Whānau index
 |
Whānau
Nau mai haere mai ki
a "Whānau". Ko "Whānau" he whakaari pukuhohe e pā ana ki
tētahi whānau Māori noho-taone i tēnei manotau hou.
Mā te whakaari nei ka tino mātau tūturu te kaimātakitaki
ki ngā piki me ngā heke o ngā tauoranga o te whānau
Hītoki. E hia kē ngā momo mahi a ngā tau kua hipa
e poke tonu nei i a rātou. Engari me whakaanga tonu te whānau
nei ki ēnei raruraru.
Ko ngā take whai kiko me ngā kaupapa nui o te wā, he wāhanga
ēnei o ngā tauoranga o ia rā o te whānau Hītoki.
Ka whakamātautauria, ka honoa, ā ka whatia hoki ngā whanaungatanga
i te mārohatanga ake o te whakaari nei.
Ka timata te haerenga nei i te hokinga mai a Mana, te mātāmua
o te whānau, kua roa nei ia e mahi ana i Hapanihi. Engari kāore
i tino pai te noho a te whānau i a ia i rāwāhi, ā,
nā tōna hokinga mai kua timata ngā wīra mana matatuhi
ki te huri.
He mea hanga tēnei whakaari pukuhohe i ngā whakaaturanga ono
tekau. E rua miniti te roanga o ia whakaaturanga. E hāngai ana tēnei
whakaari ki te hunga tekau mā ono tau te pakeke, neke atu rānei.
Kua whakaritea kia tāpirihia atu ia whakaaturanga ki te mea e tū
mai nei. Mā reira ka timata tōu haerenga, ā, ko tōu
ake tokonga whakaaro te kaihautū. Nā reira, whakarongo mai ki
a "Whānau!"
|
 |
 |
   |
 |
| |
 |
 |
 |
|
