi, ke vena foki la a koulua galuega – faitau fakafia te tuhi kafai ko koulua koi fofou lava ki ei.
- Fakamālie te faiga o te faitau! Fiafia ki na tuhi ma fiafia ki te faitau – ko te lahi o na talatalanoaga agai ki na tuhi ko te fakatupu fiafia foki ki ei.
- Faitau i tau gagana. Ko he tamaiti e ia iloa na tuhi ma na kupu tuhituhi i he gagana (kae maihe i te gagana e fakaaoga lahi i te kaiga) e mafai foki ke lelei tana faitau, i te gagana Peletania ma ietahi gagana.
- Tuhi ni au kupu ma ni au tala. Ko na tuhituhiga a koulua ma tau tamaiti e aoga lahi ke fai ma lihohi faitau.
- Talanoa ki na faiakoga e uiga ki te faitau a tau tamaiti.
- Fakaaoga na tuhi mai i te faletuhi pe mai i te akoga: e he totogia.
Fakamahani ki te faitau ma na tino uma i to kaiga.
|
